Eabhraidhich 11 - Tiomnadh Nuadh (MacEachen) 1875

XI. CAIB. Tha e fiachuinn ciod e creideamh: a thoradh ʼs a bhrigh mhiarailteach air an comhdach leis na h-aithrichcan.

¹ A nis se creideamh bun nan nichean ris a bheil dochas, dearbhadh nan nichean nach fhaicear.

² Oir ʼsann le so a fhuair na sinnsirean teisteanas.

³ Le creideamh tha sinn a tuigsinn, gun do chruthaicheadh an saoghal le facal De; los bho nichean nach fhaicear gun dianteadh nichean a chitear.

⁴ Le creideamh thairg Ahel suas iobairt do Dhia na bʼ urramaiche na thairg Cain, leis an dʼ fhuair e teisteanas gum bu duine ceart e, le Dia a thoirt teisteanais dha thobhartasan; agus le sin, ʼs e marbh, tha e labhairt fhathast.

⁵ Le creideamh dhʼ atharraicheadh Henoch, gus nach faiceadh e bàs, ʼs cha dʼ fhuaradh e: a chionn gun dʼ atharraich Dia e: oir roimh ʼatharrachadh bha teisteanas aige, gun do thoilich e Dia.

⁶ A nis gun chreideamh cha n-urrainnear Dia thoileachadh. Oir am fear a thig gu Dia, feumaidh e creidsinn gum beil Dia ann, ʼs gun toir e duais dhaibh-san, a tha an geall air fhein.

⁷ Le creideamh Noé, a faighinn rabhaidh mu nichean nach robh fhathast ri ʼm faicinn, ʼsa gabhail eagail, rinn e an àirc gu theaghlach a thearnadh, leis na dhit e an saoghal; us rinneadh ʼna oighre e air a cheartas, a tha tromh chreideamh.

⁸ Le creideamh bha esan, ris an abrar Abraham, umhailt gu falbh do aite, a bha e dol a dhʼ fhaighinn mar oighreachd; us dhʼ fhalbh e gun fhios càite an robh e dol.

⁹ Le creideamh thuinich e ann an talamh a ghealltanais, mar ann an duthaich choigrich, a tamham bothain maille ri Isaac us Iacob, co-oighreachan a gheallaidh chiadna.

¹⁰ Oir bha suil aige ri baile aig a bheil steidhean: air a bheil Dia ʼna dhealbhadair ʼs ʼna fhear-togail.

¹¹ Le creideamh fhuair Sara fhein, ʼs i neo-thorrach, comas gu sliochd a bhith aice ged a bha i thar aois chloinne: chionn gun do chreid i gun robh esan, a bha air gealltuinn, firinneach.

¹² As leth sin chinnich bho h-aon (agus esan ionann us marbh) mar reultan an athair an lionmhorachd, ʼs mar ghaineamh traigh na mara gun aireamh.

¹³ Fhuair iad sin uile bàs ann an creideamh, gun ruighinn air na gealltanasan, ach gam faicinn fad as, ʼs gam fàilteachadh, ʼsa g-aideachadh gur luchd-cuairt agus coigrich iad air talamh.

¹⁴ Oir tha iadsan, a tha labhairt nan nichean so, a ciallachadh gum beil iad a sireadh ducha.

¹⁵ ʼS gu dearbh nam biodh iad air cuimhneachadh air an aite as an tainig iad, gun teagamh bha uine aca gu tilleadh.

¹⁶ Ach a nis tha iad a rùnachadh ducha nas fhearr, se sin, duthaich air neamh. Leis a sin cha nàire le Dia an Dia-san a radh ris: oir dhʼ uidheamaich e baile dhaibh.

