Bìoball air-loidhne

Yok-pak Ki 5 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

¹ Yok-pak â, cho ngì chhin-hêm, khon yû má-ngìn en ngì nè; ngì voi hiong nai-ke thiên-sṳ́ khiù pông-chhu nè?

² Pot-at voi hoi-sí ngong-tong ngìn; chhit-tu voi sṳ́ vù-tî ke ngìn mò-miang.

³ Ngài khon-ko ngong-tong ngìn tá-piang oi ôn-kî lo̍k-ngia̍p, chúng-he châi-nan fut-yèn-kiên lìm-to kì ke vuk-hâ;

⁴ kì ke chṳ́-ńg mò má-ke ôn-chhiòn, chhai fap-thìn pûn-ngìn khî-fu, mò-ngìn thoi kì-têu kóng-fa.

⁵ Kì ke sû-sṳ̀n pûn tú-kî ke ngìn chhióng-hi sṳ̍t, lièn ke-têu net-teu tú ke ya chak-hi sṳ̍t chhiang-chhiang; kì ke chhòi-sán pûn kî-hot ke ngìn thûn-thet.

⁶ Châi-fo m̀-voi tui nài-kak tú sâng chhut-lòi; khú-nan ya m̀-he tui nài-hâ pau chhut-lòi.

⁷ Ngìn yit chhut-se chhiu voi yû khú-nan, chhiu-chhiong fó-fâ tui fó pî chhut-lòi.

⁸ Na-he ngài, ngài oi chhìm-khiù Song-ti, hiong Kì sṳ̂n-su ngài ke mun-thì.

⁹ Kì só-cho ke thai-sṳ ngài-têu m̀ liáu-kié; Kì khì-meu ke chok-vì son m̀-chhut án-tô.

¹⁰ Kì lo̍k-yí chhai thi-mien; Kì sung-súi to thièn-tú.

¹¹ Song-ti sṳ́ pî-mì ke ngìn kô-sṳ̂n hí-lòi, chiông ôi-sông ke ngìn tai-to ôn-vún só-chhai.

¹² Kì pho-fái káu-koai ngìn ke kie-mèu, sṳ́ kì-têu sú só-cho ke m̀-voi sṳ̀n-kûng.

¹³ Kì sṳ́ chhûng-mìn ngìn ham-ngi̍p chhṳ-kâ ke kúi-kie, Kì sṳ́ káu-va̍t ngìn ke yîm-mèu chhiòn-phu sṳt-phai.

¹⁴ Kì-têu ngit-sṳ̀-thèu tù-tó vû-am, tông-chu-thèu chhiong am-pû-sṳ̀ miâ-lòi miâ-hi.

¹⁵ Song-ti chṳ́n-kiu khiùng-khú ngìn thot-lì khiòng-phau ngìn ke thúng-chhṳ.

¹⁶ Kì sṳ́ khiùng-khú ngìn yû phan-mong, pûn sià-ok ke ngìn mò fa kóng.

¹⁷ Song-ti só kón-kau ke ngìn yû fuk-hi; Chhiòn-nèn-chá ke chit-phi m̀-hó khon-khiâng.

¹⁸ Song-ti sông-tó ngìn, ya voi lâu ngìn pâu-hó; Kì tá-sông ngìn, Kì ke sú ya voi yî-hó.

¹⁹ Kì sṳ̀-sṳ̀ khiet-khiet oi chṳ́n-kiu ngì; Kì voi yit-chhṳ̍t kiu ngì lì-khôi châi-nan.

²⁰ Kî-fông ke sṳ̀, Kì oi kiu ngì thot-lì sí-mòng; chan-chên ke sṳ̀, Kì voi kiu ngì lì-khôi tô-kiam.

²¹ Kì voi pó-fu ngì, sṳ́ ngì m̀-voi su fí-pong, châi-fo lìm-to ke sṳ̀, ngì ya m̀-sṳ́ chho̍k-kiâng.

²² Kî-fông, phau-lon chûng, ngì hàn-he mân-mien seu-yùng; yâ-chhu ke sông-hoi, ngì ya vàn-chhiòn m̀-sṳ́ kiâng.

²³ Ngì kâng-chung ke thièn-thi m̀-voi yû sa̍k-thèu; yâ-thi ke chhuk-sâng ya m̀-voi sông-hoi ngì.

²⁴ Ke-sṳ̀ ngì voi tî, he̍t chhai ngiâ chong-phùng tú yû phìn-ôn; ngì chhà-khon ngì ke yòng-khiùn, lièn yit-chak ya mò sṳt-thet.

²⁵ Ngì voi khon-tó ngiâ chṳ́-sûn hîn-vong, chhiong chhó-phiàng ke chhiâng-chhó án meu-sṳn.

²⁶ Ngì voi chhin chhòng-su mân-chiuk chang kûi-thú, chhiong ma̍k-é sṳ̀n-su̍k cheu-sṳ̀ hó sû-sṳ̀n.

²⁷ Yok-pak â, liá he ngài-têu só chhà-kháu ke chṳ̂n-lî; vi-tó ngì ke hó-chhu, ngì yin-kôi oi thâng.

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan