Bìoball air-loidhne

Yok-pak Ki 37 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

¹ Yîn-vi án-ngiòng, ngài ke sîm po̍k-po̍k thiàu, khiòng-khiòng voi thiàu lì-khôi kì ke ngièn-vi.

² Thâng â, ngì-têu chhiòn-phu oi thâng Song-ti ke sâng, thâng Kì choi-tú só fat-chhut lung-lung-kún ke sâng.

³ Kì chhâi ngiap-lang chhôn-ko thiên-khûng, tui thiên liá-phién ngiap-to ke-phién.

⁴ Sùi-heu, ngìn thâng-tó kì lung-lung-kún ke sâng — lùi-kûng vî-ngiàm ke hióng-sâng, thùng-sṳ̀ ngiap-lang ya kín ngiap mò-thìn.

⁵ Song-ti fat-chhut khì-meu ke lùi-sâng; Kì cho ke thai-sṳ, ngài-têu mò-fap lî-kié.

⁶ Kì min-lin siet lo̍k chhai thi-song, ya sṳ́ thai-súi lo̍k-to mò-thìn.

⁷ Kì thìn-chṳ́ ngìn ke kûng-chok, sṳ́ ngìn tî Kì ke só-cho.

⁸ Yâ-chhu chéu-ngi̍p lùng tî-poi, khong chhai kì-têu ke khûng-tú.

⁹ Fûng-chhâi tui nàm-fông chhut, hòn-liù tui pet-fông lòi.

¹⁰ Song-ti phùn-hi, súi chhiu kiet-tung, yit thai-phién ke súi chhiu kiet-cho pên.

¹¹ Kì sṳ́ yùn chhûng-mân súi-hi, sṳ́ ngiap-lang tui yùn fat-chhut.

¹² Kì-têu thèn-tén Song-ti ke chṳ́-fî yù-hàng chón-thung, chhai chhiòn sṳ-kie chûn-hàng Song-ti yit-chhiet ke min-lin.

¹³ Song-ti lo̍k-súi chṳ̂-yun thi-mien, hién-mìn Kì tui ngìn ke chhṳ̀-oi; Kì ya lo̍k thai-súi chit-fa̍t ngìn.

¹⁴ Yok-pak â, chu-yi thâng ô! Chhiáng ôn-chhin yit-ha-é, sṳ̂-kháu Song-ti khì-meu ke só-cho.

¹⁵ Ngì kám tî Song-ti ngióng-pân ha min-lin, ngióng-pân sṳ́ ngiap-lang tui yùn-chûng fat-sa?

¹⁶ Ngì kám tî mân-yû chṳ-fi Song-ti khì-meu ke só-cho, ngióng-pân sṳ́ yùn phèu chhai thiên-khûng chûng mâ?

¹⁷ Ngì kám tî nàm-fûng chhôi-lòi, thai-thi chhiu sêu-nôn, liá-sṳ̀ ngì chok ke kí-liâng sâm voi ngie̍t hí-lòi?

¹⁸ Ngì voi hia̍p-chhu Song-ti phû-khôi kiûng-chhông, sṳ́ kì chhiu-chhiong thùng-kiang án-ngang he-mò?

¹⁹ Chhiáng ngì kâu ngài-têu lâu Song-ti oi kóng má-ke; ngài-têu ngong-ngong tong-tong, m̀-tî oi ngióng-pân kóng.

²⁰ Ngài m̀-kám yêu-khiù lâu Song-ti kóng-fa; kám yû-ngìn sióng-oi chhṳ-kâ chhìm sí-lu?

²¹ Sṳ-sṳ̍t song, fûng yit-chhôi, yùn chhiu san, thiên-táng kông to fî-sòng án chhiuk-muk; mò-ngìn nèn ngo-thèu hi khon ke kông.

²² Pet-fông yû kîm-set ke thai-kông chhut-hien; Song-ti ke vî-ngiàm sṳ́ ngài-têu kin-vi.

²³ Chhiòn-nèn-chá thai-yû nèn-li̍t, ngài-têu mò fap-thu chiap-khiun; chúng-he Kì yû kûng-ngi lâu chṳn-chhṳ̍t, m̀-voi khî-fu ngìn.

²⁴ Yîn-vi án-ngiòng, thai-kâ lûng-chúng kin-vi Kì; chúng-he Kì m̀-tap chhṳ-chok chhûng-mìn ke ngìn.

Lean sinn:

Ceanglaichean taic

Sanasan