Gnìomharan 14 - Tiomnadh Nuadh (MacEachen) 1875

XIV. CAIB. Pol ʼs Barnabas a teagasg ann an Icomum ʼs an Listra: Leighis Pol cripleach: shaoileadh gum bu diathan iad: chlachadh Pol: iad a teagasg ann an Derbé ʼs am Pergé.

¹ Agus thachair ann an Iconium gun deach iad le cheile stigh do shinagog nan Iudhach, agus gun do labhair iad ann an seol ʼs gun do chreid ro-mhoran sluaigh de na h-Iudhaich araon ʼs de na Greigich.

² Ach bhrosnaich na h-Iudhaich, a bha mi-chreideach, us bhorbnaich iad gu feirg inntinn nan cinneach an aghaidh nam braithrean.

³ A dhʼ aindeoin sin dhʼ fhuirich iad moran uine, a g-oibreachadh gu misneachail san Tighearna, a thug teisteanas do fhacal a ghras le deonachadh comharraidhnean, agus miarailtean a bhith diante le ʼn lamhan.

⁴ ʼS bha sluagh a bhaile air an roinn; bha cuid gu dearbh air taobh nan Iudhach, agua cuid air taobh nan ostal.

⁵ Ach nuair thugadh ionnsuidh leis na cinnich, us leis na h-Iudhaich maille ri ʼn riaghladairean, le beachd am maslachadh agus an clachadh,

⁶ Bha iad ʼnam faireachadh, agus theich iad gu Listra agus Derbè, bailtean ann an Licaonia, ʼs gus an duthaich uile mun cuairt, agus bha iad ri obair an t-soisgeil an sin.

⁷ ʼS bha duine araid ann an Listra ʼna shuidhe, gun lùs ʼna chasan, ʼs na chripleach bho bhroinn a mhathar, ʼs nach do choisich riamh.

⁸ Chual am fear so Pol a labhairt. Agus esan a g-amharc air, ʼsa faicinn gun robh creideamh aige gu bhith air a leigheas,

⁹ Thuirt e le guth ard: Eirich direach air do chasan. Us leum e suas, agus choisich e.

¹⁰ ʼS nuair chunnaic an sluagh ciod a rinn Pol, thog iad an guth a cantuinn ann an canan Licaonia: Theirinn na diathan nuas gaʼr n-ionnsuidh an riochd dhaoine.

¹¹ Agus thug iad Iupiter air Barnabas, agus Mercurius air Pol: a chionn ʼs gum bʼ e am priomh fhear-labhairt e.

¹² A bharr air sin thug sagart Iupiteir, a bha mu choinneamh a bhaile, tairbh us fleasgan leis gu bialaobh a gheata, us bʼaill leis iobairt a thairgse suas comhla ris an t-sluagh.

¹³ Ach cho luath ʼsa chuala na h-ostail, Barnabas agus Pol, so, riab iad an aodach, agus leum iad am measg an t-sluaigh, a glaodhaich,

¹⁴ ʼSa g-radh: Fheara, car-son a tha sibh a dianamh so? Is daoine bàsmhor sinne, coltach ribh fhein, a tha teagasg dhuibh tionndadh bho na nichean faoin sin gus an Dia beo, a rinn neamh, agus talamh, agus a mhuir, agus gach ni a thʼ unnta:

¹⁵ A leig, anns na linntinn a chaidh seachad, leis na cinnich uile imeachd ʼnan slighean fhein.

¹⁶ An deigh sin uile cha dʼ fhag e e fhein gun theisteanas, a buileachadh math bho neamh, a toirt uisge agus aimsirean torach; a lionadh ar cridheachan le biadh ʼs le aoibhneas.

¹⁷ Agus leis na nichean so radh, ʼsann air eiginn a chàisg iad an sluagh bho iobairt a thairgse dhaibh.

¹⁸ A nis thainig Iudhaich araid á Antioch ʼs á Iconium; ʼs air dhaibh an sluagh a thoirt air an comhairle, chlach iad Pol, agus shlaod iad a mach as a bhaile e an dùil gun robh e marbh.

¹⁹ Ach air cruinneachadh do na deisciopuil mun cuairt da, dhʼ eirich e, ʼs chaidh e stigh do ʼn bhaile; ʼs air an ath latha dhʼ imich e maille ri Barnabas gu Derbè.

²⁰ ʼS an deigh dhaibh an soisgeul a shearmonachadh do ʼn bhaile sin, us moran a theagasg, thill iad a rithist do Listra, ʼs do Iconium, ʼs do Antioch,

²¹ A neartachadh anmannan nan deisciopul, ʼs gam brosnachadh gu leantuinn ris a chreideamh; ʼs gur ann tromh mhoran anshocair a dhʼ fheumas sinn dol a stigh do rioghachd Dhe.

²² ʼS nuair a shuidhich iad sagairt daibh anns a h-uile eaglais, ʼsa chuir iad suas urnaigh le traisg, dhʼearb iad iad ris an Tighearna, anns na chreid iad.

²³ ʼSa gabhail tromh Phisidia, thainig iad gu Pamphilia.

²⁴ ʼS an deigh dhaibh facal an Tighearna a labhairt am Pergè, chaidh iad sios gu Attalia;

²⁵ Agus sheol iad á sin do Antioch, as na liubhradh iad do ghrasan De thun na h-oibre, a choimhlion iad.

²⁶ ʼS nuair a rainig iad, ʼsa chruinnich iad an eaglais, dhʼ aithris iad a mhiad sa rinn Dia leo, ʼs mar dhʼ fhosgail e dorus a chreidimh do na cinnich.

²⁷ Agus dhʼ fhuirich iad; uine nach bu bheag comhla ris na deisciopuil.