Marcus 15 - Tiomnadh Nuadh (MacEachen) 1875

XV. CAIB. A chuid eile de dhʼ eachdraidh a phàis.

¹ Agus gu luath sa mhaduinn chuir na h-ard-shagairt, ʼs na seannairean ʼs na Sgriobhaich, ʼsa chomhairle uile, an comhairle ri cheile, agus cheangail iad Iosa, agus thug iad leo e, agus liubhair iad e do Philat.

² Us dhʼfharraid Pilat dheth: An tu Righ nan Iudhach? Agus Iosʼ a freagairt, thuirt e ris: Tha thu ga gh-radh.

³ Agus bha na h-ard-shagairt a cur ioma cuis as a leth.

⁴ Us dhʼfharraid Pilat a rithist dheth, a g-radh: Nach toir thu freagairt air bith? seall co liuthad ni tha iad a g-agairt na tʼaghaidh.

⁵ Ach cha do fhreagair Iosa idir tuilleadh, air sheol ʼs gun do ghabh Pilat iongantas.

⁶ A nis air latha na feille bʼabhuist da leigeil mu sgaoil dhaibh aon sa bith dhe na priosanaich, a dhʼiarradh iad.

⁷ Agus bha fear ann, dha ʼm bʼainm Barabbas, a chuireadh am priosan comhla ri luchd-ceannairc, agus a bha air murt a dhianamh ann an ceannairc.

⁸ Agus nuair a dhirich an sluagh suas, thòisich iad ri iarraidh air, e dhianamh dhaibh mar a bʼabhuist dha daonnan.

⁹ Agus fhreagair Pilat iad, ʼs thuirt e: An aill leibh gun leig mi as dhuibh righ nan Iudhach?

¹⁰ Oir bha fios aige gum bʼann tromh fharmad a liubhair na h-ard-shagairt seachad e.

¹¹ Ach bhrosnaich na h-ard-shagairt an sluagh, gun leigeadh e mar raghainn Barabbas mu sgaoil daibh.

¹² Agus fhreagair Pilat a rithist, us thuirt e riu: Ciod ma ta is aill leibh mi dhianamh ri righ nan Iudhach?

¹³ Ach ghlaodh iad a rithist: Ceus e.

¹⁴ Us thuirt Pilat riu: Ciod an t-olc a rinn e? Ach ʼsann is mua ghlaodh iad: Ceus e.

¹⁵ Agus bho na bha Pilat deonach an sluagh thoileachadh, leig e Barabbas mu sgaoil dhaibh, ʼs an deigh Iosa sgiursadh, thug e seachad e, gus a cheusadh.

¹⁶ Ach thug na saighdearan leo e a stigh gu cùirt an uachdrain, us ghairm iad am buidheann uile.

¹⁷ Agus dhʼeid iad e le purpur, ʼsa fighe crùn dreighinn chuir iad air e.

¹⁸ Agus thòisich iad air furan a chur air, a g-radh: Failt, a righ nan Iudhach.

¹⁹ Us bhuail iad a cheann le cuilc; agus thilg iad smugaidean air, ʼsa lubadh an glun, thug iad aoradh dha.

²⁰ Agus an deigh dhaibh magadh air, thug iad dheth am purpur, us chuir iad aodach fhein air, agus thug iad leo e gus a cheusadh.

²¹ Agus dhʼeignich iad fear a bha dol seachad, Simon bho Chirene, athair Alastair agus Rufuis, a bha tighinn as an duthaich, gus a chrois a ghiulan.

²² Agus thug iad e gu aite ris an canar Golgotha, se sin air eadar-theangachadh, aite Chalbhari.

²³ Agus thug iad dha ri ol fion measgte le mirr; agus cha do ghabh e e.

²⁴ Agus air dhaibh a cheusadh, roinn iad aodach, a tilgeadh chrann air, fiach ciod a thogadh gach aon.

