Yok-pak Ki 39 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

¹ Ngì tî yâ-sân-yòng kí-sṳ̀ kiung chṳ́ mò? Ngì khon-ko yâ-lu̍k ngióng-pân kiung chṳ́ mò?

² Kì-têu fài-thôi yû kí-kiú? Ngì tî kì-têu kí-sṳ̀ voi kiung mò?

³ Ngì tî kì-têu su sên-sán ke thung-khú oi kí-kiú, chang khù lo̍k-hi chiông chṳ́ kiung hâ-lòi mò?

⁴ Kì-têu ke se-chṳ́ chhai yâ-ngoi chhiam-chhiam thai, heu-lòi chhiu chéu-thet mò-chai chón-lòi.

⁵ Má-ngìn chiông yâ-lì piong-chéu? Má-ngìn kié-khôi thak-tén kì-têu ke sok-è?

⁶ Ngài chiông khóng-yâ pûn kì-têu he̍t, sṳ́ kì-têu he̍t chhai yàm-thi.

⁷ Kì-têu fî-sòng nâu sàng-sṳ ke chhàu-nau, mò-oi pûn-ngìn thai-sâng tot-lòi tot-hi.

⁸ Sân-yâ mân-phien tû he kì-têu ke mu̍k-chhòng; kì-têu chhai ke-vi chhìm chhiâng-set ke sṳ̍t-liau.

⁹ Yâ-ngiù hén pûn ngì sṳ́ mò? Kì hén chhai ngì ke ngiù-làn ko-ya mò?

¹⁰ Ngì yû phan-fap yung sok-è lâi yâ-ngiù lài-thièn, ya-he kâm kì hi thièn-tú thô thiet-phà mò?

¹¹ Ngì cho-tet yí-sṳ kì ke hi-li̍t tông-thai, chiông chhin-chhûng ke kûng-chok kâu-pûn kì cho mò?

¹² Ngì nèn yí-sṳ kì chiông sû-sṳ̀n tai-chón vuk-hâ, thoi ngì sû vò-thàng ke kuk mò?

¹³ Thò-niâu voi tá-khôi yi̍t-kap chhin ya̍k, chúng-he kì m̀-voi chhiong pha̍k-kon án-ngiòng pî.

¹⁴ Thò-niâu sâng-lón chhai thi-song, sṳ́ lón tet-tó nài-sâ ke sêu-hi.

¹⁵ Kì m̀-tî yû khó-nèn voi pûn kiok tha̍p-lan, ya-he pûn yâ-chhu tha̍p-thet.

¹⁶ Kì tui-thai se tiâu-chṳ́ chhiu-chhiong m̀-he kì chhṳ-kâ ke, ya m̀ koân-sîm chhṳ-kâ ke sîn-khú he m̀-he mò chhái-kûng;

¹⁷ yîn-vi Ngài mò pûn kì chṳ-fi, ya mò chiông ngu-sin su-pûn kì.

¹⁸ Chúng-he kì tá-khôi yi̍t-kap yit-chéu, chhiu chhṳ́-seu mâ-é lâu khì-mâ ke ngìn.

¹⁹ Yok-pak â, he ngì sṳ́ mâ-é án-chap mò? He ngì pûn kì án-chiâng ke chûng-mô he-mò?

²⁰ He ngì sṳ́ kì-têu chhiong chhó-máng thiau-lòi thiau-hi, sṳ́ kì-têu sê hí-lòi pûn ngìn tông chho̍k-kiâng mò?

²¹ Kì-têu fôn-hí chhut thai-li̍t khie̍t-nài; kì-têu siông-châng pi-poi sông chan-chhòng.

²² Kì-têu chhṳ́-seu tet-ngìn-kiâng ke sṳ, má-ke tû m̀-kiâng; tô-kiam ya m̀-voi sṳ́ kì-têu to-thui.

²³ Chan-sṳ só tai ke chien-thoi khin-khin khiang-khiang; màu lâu chhiông chhai ngit-thèu hâ kîm-kông sám-sám.

²⁴ Chan-mâ hí sin-thí, kit-thung to hiong-chhièn pêu; yòng-kok yit-phùn, kì-têu chhiu chhung-tén sông-chhṳn.

²⁵ Thâng-tó yòng-kok sâng, kì-têu chhiu kín-sê phun-hi; kì-têu yén-yén chhiu phi-tó chan-chên ke hi-fun, ya thâng tet-tó kiûn-kôn thai-sâng hêm ke min-lin.

²⁶ Ên-tiâu tá-khôi yi̍t-kap hiong-nàm pî; kám kóng liá he ngì kâu kì ke mâ?

²⁷ Thai ên-tiâu pî-kô, chhai sân-piak cho-teu; liá kám he cheu ngì ke min-lin?

²⁸ Kì chhai pên-kông táng hiet-khun, chhai chiâm-chiâm ke ngàm-sa̍k táng cho sàng-pó.

²⁹ Kì tui ke táng-kô khon hâ-hi, chhìm-khon yû má-ke hó-sṳ̍t mò.

³⁰ Yû sṳ̂-thí ke só-chhai ên-tiâu chhiu chhi-si̍p, lièn kì ke se ên-tiâu ya thèn-lòi sṳ̍t-hiet.

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan