2 तीमुथियुस 2 - बुक्साईसु मसी के सच्चे सिपाई 1 इसताँई ओ मेरे बेटा, तू ईसु मसी के किरपा सै तागतबर होतो जा। 2 और जिन बातौं कै तैनै भौस्से गभाऔ के सामने मैंसै सुनो है, उनकै ऐंसे लोगौ कै सौंपीए जो बिसवास बारे हौं और दूसरौं कै सिकानै बारे बी हौं। 3 ईसु मसी के अच्छे सिपाई के हाँई मेरे संग दुख झेलीए। 4 जो सिपाई को काम करै है, बौ आम लोगौ की जिन्दगी मै दखल ना देवै है कैसेकै बौ अपने अधकारी कै खुस कन्नै के ताँई तईयार रैहबै है। 5 इसई तरै सै अगर कुस्ती के मैदान मै जो कोई नियम के हिसाब सै ना लड़ै, तौ बाकै ईनाम ना मिलै है। 6 मैहनत कन्नै बारे किसान कै फसल को हिस्सा सबई सै पैले मिलै है। 7 जो बात मैं कैरओ हौं बामै धियान दो। परभु तुमकै इन सिगरी बातौं के ताँई अकल देगो। 8 ईसु मसी कै याद करते रौह, जो मरे भएऔं मै सै जिन्दो भओ, और बौ दाऊद के खानदान को है। जौई बौ अच्छी खबर है, जिसको मैं परचार करौ हौं। 9 अच्छी खबर के ताँई मैं दुख झेलौ हौं और मैंकै कैदी के हाँई साँकरौ सै जकड़ो गओ। पर परमेसर कै कैद ना करो जा सकै है। 10 इसताँई परमेसर के चुने भए लोगौ के ताँई मैं दुख उठामौ हौं, जिस्सै बे बी मसी ईसु दुआरा मुक्ति के संग-संग हमेसा की महिमा पांऐ। 11 जौ बात सच्ची है कै, “अगर हम बाके संग मर गए हैं तौ हम बाके संग जिन्दे बी हौंगे। 12 अगर हम सबर बी रखै हैं और बाके संग दुख बी उठाबै हैं, तौ हम बाके संग राज बी करंगे। और अगर हम बाकै पैचान्नै सै मनैह करै हैं, तौ बौ बी हमकै पैचान्नै सै मनैह करैगो। 13 हम अपने बिसवास सै मुकर जावै हैं, पर बौ बिसवासजोग बनो रैहबै है। कैसेकै बौ अपनो सौभाब ना बदलै है।” सबसै अच्छो कारीगर 14 उनकै इन बातौं की याद दिब्बातो रैहईए और परमेसर के सामने चितौनी देईए कै छोटी छोटी बातौं मै बैहैस बाजी कन्नै सै कोई फाएदा ना है, पर जो इनकै सुनै है, बे बी नास हो जावै हैं। 15 खुद कै परमेसर की सेवा के लायक बनाऔ और ऐंसे काम कन्नै की कोसिस करौ जिसमै तुमरी इज्जत होए और सच्चे बचन कै सई तरीका सै काम मै लाऔ। 16 पर दुनिया की और बेकार की बातचीत सै बचे रौह, कैसेकै जे बात लोगौ कै परमेसर सै दूर ले जावै हैं। 17 और उनकी सिक्छा कैन्सर के हाँई फैल जांगी और लोगौ के बिसवास कै खतम कर दंगी। हिमुनियुस और फिलेतूस बाई मै के हैं। 18 ऐंसे लोग सच्चाई सै भटक गए हैं और बे जौ कैबै हैं कै, “मरे भए पैलेई जिन्दे हो चुके हैं।” इस तरै सै जे लोगौ कै बिसवास सै भटकावै हैं। 19 पर कुछ बी होए परमेसर की बुनियाद पक्की और मजबूत है और बामै जौ लिखो पड़ो है कै, “परभु अपने लोगौ कै जानै है।” और जो ऐंसो कैबै हैं कै, “मैं परभु को हौं, तौ बाकै बुरे काम सै बचकै रैहनो चँईऐ।” 20 सेट के घर मै बस सौने और चाँदी केई बरतन ना पर लकड़ी और मट्टी के बी होवै हैं। पर किसी कै इज्जत के ताँई और किसी कै बेजती के काम के ताँई काम मै लेबै हैं। 21 अगर कोई अपने आपकै गलत बातौं सै दूर रखैगो, तौ बौ इज्जत को बरतन बनैगो और पबित्तर ठैरैगो, और मालिक के काम मै आगो और हर अच्छे काम के ताँई तईयार रैहगो। 22 जबानी की गलत इच्छा सै दूर भाज; और धारमिक जिन्दगी, बिसवास, पियार और सान्ति और उनके पिच्छे लगो रैह जो सुद्द मन सै परभु को नाम लेबै हैं। 23 मूरख और बेकार बेफजूल की बैहैस सै दूर रैहईओ, कैसेकै तुम जौ जानौ हौ कै इनकी बजै सै लड़ाई होवै हैं। 24 परभु के सेवक कै लड़ाई कन्नै बारो ना पर बौ सबई के ऊपर दया कन्नै बारो, सिक्छा दैनै बारो, और सबर रखनै बारो होनो चँईऐ। 25 जो बिरोद करै उनकै पियार सै समजाऔ, का पतो, परमेसर बाकै बाके पाप सै मन फिरानै को मन देए, जिस्सै कै बे बी सच्चाई कै पैचान सकैं, 26 और सैतान के बा फंदा सै बचकै लिकर सकै, जिसमै सैतान नै लोगौ कै अपने कबजा मै रखर खाओ है। |
New Life Compute Institute [NLCI] - CC BY-NC-ND 4.0