2 Corintianach 9 - Tiomnadh Nuadh (MacEachen) 1875

IX. CAIB. Brosnachadh eile gu deirc a thoirt seachad: a toradh.

¹ Oir a thaobh an riarachaidh, a thathas a dianamh do na naoimh, is tur diomhain dhomhsa sgriobhadh gu ʼt n-ionnsuidh.

² Oir is aithne dhomh ur n-inntinn thograch; as leth a bheil mi gabhail uaill asaibh an lathair muinntir Mhacedonia. Gun robh Achaia deas an uiridh, agus gun do bhrosnuich ur n-eudsa moran.

³ Ach chuir mi na braithrean, gus nach bi na tha sinn a cur bosd asainn mu ʼr deidhinn gun dianamh sa chàs so, ach (mar a thuirt mi) gum bi sibh deas:

⁴ Air eagal, air do na Macedonaich us mise ruigheachd, ʼs ur faighinn neo-uidheamaichte, gum bi sinne (gun tighinn oirbhse) air ar narachadh sa ghnothach so.

⁵ Uime sin mheas mi riatanach iarraidh air na braithrean dol h-ugaibh roimh laimh, ʼs am beannachd so, a ghealladh a cheana, a dhianamh deas mar bheannachd, ʼs cha n-ann le an-toil.

⁶ Ach tha mi g-radh so: Gum bi esan, a tha gann sa chur, gann cuideachd sa bhuain; agus esan a chuireas am beannachdan, buainidh e ann am beannachdan mar an ciadna.

⁷ Gach neach mar a shuidhich e ʼna chridhe fhein, cha n-ann le duilichinn, no air eiginn: Oir is toigh le Dia fear-buileachaidh suilbhir.

⁸ Oir tha Dia comasach air a h-uile gras a bhuileachadh gu mor-phailt oirbh; air chor ʼs, le lan-fhoghnadh a bhith daonnan agaibh anns a h-uile ni, gum bi sibhse lan-phailt anns gach deagh ghniomh,

⁹ Mar tha e sgriobhte: Sgap e, thug e do na bochdan: mairidh a cheartas gu linn nan linn.

¹⁰ Us esan a tha buileachadh an t-sìl air an fhear-chuir, bheir e cuideachd aran gus ithe, agus leasaichidh e ur siol, agus miadaichidh e fàs us toradh ur ceartais:

¹¹ Los, air dhuibh bhith saibhir anns a h-uile ni, gun cinnich sibh gu mor anns a h-uile aon-fhillteachd, a tha cur an ceill tromhainn taingealachd clo Dhia.

¹² A thaobh gum beil riarachadh an driachd so, cha n-e mhain a fuasgladh air uireasuidh nan naomh, ach tha e lan phailt cuideachd ann an ioma buidheachas do ʼn Tighearna,

¹³ A toirt, mar a dhearbhas an riarachadh so, gloire do Dhia ann an umhlachd ur n-aideachaidh do shoisgeul Chriosta, agus ann an aon-fhillteachd ur co-phairteachaidh riusan, agus ri daoine uile,

¹⁴ Agus ʼnan urnaighean air ur son, ʼs iad an deidh oirbh as leth grasan sonraichte Dhe unnaibh.

¹⁵ Buidheachas do Dhia air son na gibhte do-labhairt so.