2 Peadar 1 - Tiomnadh Nuadh (MacEachen) 1875

I. CHAIBIDEAL. Tha e gan comhairleachadh a h-uile subhailc eile a bhith aca comhla ri creideamh: gus an sabhaladh a dhianamh cinnteach.

¹ Simon Peadar, seirbhiseach agus ostal Iosa Criosta, dhaibh-san, a fhuair co-ionann creideamh ruinne ann an ceartas ar De, agus ar Slanair Iosa Criosta.

² Gun robh grasan us sith air an coimhlionadh dhuibh ann an eolas De agus Iosa Criosta ar Tighearna:

³ Mar tha uile nichean a chumhachd, a thaobh beatha agus crabhachd, air am buileachadh oirnn tromh eolas air-san, a ghairrn sinn le ghloir fhein ʼs le chumhachd,

⁴ Troimh an tug e dhuinn gealltanasan ro-mhor agus priseil, gus sibh a bhith leo sin ʼnur comh-phairtich de ʼn nadur dhiadhaidh: a teicheadh bho thruailleachd nan ana-miannan sin a tha san t-saoghal.

⁵ Us sibhse, le gabhail a h-uile curaim, cleachdaibh ʼnur creideamh neart, agus ʼnur neart eolas,

⁶ ʼS ann an eolas measarrachd, ʼs ann am measarrachd faighidin, ʼs am faighidin diadhalachd,

⁷ Us ann an diadhalachd gaol nam braithrean, ʼs an gaol nam braithrean carrantachd.

⁸ Oir ma bhios iad so marribh agus pailt agaibh, cha n-fhag iad sibh falamh, no gun toradh ann an eolas ar Tighearna Iosa Criosta.

⁹ Oir esan aig nach eil iad so mar chleachdadh, tha e dall, agus a smiarachadh, a diochuimhneachadh gun do ghlanadh e bho sheann pheacannan.

¹⁰ Uime sin, a bhraithrean, oibrichibh le barrachd dichill, gus an dian sibh cinnteach le deagh ghniomhran ur gairm agus ur taghadh: oir le dianamh nan nichean so cha pheacaich sibh idir.

¹¹ Oir mar so bheirear dhuibh gu pailt rathad air dol a stigh do rioghachd shiorruidh ar Tighearna agus ar Slanair Iosa Criosta.

¹² Air an aobhar sin leigidh mi air na nichean so a chur an cuimhne dhuibh daonnan: ged gu dearbh is aithne dhuibh iad, ʼs ged a tha sibh daingnichte sa cheart fhirinn so.

¹³ Oir tha mi ga shaoilsinn iomchuidh fhad, ʼsa bhios mi anns a phaillinn so, ur beothachadh le ʼr cur an cuimhne:

¹⁴ ʼS mi cinnteach gum beil àm cur dhiom na paillinn so aig laimh, a reir ʼs mar a shoilleirich an Tighearna Iosa Criosta dhomh.

¹⁵ Ach ni mi dichioll gum bi agaibh gu tric an deigh mo bhàis, leis an cuimhnich sibh na nichean so.

¹⁶ Oir cha bʼ ann le bhith leantuinn faoin-sgialachdan air an dealbh gu h-innleachdach, a shoilleirich sinn dhuibh cumhachd us lathaireachd ar Tighearna Iosa Criosta, ach le bhith ʼnar fianuisean-sula air a mhoralachd.

¹⁷ Oir fhuair e bho Dhia an t-Athair onair us gloir, an guth so a tighinn a nuas ga ionnsuidh bho ʼn ghloir oirdheirc: Se so mo Mhac gaolach, agus is mor mo thlachd dheth; eisdibh ris.

¹⁸ Agus chuala sinn an guth so a tighinn a nuas bho neamh, nuair a bha sinn comhla ris air a bheinn naoimh.

¹⁹ ʼS tha facal faisneachd nas treasa againn; agus is math a ni sibh le aire thoirt da, mar do sholus a dearrsadh ann an ionad dorcha, gus an soillsich a chamhanach, ʼs gun eirich reul na maidne ʼnur cridheachan:

²⁰ A tuigsinn so an toiseach, nach dianar faisneachd air bith de ʼn Sgriobtur le fein-mhineachadh.

²¹ Oir cha tainig faisneachd uair air bith le toil duine: ach labhair daoine naomh Dhe le gluasad an Spioraid Naoimh.