Bìoball air-loidhne

Yok-pak Ki 42 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

¹ Yok-pak fì-tap Song-chú kóng:

² Ngài tî Ngì van-sṳ chhiòn-phu cho tet-tó; Ngì yû phan-fap sṳ̍t-hien só-yû ke kie-va̍k.

³ Ngì mun-ko: “Má-ngìn án mò chṳ-sṳt, fài-ngì Ngài ke chṳ́-yi?” Yû-yáng, ngài só-kóng ke, lièn chhṳ-kâ ya m̀-he án mìn-pha̍k; liá-têu sṳ-chhìn sṳ̍t-chhai khì-meu, chhêu-ko ngài nèn liáu-kié ke.

⁴ Ngì sṳt tui ngài kóng: “Ngì oi chu-yi thâng Ngài ke fa; Ngài mun ngì, ngì lòi chṳ́-kau Ngài.”

⁵ Yû-yáng, yî-chhièn ngài sṳt thâng-ko Ngì; chúng-he liá-ha, ngài chhîn-muk khon-tó Ngì!

⁶ Só-yî, ngài sióng-tó chhṳ-kâ yu at yu kien-seu, chhiu chhô chhai nài-fún lâu fó-fôi tông-chûng heu-fí.

Kiet-mî ke Fa

⁷ Song-chú tui Yok-pak kóng liá-têu fa yî-heu, chhiu tui Thì-man-ngìn Yî-li-fap kóng: “Ngài tui ngì lâu ngì lióng-ke phèn-yû tông fó-thai, yîn-vi ngì-têu ngi-lun Ngài ke fa mò pí Ngài ke phu̍k-ngìn Yok-pak só-kóng ke kha chṳn-khok.

⁸ Liá-ha, ngì-têu oi nâ chhit-chak ngiù-kú, chhit-chak yòng-kú, to Ngài ke phu̍k-ngìn Yok-pak ke-vi hi, vi ngì-têu chhṳ-kâ hien sêu-fa-chi. Ngài ke phu̍k-ngìn Yok-pak oi vi ngì-têu khì-khiù; Ngài voi fôn-hí chiap-na̍p kì ke khì-khiù, m̀ cheu ngì-têu ke fù-thù chit-fa̍t ngì-têu. Ngì-têu tui Ngài ke ngi-lun, mò pí Ngài ke phu̍k-ngìn Yok-pak kóng ke kha chṳn-khok.”

⁹ Heu-lòi Thì-man-ngìn Yî-li-fap, Sû-â-ngìn Pí-le̍t-tha̍t, Nâ-mâ-ngìn Só-fap cheu Song-chú só fûn-fu ke hi cho. Song-chú chiap-na̍p Yok-pak ke khì-khiù.

¹⁰ Yok-pak vi sâm-ke phèn-yû khì-tó yî-heu, Song-chú fî-fu̍k kì ke chhìn-khóng, sṳ́ kì ke chhòi-sán pí yî-chhièn kâ-phi hîn-vong.

¹¹ Kì ke hiûng-thi, chí-moi, lâu yî-chhièn ke phèn-yû chhiòn-phu lòi khon kì, chhai kiâ vuk-hâ khiung-ha sṳ̍t-fan. Kì-têu tui kì péu-sṳ thùng-chhìn, vi-tó kì tui Song-chú ke-vi só su-tó ke yit-chhiet châi-nan, lòi ôn-ví kì. Tak-sà sung kì yit-chak ngiùn-pi lâu yit-chak kîm-vàn.

¹² Chhai Yok-pak ngièn-ló ke sṳ̀, Song-chú su-fuk pûn kì, pí kì yî-chhièn só tet-tó ke hàn-kha tô. Yok-pak tet-tó yit-van si-chhiên chak yòng-è, liuk-chhiên chak lo̍k-thò, yit-chhiên tui ngiù, yit-chhiên chak lì-mà.

¹³ Kì ya yû chhit-ke lai-é, sâm-ke moi-é.

¹⁴ Kì chiông thai ke moi-é ôn-to Yâ-mí-mâ, thi-ngi ke moi-é ôn-to Kî-sé-â, thi-sâm ke moi-é ôn-to Kî-lièn-Ha̍p-phu̍k.

¹⁵ Sṳ-kiên mò khì-thâ ke fu-ńg chhiong Yok-pak ke-têu moi-é án-chiâng. Kì-têu ke â-pâ sṳ́ kì-têu lâu ke-têu hiûng-thi khiung-yong pûn chhòi-sán.

¹⁶ Liá yî-heu, Yok-pak chai sṳ̍t yit-pak si-sṳ̍p se, chhîn-muk khon-tó chhṳ-kâ ke si-thoi chṳ́-sûn.

¹⁷ Án-ngiòng, Yok-pak hióng chhòng-su, ngit-è mân-chiuk lòi lì-khôi sṳ-kiên.

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan