2 Corintianach 13 - Tiomnadh Nuadh (MacEachen) 1875

XIII. CAIB. Tha e maoitheadh air na rag-pheacaich, gus an gluasad gu aithreachas.

¹ Seall, se so an treas uair a tha mi tighinn gu ʼr n-ionnsuidh. Am bial dithis no triuir fhianuisean seasaidh a h-uile facal.

² Dhʼ innis mi cheana, ʼs tha mi g-innse roimh laimh, mar a lathair, ach a nis as an lathair, dhaibhse uile a pheacaich roimh, ʼs do chàch uile, nach caomhainn mi, ma thig mi rithist.

³ Am beil dearbhadh bhuaibh air a Chriosta sin, a tha labhairt unnamsa, nach eil anfhann unnaibhse, ach a tha cumhachdach unnaibh?

⁴ Oir ged a cheusadh e tromh laigse, an deigh sin tha e beo tromh chumhachd Dhe. Oir tha sinne cuideachd lag annsan: ach bithidh sinn beo maille ris tromh chumhachd Dhe unnaibhse.

⁵ Rannsuichibh sibh fhein, fiach a bheil sibh sa chreideamh: dearbhaibh sibh fhein. An e nach aithne dhuibh sibh fhein, gum beil Iosa Criosta unnaibh? mur do chuireadh theagamh air chul sibh.

⁶ Ach tha duil agam gum bi fios agaibh nach do chuireadh air chul sinne.

⁷ A nis tha sinn a guidhe air Dia gun sibh ni air olc a dhianamh, cha n-ann gus sinn fhein fhiachuinn dearbhte, ach gus sibhse na tha math a dhianamh: agus gum bi sinne mar air ar cur air chul.

⁸ Oir cha n-urrainn duinn ni a dhianamh an aghaidh na firinn, ach air son na firinn,

⁹ Oir tha sinn a gabhail toil-inntinn a chionn gum beil sinne lag, agus sibhse laidir. So cuideachd tha sinn a guidhe, sibhse a bhith coimhlionta.

¹⁰ Uime sin tha mi a sgriobhadh nan nichean so as an lathair, air chor ʼs nach bi mi san lathair mua ʼs cruaidh, a reir na cumhachd, a thug an Tighearna dhomh, gu leas, ʼs cha n-ann gu aimhleas.

¹¹ Mar cheann sguir, a bhraithrean, bithibh aoibhneach, bithibh coimhlion, gabhaibh comhairle, bithibh a dhʼ aon inntinn, bitheadh sith agaibh; agus bithidh Dia na sith agus a ghraidh maille ribh.

¹² Cuiribh fàilt air a cheile le poig naoimh. Tha na naoimh uile a cur bheannachd h-ugaibh.

¹³ Gun robh grasan ar Tighearna Iosa Criosta, agus carrantachd Dhe, agus co-chomunn an Spioraid Naoimh maille ribh uile. Amen.