2 Timòteus 4 - Tiomnadh Nuadh (MacEachen) 1875

IV. CAIB. Fhainte do Thimoti: tha e g-innse dha gum beil a bhàs faisg: ʼsa g-iarraidh air tighinn ga ionnsuidh.

¹ Tha mi sparradh ort an lathair Dhe agus Iosa Criosta, a tha gu breth a thoirt air bheo ʼs air mhairbh aig a thighinn, agus ʼna rioghachd:

² Searmonaich am facal, bi dian an cothrom, ʼs an ana-cothrom: cronaich, earalaich, maoith leis a h-uile faighidin agus teagasg.

³ Oir thig an t-àm anns nach fuilig iad teagasg fallain, ach a reir am miann gun cam iad suas dhaibh fhein luchd-teagaisg le cluasan tachasach,

⁴ Agus tionndaidh iad gu dearbh an cluasan bho ʼn fhirinn, ach tionndaidhear iad gu faoin-sgialachdan.

⁵ Ach bi-sa furachail, ri saothair anns gach cuis, dian gniomh soisgeulaiche, coimhlion do dhriachd. Bi stuama.

⁶ Oir tha mise deas a nis gu bhith air mʼ iobradh, ʼs tha àm mʼ fhuasgladh bho ʼn choluinn aig laimh.

⁷ Chath mi deagh chath, chriochnaich mi mo chuairt, ghleidh mi an creideamh.

⁸ Air chul so tha crùn a cheartais a feitheamh orm, a bheir an Tighearna, am britheamh ceart, dhomh air an latha sin: ʼs cha n-ann dhomh-sa mhain, ach dhaibh-san cuideachd, leis an toil a thighinn. Dian cabhag gu tighinn h-ugam gun dail.

⁹ Oir threig Demas mi, le ro-thoil a bhith aige do ʼn t-saoghal so, ʼs thug e Thessalonica air;

¹⁰ Chaidh Crescens do Ghalatia, Titus do Dhalmatia.

¹¹ Tha Lucas ʼna aonar maille rium. Gabh Marcus, us thoir leat e: oir tha e gu feum dhomhsa san fhrithealadh.

¹² Ach chuir mi Tichicus do Ephesus.

¹³ An cleoc, a dhʼ fhag mi aig Troas maille ri Carpus, thoir leat nuair a thig thu, agus na leabhraichean, ach fos leth na craicinnean-sgriobhaidh.

¹⁴ Rinn Alastair, an ceard-copair, moran de dhʼ olc ormsa: paidhidh an Tighearna e a reir oibrichean:

¹⁵ Agus seachuinn thusa e; oir is mor a chuir e an aghaidh ar briathran-ne.

¹⁶ Aig mo chiad cheasnachadh cha do sheas duine leam, ach threig iad uile mi: na cuirear as an leth e.

¹⁷ Ach sheas an Tighearna ri mʼ thaobh, agus neartaich e mi, los gun coimhlionar an teagasg leam, agus gun cluinn na cinnich uile e; agus theasraigeadh mi á bial an leomhain.

¹⁸ Shaor an Tighearna mi bho ʼn h-uile droch obair, agus gleidhidh e mi gus a rioghachd fhein air neamh, dhasan gun robh gloir ri linn nan linn. Amen.

¹⁹ Cuir fàilt air Prisca, ʼs air Acuila, agus air teaghlach Onesiphoruis.

²⁰ Dhʼ fhuirich Erastus aig Corint. Us dhʼ fhag mi Trophimus gu tinn aig Miletus.

²¹ Greas gu tighinn romh ʼn gheamhradh. Tha Ebulus, us Pudens, us Linus, us Claudia, agus na braithrean gu leir a cur bheannachdan ga tʼ ionnsuidh.

²² Gun robh an Tighearna Iosa Criosta maille ri do spiorad. Grasan gun robh maille ribh. Amen.