¹⁷ Le creideamh, nuair chuireadh diachuinn air Abraham, thairg e suas Isaac, us esan, a fhuair na geallaidhnean, bha e gu aonghin mic a thairgse suas:

¹⁸ Ris an deach a radh: Ann an Isaac gairmear do shiol:

¹⁹ A smaoineachadh gum beil Dia comasach air togail, seadh fhein, bho na mairbh: bho ʼn dʼ fhuair e e cuideachd mar shamhladh.

²⁰ Le creideamh cuideachd mu nichean ri tighinn, bheannaich Isaac Iacob agus Esau.

²¹ Le creideamh, ʼs e aig a bhàs, bheannaich Iacob gach fear de mhic Ioseiph, agus thug e aoradh do cheann a shlaite.

²² Le creideamh labhair Ioseph, ʼs e faighinn a bhàis, mu dhol a mach clann Israil, agus thug e ordugh mu chnaimhean.

²³ Le creideamh chaidh Maois, nuair a rugadh e, a chleith tri miosan le pharantan, a chionn gum fac iad e ʼna leanabh briagh; ʼs cha do ghabh iad geilt roimh achd an righ.

²⁴ Le creideamh dhʼ aicheadh Maois, nuair dhʼ fhas e mor, gum bʼ e mac nighean Pharao,

²⁵ A gabhail mar raghainn a bhith fo anshocair comhla ri pobull De, seach toileachadh a pheacaidh a bhith aige car tamuill,

²⁶ A meas masladh Chriosta ʼna bheartas nas mua na ionmhas nan Eiphiteach: oir bha suil aige ris an duais.

²⁷ Le creideamh dhʼ fhag e an Eiphit gun eagal romh chorruich an righ: oir dhʼ fhuilig e mar gum bu leir dha esan nach fhaicear.

²⁸ Le creideamh chum e a chàisg, agus dortadh fala; gus nach beanadh esan, a sgrios na ciadghin, dhaibh-san.

²⁹ Le creideamh chaidh iad tromh ʼn mhuir ruaidh, mar air talamh tioram: agus shlugadh sios na h-Eiphitich, a thug ionnsuidh air an leanail.

³⁰ Le creideamh thuit ballachan Iericho le an cuairteachadh seachd latha.

³¹ Le creideamh cha deach Rahab an striopach a sgrios maille ris na h-ana-creidich, bho na ghabh i ris an luchd-choimhid le sith.

³² Agus ciod tuilleadh a their mi? Oir teirigidh uine domh a toirt iomraidh air Gedeon, Barac, Samson, Iephte, Dài, Samuel, agus air na faidhean:

³³ A bhuadhaich air rioghachdan le creideamh, a rinn ceartas, a choisinn geallaidhnean, a dhuin beoil leomhan,

³⁴ A mhùch aintheas teine, a chaidh as bho fhaobhar a chlaidhimh, a chinn laidir bho laigse, a dhʼ fhas treun an cath, a chuir armailtean nan coigreach an ruaig;

³⁵ Fhuair mnathan am mairbh air an toirt beo rithist. Ach riaslaicheadh feadhainn eile gun saorsuinn a ghabhail, gus iad a ruighinn air aiseirigh nas fhearr.

³⁶ Chaidh feadhainn fhiachuinn le fanaid, ʼs le sgiursadh, ʼsa bharrachd air sin le ceanglaichean agus le priosanan;

³⁷ Bhathas gan clachadh, gan gearradh troimh, gam buaireadh, gan cur gu bàs leis a chlaidheamh, chaidh iad mun cuairt ann an craicinnean chaorach, an craicinnean ghobhar, ann an uireasuidh, an anradh, an cradh:

³⁸ Bu daoine iad air nach bʼ airidh an saoghal; iad air allaban feadh fhasach, bheanntan, shloc, agus uamhannan an talmhuinn.

³⁹ Agus ged a dhearbhadh iad so uile le teisteanas creidimh, cha do ghiac iad an gealltanas:

⁴⁰ Dia a solaradh ni-eigin nas fhearr dhuinn, air chor ʼs nach biodh iad coimhlion as ar n-aonais.