Bìoball air-loidhne

Yok-pak Ki 7 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

¹ Ngìn chhai sṳ-kiên, chhiu chhiong cho-pîn pà chhûng-tâm, ngit-ngit ko chhiong kûng-ngìn lò-khú ke sên-fa̍t,

² chhiong nù-chhòi hot-mu ngit-thèu lo̍k-sân, chhiong chhiáng ke kûng-ngìn tén fat kûng-chhièn.

³ Ngài chu-thin ko khun-khú ke ngit-ngie̍t; tak am-pû chṳ́-yû yù-sèu thung-khú.

⁴ Ngài vang lo̍k-hi soi-muk, kám-kok am-pû-sṳ̀ ngióng-voi án-chhòng, fân ko-lòi fân ko-hi, yit-chhṳ̍t to thiên-kông soi m̀-lo̍k kau.

⁵ Ngài kûi-sṳ̂n sâng-chhùng, kung-nùng; phì-ngiuk sû-héu yu lan-thet.

⁶ Ngài ke ngit-è pí sô kha-kiak, chhiòn-phu chhai sṳt-mong chûng ko-thet.

⁷ Song-ti â, khiù Ngì ki-tet, ngài ke sâng-miang chhiu chhûn-tó yit-héu hi; ngài m̀-voi chai khon-tó hen-fuk ke ngit-è.

⁸ Ngì liá-ha khon-tén ngài, mò kí-kiú voi khon ngài m̀-tó; na-he sióng-oi chhìm ngài, ke-sṳ̀ ngài yí-kîn mò-chhôi lé.

⁹ Chhiong yùn san-thet yit-yong, ngìn yit sí chhiu m̀-voi to-chón-lòi;

¹⁰ kì m̀-voi chai chón-to kiâ vuk-hâ, ku-hiông ke ngìn ya m̀ ki-tet kì.

¹¹ Yîn-vi án-ngiòng, ngài mò-oi chai tiâm-tiâm! Ngài oi kóng-chhut ngài sîm-lìn ke yù-sèu; ngài oi tho-than ngài nui-sîm ke thung-khú.

¹² Song-ti â, Ngì cho-má-ke kam-sṳ ngài? Kám-kóng Ngì chiông ngài chún-cho hói-koai mâ?

¹³ Ngài sông mìn-chhòng sióng hiet-khun yit-ha, hî-mong voi kám-khiâng ngài ke thung-khú;

¹⁴ Ngì sa yung ok-mung lòi sṳ́ ngài chho̍k-kiâng, yung tet-ngìn-kiâng ke yi-siong lòi-hak ngài.

¹⁵ Só-yî, ngài kâm-ngien káng-sí, kha-yàng liù-tén yit-sṳ̂n kut-thèu.

¹⁶ Ngài tông sióng-oi sí, ngài ke sâng-miang mò pan-tiám sên-chhi; khiù Ngì mo̍k chhap ngài, ngài ke ngìn-sên vàn-chhiòn mò yi-ngi.

¹⁷ Ngìn son má-ke, Ngì án khon-chhûng kì? Ngì ngióng voi chiông kì piong chhai sîm-song?

¹⁸ Ngì tak chêu-sṳ̀n kam-chhat kì, sṳ̀-sṳ̀ khiet-khiet kháu-ngiam kì.

¹⁹ Ngì oi to kí-sṳ̀ chang hén piong-ko ngài, pûn ngài thûn yit-ha héu-lân hó-mò?

²⁰ Kam-chhat ngìn ke Chú â, kám-kóng ngài ke chhui ngoi-tó Ngì he-mò? Cho-má-ke chiông ngài chún chien-pá lòi sa? Ngài sàng-cho Ngì án-thai ke chhûng-tâm mâ?

²¹ Ngì ngióng m̀ sa-miên ngài ke ko-sṳt? Ngì ngióng m̀ chhù-thet ngài ke chhui-ok? Ngài mò kí-kiú chhiu voi ngi̍p fùn-mu; Ngì chhìm ngài, ngài yí-kîn mò-chhôi lé.

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan