Mata 9 - Tiomnadh Nuadh (MacEachen) 1875

IX. CAIB. Criosla a leigheas na crithe, a gairm Mhatu, a leigheas na te air an robh siubhal fala, a toirt beo nighean Iaruis, a toirt fradhairc do dhithis dhall, ʼsa leigheas balbhain anns an robh deomhan.

¹ ʼSa dol a stigh do bhàta, chaidh e thairis, us thainig e gu bhaile fhein.

² Agus, seall, thug iad ga ionnsuidh fear air an robh an tinneas-critheach ʼna laidhe air leabaidh. Agus Iosa faicinn an creidimh, thuirt e ris an fhear air an robh a chrith: Biodh misneach agad, a mhic, tha do pheacannan mathte dhut.

³ Agus, seall, thuirt cuid dhe na Sgriobhaich riu fhein: Tha e labhairt blaisbheum.

⁴ Agus Iosa faicinn an smaointean, thuirt e: Car-son a tha sibh a smaoineachadh air olc ʼnur cridheachan?

⁵ Co dhiu is fhasa radh: Tha do pheacannan mathte dhut; no gh-radh: Eirich agus coisich?

⁶ Ach air chor ʼs gum bi fios agaibh, gum beil comas aig Mac an duine peacannan a mhathadh air talamh (an sin thuirt e ri fear na crithe): Eirich, tog do leabadh, us falbh gu do thigh.

⁷ Agus dhʼeirich e, us dhʼ fhalbh e gu thigh.

⁸ Agus an sluagh a faicinn so, ghabh iad eagal us thug iad gloir do Dhia, a thug a leithid so de chomas do dhaoine.

⁹ Agus nuair a thriall Iosa as a sin, chunnaic e fear dhaʼm bʼainm Matu ʼna shuidhe an tigh-na-cise. Us thuirt e ris: Lean mise. ʼSa g-eirigh, lean e e.

¹⁰ Us thachair nuair a bha e ʼna shuidhe aig biadh san tigh, seall, thainig moran chismhaor us pheacach, agus shuidh iad maille ri Iosa, ʼs ri dheisciopuil.

¹¹ Agus nuair chunnaic na Phairisich so, thuirt iad ri dheisciopuil: Car-son a tha ur maighistir a g-ithe comhla ri cismhaoir ʼs ri peacaich?

¹² Ach thuirt Iosa, ʼs e cluinntinn so: Cha n-eil feum aig daoine slan air leigh, ach aig daoine tinne.

¹³ Ach falbhaibh agus ionnsaichibh ciod is ciall dha so: Is aill leam trocair, ʼs cha n-e iobairt. Oir cha tainig mi a ghairm nan naomh, ach nam peacach.

¹⁴ An sin thainig deisciopuil Eoin ga ionnsuidh, a g-radh: Car-son a tha sinne ʼs na Phairisich a trasgadh gu tric, ʼs nach eil do dheisciopuil-se a trasgadh?

¹⁵ Us thuirt Iosa riu: An urrainn do fhleasgaich fear-na-bainnse a bhith ri cumha fhad ʼsa bhios fear-na-bainnse maille riu? Ach thig na lài anns an toirear fear-na-bainn-se bhuapa: agus an sin ni iad traisg.

¹⁶ Agus cha chuir neach air bith breid de dhʼaodach ùr air seann eideadh: oir bheir e ʼliad fhein as an eideadh, us bithidh an stracadh nas miosa.

¹⁷ Cha mhua chuireas iad fion ùr an seann searragan; air-neo sgàinidh na searragan, us doirtear am fion, agus caillear na searragan. Ach thathas a cur fiona ùir an searragan ùra, agus tiarnar an dà chuid.

¹⁸ Nuair bha e labhairt so riu, seall, thainig uachdran àraidh h-uige, us thug e aoradh dha, a g-radh: A Thighearna, chaochail mo nighean san uair so, ach thig-se, cuir do lamh oirre, agus thig i beo.

¹⁹ Us Iosa a g-eirigh, lean e e, agus a dhiesciopuil.

²⁰ Agus, seall, boirionnach air an robh siubhal fala fad dà bhliadhna-dhiag a tighinn air a chulaobh, bhean i do dhʼfhaitheam eididh.

²¹ Oir thuirt i rithe fhein: Ma bheanas mi a mhain dha eideadh, bithidh mi slan.

²² Ach Iosa a tionndadh ʼs ga faicinn, thuirt e: Biodh misneach agad, a nighean, rinn do chreideamh slan thu. Us bha ʼm boirionnach slan bho ʼn uair sin.

²³ Agus nuair a thainig Iosa gu tigh an uachdrain, ʼsa chunnaic e an luchd-ciuil ʼsa chuideachda ri toirm mhoir, thuirt e:

²⁴ Rachaibh as an rathad: oir cha n-eil a chaileag marbh, ach ʼna cadal. Us rinn iad gaire-fanaid air.

²⁵ ʼS nuair a chuireadh a mach a chuideachda, chaidh e stigh: agus rug e air laimh oirre. Us dhʼeirich a chaileag.

²⁶ Agus sgaoil iomradh air so feadh na ducha sin gu leir.

²⁷ ʼS nuair a thriall e as a sin, lean dithis dhall e, a g-eigheach, ʼsa cantuinn: Gabh truas ruinn, a Mhic Dhài.

²⁸ Agus nuair a thainig e thun an tighe, thainig na doill ga ionnsuidh. Us thuirt Iosa riu: Am beil sibh a creidsinn gur urrainn domh so dhianamh dhuibh? Tha, a Thighearna, arsa iadsan ris.

²⁹ An sin bhean e dhaʼn suilean, a g-radh: Biodh e dhuibh a reir ur creidimh.

³⁰ Us dhʼfhosgladh an suilean. Agus mhaoidh Iosa orra, a g-radh: Faicibh nach fhaigh neach air bith fios air so.

³¹ Ach dhʼfhalbh iadsan, agus sgaoil iad a chliu feadh na duthcha sin uile.

³² ʼS an deigh dhaibhse falbh, seall, thug iad ga ionnsuidh balbhan, anns an robh deomhan.

³³ Agus nuair a chuireadh a mach an deomhan, labhair am balbhan, agus ghabh an sluagh iongantas, a cantuinn: Cha n-fhacas riamh leithid so an Israel.

³⁴ Ach thuirt na Phairisich: ʼSann le prionnsa nan deomhan a tha e cur a mach dheomhan.

³⁵ Us dhʼimich Iosa mun cuairt feadh nan caithrichean ʼs nam bailtean uile, a teagasg ʼnan sinagogan, ʼsa searmonachadh soisgeul na rioghachd, ʼsa leigheas a h-uile eugail, ʼsa h-uile easlaint.

³⁶ ʼSa faicinn an t-sluaigh ghabh e truas riu: a chionn ʼs gun robh iad air an sarachadh ʼs ʼnan laidhe mar chaoraich gun bhuachaille.

³⁷ An sin thuirt e ri dheisciopuil: Tha ʼm foghar ga rireamh pailt, ach an luchd-oibre gann.

³⁸ Uime sin guidhibh air Tighearna an fhoghair, e chur luchd-oibre gu fhoghar fhein.