²⁵ Agus bʼi an tritheamh uair a bhʼann, agus cheus iad e.

²⁶ ʼS bha chuis-dhitidh sgribhte fos a chionn: Righ nan Iudhach.

²⁷ Agus cheus iad dà mheirleach comhla ris, fear air a laimh dheis, us fear air a laimh chli.

²⁸ Agus choimhlionadh an sgriobtur, a tha g-radh: Agus bha e air a mheas am measg nan eucorach.

²⁹ Agus thug iadsan a bha dol seachad toibheum dha, a crathadh an cinn, ʼsa g-radh: O thusa, a leagas an teampull, ʼsa thogas e rithist ann an tri latha:

³⁰ Teasraig thu fhein agus thig a nuas dheʼn chrois.

³¹ Mar an ciadna bha na h-ard-shagairt a magadh air, agus marris na Sgriobhaich a cantuinn ri cheile: Shabhail e feadhainn eile, e fhein cha n-urrainn e shabhaladh.

³² Thigeadh Criosta righ Israil a nuas a nis bhoʼn chrois, chum gum faic agus gun creid sinn. Us thug iadsan, a cheusadh maille ris, taire dha.

³³ ʼS nuair a thainig an t-siathamh uair, bha dorchadas air an talamh gus an naoitheamh uair.

³⁴ Agus aig an naoitheamh uair dhʼeigh Iosa le guth ard, a g-radh: Eloi, Eloi, lamma sabacthani? se sin air eadar-theangachadh: Mo Dhia, mo Dhia, car-son a threig thu mi?

³⁵ Agus thuirt cuid deʼn fheadhainn a bha ʼnan seasamh mun cuairt, nuair a chual iad e: Seall, tha e gairm Eliais.

³⁶ Agus ruith fear, ʼsa lionadh spuing le fion-geur, ʼs ga cur air cuilc, thug e dha ri ol, a g-radh: Leigibh leam, faicemid an tig Elias gus a thoirt a nuas.

³⁷ Agus Iosa a g-eigheach le guth ard, thug e suas an anail.

³⁸ Agus sthracadh brat an teampuill na dhà leth bho bhraighe gu ʼiochdar.

³⁹ Agus nuair a chunnaic an ceannard-ciad, a bha ʼna sheasamh mu choinneamh, gun do dhʼeug e a g-eigheachd mar sin, thuirt e: Gu firinneach bʼe an duine so Mac Dhe.

⁴⁰ Agus bha boirionnaich cuideachd a coimhead fad as: ʼnam measg bha Mairi Magdalen, agus Mairi mathair Sheumais is lugha us Ioseiph, agus Salome:

⁴¹ A lean e nuair a bha e ann an Galile, ʼsa fhreasdail air, agus moran bhoirionnach eile, a bhʼair direadh gu Ierusalem maille ris.

⁴² ʼS nuair thainig am feasgar, a chionn gum bʼe an t-uidheamachadh a bhʼann, se sin an latha romh ʼn t-sàbaid,

⁴³ Thainig Ioseph bho Arimatéa, comhairleach urramach, aig an robh suil e fhein ri rioghachd Dhe, us chaidh e stigh gu dàna gu Pilat, agus dhʼiarr e corp Iosa.

⁴⁴ ʼS bha iongantas air Pilat gum biodh e cheana marbh. ʼSa gairm a cheannaird-chiad, dhʼfharraide dheth an robh e cheana marbh.

⁴⁵ ʼS nuair fhuair e fios bhoʼn cheannard-chiad, thug e an corp do Ioseph.

⁴⁶ Agus cheannaich Ioseph lion-anart, ʼs ga thoirt a nuas, shuain e san lion-anart e, agus chuir e ann an uaigh e, a bhʼair a gearradh as a chraig, agus charaich e clach gu dorus na h-uaighe.

⁴⁷ ʼS bha Mairi Magdalen agus Mairi mathair Ioseiph a gabhail beachd càite an rachadh a chur.