Bìoball air-loidhne

Yok-sû-â Ki 5 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

¹ Yok-tan-hò sî-phién Â-mô-li só-yû ke vòng lâu Thi-chûng-hói sùn-thèu Kâ-nàm só-yû ke vòng thâng-tó Song-chú sṳ́ Yok-tan-hò châu-thet, pûn Yî-set-lie̍t ngìn-mìn hàng ko-hi, chhiu chhiòn-phu kiâng-to pi̍t-pi̍t-chhat, mò-kat mò-sat.

Chhai Kit-kap Hàng Kot-lî

² Ke-sṳ̀, Song-chú fûn-fu Yok-sû-â: “Ngì oi yung fó-sa̍k nò ke tô-é, chhùng-sîn vi Yî-set-lie̍t-ngìn hàng kot-lî.”

³ Só-yî Yok-sû-â chṳ-chho fó-sa̍k tô, chhai “Pâu-phì-sân” ke thi-fông vi Yî-set-lie̍t-ngìn hàng kot-lî.

⁴ Yok-sû-â hàng kot-lî ke ngièn-yîn he án-ngiòng: Yî-set-lie̍t-ngìn lì-khôi Âi-khi̍p ke sṳ̀, só-yû ke nàm-ngìn chhiòn-phu yû su kot-lî.

⁵ Chúng-he kì-têu chhai khóng-yâ liù-long ke si-sṳ̍p ngièn, só-kiung ke se-lai-é chhiòn-phu mò su kot-lî.

⁶ Si-sṳ̍p ngièn-heu, tông-chhû lì-khôi Âi-khi̍p sṳ̀ voi siông-chhṳ̀ ke chong-tên chhiòn-phu sí-thet, yîn-vi kì-têu phoi-ngia̍k Song-chú. Song-chú sṳt fat-sṳ, m̀-chún kì-têu khon-tó Kì hiong kì-têu chú-siên só yin-hí, oi su-pûn ngài-têu liá liù-nen-lâu-me̍t tông-phì ke thú-thi.

⁷ Liá-têu ngìn ke chṳ́-sûn, chhṳ-chhiùng m̀-sṳt su kot-lî; só-yî Yok-sû-â chhiu vi liá sîn ke yit-thoi hàng kot-lî.

⁸ Hàng kot-lî yî-heu, koet-mìn chhiòn-phu liù chhai yàng-tú, tén sông-héu yî-hó lé.

⁹ Song-chú tui Yok-sû-â kóng: “Kîm-pû-ngit, Ngài chiông ngì-têu chhai Âi-khi̍p cho nù-chhòi ke kien-seu tui ngì-têu sṳ̂n-song chhù-thet lé.” Só-yî, to kîm-pû-ngit, ke thi-fông hàn-he ôn-to Kit-kap.

¹⁰ Yî-set-lie̍t ngìn-mìn chhai Kit-kap ôn-yàng. Ke-chak ngie̍t ke sṳ̍p-si am-pû, kì-têu chhai Yâ-li-kô phìn-ngièn sú Phàn-ko-chiet.

¹¹ Thi-ngi ngit, kì-têu thi-yit pái sṳ̍t-tó Kâ-nàm-thi ke thú-sán: yû vù-kau-piáng lâu phoi ke ma̍k-chhon.

¹² Ke-ngit chhiu thìn-chṳ́ lo̍k mâ-nâ; Yî-set-lie̍t ngìn-mìn ya mò-chai sṳ̍t mâ-nâ. Tui ke-sṳ̀ khôi-sṳ́, kì-têu sṳ̍t Kâ-nàm-thi ke chhut-sán.

Yok-sû-â lâu Song-chú Kiûn-chhui ke Ngièn-soi

¹³ Yok-sû-â voi to Yâ-li-kô ke sṳ̀, fut-yèn khon-tó yit-sà khî chhai kì mien-chhièn, sú-hong nâ-tén yit-kî pâng chhut-lòi ke kiam. Yok-sû-â hàng-chhièn mun kì: “Ngì he su̍k ngài-têu ke, ya-he su̍k thi̍t-ngìn ke?”

¹⁴ Ke-ngìn kóng: “Tû m̀-he. Ngài he lòi-cho Song-chú kiûn-chhui ke ngièn-soi.” Yok-sû-â phu̍k chhai thi-song pai kì, kóng: “Ngài ke chú â, ngài he ngì ke phu̍k-ngìn; ngì yû má-ke fûn-fu?”

¹⁵ Song-chú kiûn-chhui ke ngièn-soi tui kì kóng: “Chiông ngì ke hài thot hâ-lòi! Yîn-vi ngì khî ke thi-fông he sṳn-thi.” Yok-sû-â chhiu cheu kì ke fa hi-cho.

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan