Bìoball air-loidhne

Yok-pak Ki 35 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

¹ Yî-li-fu yu tui Yok-pak kóng:

² Ngì kín kóng chhai Song-ti mien-chhièn mò má-ke chhui; ngì láu-tó chhṳ-kâ án-ngiòng kóng yû-lî he-mò?

³ Ngì mun Song-ti: “Ngài ke chhui lâu Ngì yû má-ke koân-he? Ngài na mò fam-chhui yû má-ke hó-chhu?”

⁴ Ngài liá-ha oi fì-tap ngì, ya fì-tap ngì ke-têu phèn-yû.

⁵ Ngì ngo-thèu khon thiên, khon ngì thèu-nà táng ke yùn yû kí-kô.

⁶ Ngì na-he fam-chhui, tui Song-ti yû má-ke yáng-hióng? Chhiu-son ngì kín fam-chhui, kám-voi sông-hoi tó Kì mò?

⁷ Chhiu-son ngì kûng-chṳn, tui Song-ti yû má-ke pông-chhu? Ngì cho ke hó-sṳ, kám tui Kì yû li-yit he-mò?

⁸ Ngì ke chhui chṳ́-yû hoi-tó lâu ngì khiung-yong ke ngìn-lui su-khú; ngì ke hó hàng-vì ya chṳ́-yû pûn sṳ-kiên ngìn tet-tó li-yit.

⁹ Ngìn su-tó ap-pet ke sṳ̀, chhiu kín ôi-khiù; kì-têu pûn-ngìn khî-fu, chhiu hi khiù pông-chhu.

¹⁰ Chúng-he mò-ngìn kóng: “Chhóng-chho ngài ke Song-ti chhai nai-vi? Kì sṳ́ ngài chhai am-pû-sṳ̀ hàn voi chhong-kô.

¹¹ Song-ti kau-thô ngài-têu, su-pûn ngài-têu chṳ-fi, yén-yén chhêu-ko só-yû ke fî-niâu lâu chéu-chhu.”

¹² Kì-têu ôi-khiù, chúng-he Song-ti mò en, yîn-vi kì liá-têu fái-ngìn chhin kiêu-ngau.

¹³ Kì-têu hî-ká ke khiù-ham mò háu-kó, Song-ti m̀-thâng, Chhiòn-nèn-chá ya m̀-chhap.

¹⁴ Yok-pak â, hò-khóng ngì kóng ngì khon m̀-tó Song-ti; ngì ke on-é pài chhai Kì mien-chhièn, oi nai-sîm tén.

¹⁵ Ngì láu-tó Song-ti m̀-voi chit-fa̍t; ngì ngin-vì Kì m̀-voi chhap chhui-ok.

¹⁶ Ngì kóng án-ngiòng ke fa mò-tap mò-toi, kóng án tô, m̀-tî chhṳ-kâ kóng má-ke.

Lean sinn:

Ceanglaichean taic

Sanasan