Taisbeanadh 18 - Tiomnadh Nuadh (MacEachen) 1875

XVIII. CAIB. Tuiteam Babiloin: righrean us ceannaichean a gal thairis oirre.

¹ Agus an deigh nan nichean so chunnaic mi aingeal eile tighinn a nuas bho neamh le cumhachd mhoir; agus rinneadh soilleir an talamh le ghloir.

² Us dhʼ eigh e le ʼuile neart, a g-radh: Thuit, thuit Babilon mhor; us rinneadh i ʼna h-aros dheomhan, ʼs ʼna garadh a h-uile spioraid neo-ghlain, ʼs ʼna comhnuidh do ʼn h-uile ian neoghlan agus graineil:

³ A chionn gun dʼ ol na cinnidhean uile de dhʼ fhion fearg a striopachais, agus rinn righrean an talmhuinn striopachas rithe, us rinneadh ceannaichean an talmhuinn beairteach le miad a soghalachd.

⁴ Us chuala mi guth eile bho neamh, a g-radh: Gabhaibh a mach aiste, mo phobuill, air chor ʼs nach bi sibh ʼnur luchd-comhphairt a h-i eucoirean, ʼs nach faigh sibh dhe a plaighean.

⁵ Oir rainig a peacannan gu ruig neamh, agus chuimhnich an Tighearna a h-eucoirean.

⁶ Thugaibh dhi mar thug ise dhuibhse; us dublaibh dhi dubailte a reir a gniomhran: ʼsa chupa anns na mheasgaich i, measgaichibh dhi an dubladh.

⁷ A mhiad ʼsa ghloraich i i fhein, ʼsa chaith i a beatha an soighneas, urad ʼs sin thugaibh dhi de phianadh agus de bhròn: a chionn gum beil i cantuinn ʼna cridhe: Tha mi na mʼ shuidhe na mʼ bhanrighn; ʼs cha bhantrach mi; agus cha n-fhaic mi bròn.

⁸ Uime sin thig a plaighean an aon latha, am bàs, agus bròn, agus gorta, ʼs loisgear i le teine: a chionn tha Dia cumhachdach, a bheir breth oirre.

⁹ Agus righrean an talmhuinn, a rinn striopachas rithe, agus a chaith am beatha an sogh maille rithe, ni iad gal us caoidh thairis oirre, nuair a chi iad smuid a losgaidh:

¹⁰ A seasamh fad as le eagal a doruinne, a g-radh: Och, och am baile mor ud, Babilon, am baile laidir ud: oir ann ari aon uair thainig do bhreitheanas ort.

¹¹ Agus ni ceannaichean an talmhuinn gal agus tursa thairis oirre: oir cha cheannaich duine am bathar tuilleadh:

¹² Bathar de dhʼ òr, ʼs de dhʼ airgiod, ʼs de chlachan priseil, ʼs de neamhnuidean, ʼs de dhʼ anart grinn, ʼs de phurpur, ʼs de shioda, ʼs de sgarlaid, (ʼsa h-uile seorsa fhiodha thìne, ʼsa h-uile seorsa shaghaichean ibhori, ʼsa h-uile seorsa shaghaichean de chlachan priseil, ʼs de phràis, ʼs de dhʼ iarunn, ʼs de mharmor,

¹³ Agus canal), ʼs de bholtraichean, ʼs de dhʼ ungaidhnean, ʼs de thùis, ʼs de dhʼ fhion, ʼs de dhʼ ola, ʼs de chruithneachd, ʼs de fhlùr, ʼs de dhʼ ainmhidhean-làid, ʼs de chaoraich, ʼs de dhʼ eich, ʼs de charbadan, ʼs de thraillean, agus de anmannan dhaoine.

¹⁴ Agus meas miann tʼ anma threig iad thu, agus uile nichean reamhra agus matha, bhàsaich iad bhuat, ʼs cha n-eil iad ri ʼm faighinn tuille.

¹⁵ Ceannaichean nan nichean so, a rinneadh beairteach, seasaidh iad fad as bhuaipe le eagal a doruinne, a caoidh, ʼsa gal,

¹⁶ Agus a g-radh: Och, och am baile mor ud, a bha air eideadh le anart grinn, ʼs le purpaidh, ʼs le sgarlaid, ʼsa bha air a dhealrachadh le òr, ʼs le clachan luachmhor, ʼs le neamhnuidean:

¹⁷ Oir an aon uair thainig beartas cho mor gu neoni; ʼta h-uile maighistir luing, ʼs gach fear a tha seoladh air loch, agus maraichean, ʼsa mhiad ʼsa tha ri saothair air fairge, sheas iad fad as,

¹⁸ Agus ghlaodh iad, a faicinn aite a losgaidh, a g-radh: Co am baile a tha coltach ris a bhaile mhor so?

¹⁹ Agus chuir iad duslach air an cinn, us ghlaodh iad a g-acain, ʼsa baoidh, a g-radh: Och, och am baile mor ud, anns an dʼ rinneadh beairteach le phrisean iadsan uile aig an robh saghaichean air muir: oir an aon uair chreachadh e.

²⁰ Dian gairdeachas fos a chionn, a neamh, agus sibhse ostail naomh a agus fhaidhean: oir leag Dia binn ur breitheanais air.

²¹ Us thog aingeal treun clach mar chloich-mhuilinn mhoir, us thilg e anns a mhuir i, a g-radh: Le urchair mar so tilgear sios Babilon, am baile mor sin, us tuilleadh idir cha n-fhaighear i.

²² Agus guth chlarsair, us luchd-ciuil, us luchd-seinn air piob ʼs air trombaid, cha chluinnear tuille unnad; agus fear-ceairde de cheaird air bith, cha n-fhaighear tuille unnad; agus fuaim muillinn cha chluinnear unnad tuille;

²³ Us solus lochrain cha soillsich unnad tuille; us guth fear-na-bainnse agus bean-na-bainnse, cha chluinnear unnad nas mua: oir bʼ iad do cheannaichean daoine mora an talmhuinn, oir chaidh na cinnidhean uile air iomrall le do dhraoitheachdan.

²⁴ Agus fhuaradh innte fuil fhaidhean us naomh, agus dhiusan uile a mharbhadh air an talamh.