Taisbeanadh 21 - Tiomnadh Nuadh (MacEachen) 1875

XXI CAIB. An Ierusalem ur air fhiachuinn.

¹ Agus chunnaic mi neamh ùr us talamh ùr. Oir dhʼ fhalbh a chiad neamh ʼsa chiad thalamh, agus a nis cha n-eil muir ann.

² Us chunnaic mise, Eoin, am baile naomh, Ierusalem ùr, a tighinn a nuas bho Dhia á neamh air uidheamachadh mar bhean-bainnse sgeadaichte air son a fir.

³ Agus chuala mi guth mor bho ʼn chathair, a g-radh: Seall paillion Dhe maille ri daoine, us gabhaidh e comhnuidh cuide riu. Agus bithidh iad dha ʼnam pobull, agus bithidh Dia fhein maille riu, an Dia aca;

⁴ Agus siabaidh Dia bho ʼn suilean an deoir uile; ʼs cha bhi bàs ann tuille, no caoidh, no gal, cha bhi no bròn nas mua: oir shiubhail na ciad nichean.

⁵ Us thuirt esan a bha ʼna shuidhe air a chathair: Seall, tha mi dianamh a h-uile ni ùr. Us thuirt e rium: Sgriobh, oir is tur dileas agus fior na facail so.

⁶ Agus thuirt e rium: Tha e diante. Is mise Alpha agus Omega, an toiseach agus a chrioch. Dhasan air a bheil pathadh bheir mi de thobar uisge na beatha a nasgaidh.

⁷ Am fear a bheir buaidh, sealbhaichidh e na nichean so, agus bithidh mi na mʼ Dhia dha, us bithidh esan ʼna mhac dhomhsa.

⁸ Ach aig daoine gealtach, us ana-creideach, us truaillidh, ʼs aig luchd murtaidh, agus siursachd, us draoitheachd, us iodhol-aoraidh, ʼs aig briagadairean bithidh an cuibhrionn aca san lochan, a tha losgadh le teine ʼs le pronnastul: ni is e an darna bàs.

⁹ Agus thainig fear de na seachd ainglean, aig an robh na cupaichean lan de na seachd plaighean deirionnach, us labhair e rium, a g-radh: Thig, agus fiachaidh mi dhut bean-na-bainnse, céile an Uain.

¹⁰ ʼS thug e suas mi ann an spiorad gu beinn mhoir agus aird, us dhʼ fhiach e dhomh am baile naomh Ierusalem a tighinn a nuas á neamh bho Dhia,

¹¹ Agus gloir Dhe aige, ʼsa sholus coltach ri cloich phriseil, mar chloich iaspair, ʼs mar chriostal.

¹² ʼS bha balla mor agus ard aige, air an robh dà gheata dhiag; us anns na geatachan dà aingeal dhiag ʼs ainmeannan sgriobhte orra, ʼsiad sin ainmeannan dà threibh dhiag chlann Israil.

¹³ Air taobh an ear bha tri geatachan, ʼs air an taobh tuath tri geatachan, ʼs air an taobh deas tri geatachan, ʼs air taobh an iar tri geatachan.

¹⁴ ʼS aig balla a bhaile bha dà steidh dhiag, us unntasan dà ainm dhiag dà ostal dhiag an Uain.

¹⁵ Agus aige-san, a bha labhairt rium, bha tomhas de chuilc òir, gus am baile a thomhas, agus a gheatachan, agus a bhalla.

¹⁶ ʼS tha am baile ʼua shuidheachadh ceithir-chearnach, agus tha fhad cho mor ri ʼliad; us thomhais e am baile leis a chuilc òir gu dà mhile dhiag stàd: agus ʼfhad, us ʼairde, agus a liad is aon tomhas daibh.

¹⁷ Agus thomhais e am balla ciad agus dàfhichead agus ceithir lamh-choille, tomhas duine, se sin tomhas an aingil.

¹⁸ ʼS bha am balla air a thogail de chloich-iaspair; ach bʼ òr glan am baile fhein coltach ri gloine shoilleir.

¹⁹ ʼS bha steidhean balla a bhaile sgeimheach leis a h-uile seorsa de chlachan luachmhor. Bʼ i a chiad steidh iaspar; an ath thé, sapphir; an treas té, calcedonics; an ceathramh té, emerald;

²⁰ An coigeamh té, sardonics; an siathamh té, sardius; an seachdamh té, crisolit; an t-ochdamh té, berillus; an naoitheamh té, topas; an deicheamh té, crisoprasus; an aon-té-diag, hiacinthus, an darna-té-diag, amethistus.

²¹ Agus an dà gheata dhiag bu dà neamhnuid dhiag iad, a h-aon do gach geata: agus bʼ aon gheata gach neamhnuid: agus bʼ òr fior-ghlan straid a bhaile mar ghloine fhior-shoilleir.

²² ʼS cha n-fhaca mi teampull idir ann: oir se an Tighearna Dia uile-chumhachdach a theampull, agus an t-Uan.

²³ ʼS cha n-eil feum aig a bhaile air a ghrein, no air a ghealaich gu dearrsadh ann: oir tha gloir Dhe ga shoilleireachadh, agus se a lochran an t-Uan.

²⁴ Agus imichidh na cinnich ʼna sholus; ʼs bheir righrean an talmhuinn an gloir ʼs an urram ga ionnsuidh.

²⁵ ʼS cha dhuinear a gheatachan san latha: oir cha bhi oidhche an sid.

²⁶ Us bheir iad gloir agus onair nan cinneach ga ionnsuidh.

²⁷ Agus cha teid ni truaillidh air bith a stigh ann, no fear a ni graineileachd, no briag, ach iadsan a tha sgriobhte an leabhar beatha an Uain.