Bìoball air-loidhne

Yok-sû-â Ki 11 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

Yok-sû-â Tá-yàng Pet-phién ke Vòng

¹ Yî-set-lie̍t tá-yàng ke sêu-sit chhòn-to Ha-só-vòng Yâ-pîn ke ngí-kûng, kì chhiu phai-ngìn chhòn-fa pûn Mâ-tun-vòng Yok-pâ, Sṳ̂n-lùn-vòng, Ap-sat-vòng,

² lâu pet-phién sân-khî, Kâ-li-li-fù nàm-phién ke Yok-tan hò-kuk, kô-ngièn, lâu Tô-ngí fu-khiun hói-sùn ke-têu vòng.

³ Kì ya phai-ngìn chhòn-fa pûn Yok-tan hò-sùn lióng-phién ke Kâ-nàm-ngìn, yu pûn Â-mô-li-ngìn, Het-ngìn, Pí-li-sé-ngìn, lâu sân-khî ke Yâ-pu-sṳ̂-ngìn, lâu he̍t chhai Het-mùn-sân sân-hâ Mí-sṳ̂-pâ-thi ke Hî-vi-ngìn.

⁴ Liá-têu vòng tai-liâng kì-têu só-yû ke kiûn-chhui khiung-ha lòi, ngìn-su tô to chhiong hói-sùn ke sâ-é. Kì-têu yû tông-tô chan-mâ lâu chan-chhâ.

⁵ Liá-têu vòng lièn-ha̍p hí-lòi, chhai Mí-lùn-hâi khiung-ha ôn-yàng, oi lâu Yî-set-lie̍t-ngìn siông-chhṳ̀.

⁶ Song-chú tui Yok-sû-â kóng: “Ngì m̀-sṳ́ kiâng kì-têu; thiên-kông-ngit liá sṳ̀-chiet, Ngài oi pûn kì-têu sí chhai Yî-set-lie̍t-ngìn ke sú-chûng. Ngì oi chám-thôn kì-têu chan-mâ ke kiok, sêu-thet kì-têu ke chan-chhâ.”

⁷ Só-yî Yok-sû-â tai-liâng kì só-yû ke kiûn-chhui, fut-yèn chhut-hien chhai Mí-lùn-hâi hi kûng-kit kì-têu.

⁸ Song-chú chiông kì-têu kâu chhai Yî-set-lie̍t-ngìn sú-chûng. Yî-set-lie̍t-ngìn tûi-sat kì-têu, hiong-pet to Mí-sṳ̂-li-fut-Mâ-yîm lâu Sî-tun thai-sàng, hiong-tûng to Mí-sṳ̂-pâ sân-lak, chhṳ̍t-to chiông thi̍t-ngìn chhṳ̀ chhiang-chhiang.

⁹ Yok-sû-â cheu Song-chú só min-lin ke hi-hàng, chám-thôn kì-têu chan-mâ ke kiok, sêu-thet kì-têu ke chan-chhâ.

¹⁰ Yèn-heu, Yok-sû-â to-chón-lòi kûng-tá Ha-só, chhṳ̀-sí Ha-só-vòng. (Ke-sṳ̀ Ha-só chhai liá-têu koet-kâ tông-chûng he chui khiòng-thai ke.)

¹¹ Yî-set-lie̍t-ngìn chhṳ̀-sí ke-sàng só-yû ke ngìn, chiông kì-têu me̍t-thet, mò liù yit-ke, yu piong-fó chiông Ha-só-sàng sêu-thet.

¹² Yok-sû-â cham-liâng liá-têu kiûn-vòng ke sàng-sṳ, chiông liá-têu vòng chok hí-lòi, chiông só-yû ke ngìn chhṳ̀-sí, chhiu-chhiong Song-chú ke phu̍k-ngìn Mô-sî só min-lin ke.

¹³ Chhù-liáu Ha-só-sàng pûn Yok-sû-â sêu-thet yî-ngoi, Yî-set-lie̍t-ngìn pin-mò sêu-thet khì-thâ hí chhai sân-kông táng ke sàng-sṳ.

¹⁴ Yî-set-lie̍t-ngìn chiông liá-têu sàng-tú só-yû chhòi-vu̍t lâu thèu-sâng chhiòn-phu chhióng-chéu, chiông só-yû ke ngìn chhṳ̀ chhiang-chhiang, mò liù yit-ke.

¹⁵ Song-chú ngióng-pân min-lin Kì ke phu̍k-ngìn Mô-sî, Mô-sî ya cheu-yong min-lin Yok-sû-â; Yok-sû-â chhiu cheu án-ngiòng hi-cho. Song-chú min-lin Mô-sî ke tak-khien sṳ, Yok-sû-â mò yit-khien mò chûn-hàng.

Yok-sû-â Cham-liâng ke Thú-thi

¹⁶ Yok-sû-â cham-liâng liá yit-tai só-yû ke thú-thi, pâu-hàm pet-fông lâu nàm-fông ke sân-khî lâu kô-ngièn, Kô-sân chhiòn-thi lâu nàm-fông châu-thi, lâu Yok-tan hò-kuk.

^17-18 Kûi-chak thi-khî ke fam-vì, nàm-phién tui Yî-tûng fu-khiun ke Ha̍p-lâ-sân hí, pet-phién to Het-mùn-sân nàm-phu Lì-pâ-nun sân-lak ke Pâ-li̍t-Kâ-tet vì-chṳ́. Yok-sû-â lâu liá yit-tai thi-khî só-yû ke vòng siông-chhṳ̀ tông-kiú, to chui-mî kì chang chok-tó kì-têu, chiông kì-têu chhṳ̀-sí.

¹⁹ Chṳ́-yû he̍t chhai Kî-phiên-sàng ke Hî-vi-ngìn lâu Yî-set-lie̍t-ngìn kóng-fò; khì-thâ ke sàng chhiòn-phu pûn Yî-set-lie̍t-ngìn chṳ̂n-fu̍k lé.

²⁰ Yîn-vi Song-chú ke yi-sṳ he oi sṳ́ ke-têu sàng ke ngìn ngang-sîm, lòi lâu Yî-set-lie̍t chok-tui, án-ngiòng kì-têu chang voi chhiòn-phu su fí-me̍t, pûn-ngìn chhṳ̀-sí, mò kî-fi tet-tó lìn-mén, chhiu-chhiong Song-chú min-lin Mô-sî ke.

²¹ Ke-sṳ̀, Yok-sû-â fí-me̍t he̍t chhai sân-khî tông thai-hon ke mìn-chhu̍k Â-na̍p-ngìn. Liá-chhu̍k ke ngìn he̍t chhai Hî-pak-lùn, Tí-piak, Â-nâ-pak, pin Yù-thai lâu Yî-set-lie̍t ke sân-khî. Yok-sû-â chha̍t-tái fí-me̍t kì-têu lâu kì-têu ke sàng.

²² Yî-set-lie̍t kin-nui mò liù yit-ke Â-na̍p chhu̍k-ngìn, chṳ́-yû chhai Kâ-sat, Kâ-thi̍t lâu Â-sṳ̍t-thut hàn-yû chhûn têu-é.

²³ Án-ngiòng, Yok-sû-â cheu Song-chú min-lin Mô-sî ke fa chṳ̂n-fu̍k liá yit-tai thi-khî. Kì chiông thi pûn-pûn Yî-set-lie̍t-ngìn, tak kî-chhu̍k yû yit-fun cho sán-ngia̍p. Só-yî, chhiòn-thi thai-phìn, mò chan-chên.

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan