Bìoball air-loidhne

Yok-pak Ki 34 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

¹ Yî-li-fu ki-siu̍k kóng:

² Ngì-têu yû chṳ-fi ke ngìn chhiáng thâng ngài ke fa; ngì-têu yû chṳ-sṳt ke ngìn chu-yi thâng ngài kóng.

³ Ngí-kûng oi fûn-phe̍t fa-ngî ke nui-yùng, chhiu-chhiong sa̍t-mà chhṳ sṳ̍t-vu̍t ke chṳ̂-mi.

⁴ Sṳ-fî oi ên-têu chhṳ-kâ lòi phan-ton; san-ok ya oi ên chhṳ-kâ lòi kiet-thin.

⁵ Yok-pak sṳt kóng: “Ngài mò-chhui, chúng-he Song-ti mò yung kûng-tong tui-thai ngài.

⁶ Sûi-yèn ngài chṳn-chhṳ̍t yû-lî, sa son-cho kóng fâ-liâu! Ngài mò-chhui, chúng-he su-tó ke sông-hoi mò hó yî.”

⁷ Ngì-têu khon-ko chhiong Yok-pak liá-chúng ngìn mò? Kì sâu-nat Song-ti, chhiong sṳ̍t-súi án sùi-phien.

⁸ Kì chhin fôn-hí lâu fái-ngìn lòi-vông; kì lâu cho fái-sṳ ke ngìn khiung-ha.

⁹ Kì kóng: “Cho pûn Song-ti fôn-hí, liá kám-yû má-ke li-yit nè?”

¹⁰ Ngì-têu mìn-lî ke ngìn, oi thâng ngài kóng: Song-ti chhie̍t-tui m̀-voi cho fái-sṳ! Chhiòn-nèn-chá chhie̍t-tui m̀-voi put-ngi!

¹¹ Kì cheu ngìn ke hàng-vì po-yin ngìn, cheu ngìn só yin-tet ke tui-thai ngìn.

¹² Chṳn-kîn, Song-ti chhie̍t-tui m̀-voi cho fái-sṳ; Chhiòn-nèn-chá chhie̍t-tui m̀-voi tiên-to sṳ-fî.

¹³ Song-ti kám-yû tui má-ngìn liâng-su khièn-li̍t? Kám-yû má-ngìn sat-li̍p Kì kón-lî sṳ-kie?

¹⁴ Na-he Song-ti kiet-sîm sû-chón sâng-miang, na-he Kì sû-fì hi-sit,

¹⁵ só-yû hiet-hi ke chhiòn-phu voi sêu-me̍t, sṳ-kiên ngìn lûng-chúng voi pien-chón nài-fún.

¹⁶ Ngì na-he mìn-lî, chhiáng thâng ngài kóng, chhiáng chu-yi thâng ngài só-kóng ke fa.

¹⁷ Song-ti chóng-khièn, chhie̍t-tui mò khó-nèn yen-hen kûng-phìn! Kì yû kûng-ngi, khièn-nèn, ngì oi thin Kì yû-chhui mâ?

¹⁸ Song-ti cho-tet tui kiûn-vòng kóng: Ngì mò ha-lo̍k! Kì ya cho-tet tui kui-chhu̍k kóng: Ngì he fái-ngìn!

¹⁹ Kì m̀-voi tiên-to sṳ-fî, tui thúng-chhṳ-chá phiên-sîm, ya m̀-voi pâ-kiet yû-chhièn ngìn, méu-sṳ khiùng-khú ngìn; yîn-vi ngìn-lui chhiòn-phu he Kì chhîn-sú só chho ke.

²⁰ Ngìn khó-nèn chhai am-pû-thèu fut-yèn-kiên sí-thet. Song-ti yit kûng-kit, chhiu chiông kì-têu sêu me̍t-thet; Kì m̀-sṳ́ chhut-sú, chhiu chhù-thet chui-khiòng ke ngìn.

²¹ Kì chu-yi ngìn só-hàng ke tho-lu; Kì kam-chhat tak-sà ngìn ke kiok-phu.

²² Chhiu-son he vû-am lâu sí ke yîm-yáng, ya mò fap-thu chiông chhui-ngìn khong hí-lòi.

²³ Song-ti m̀-sṳ́ lâu ngìn thin ngit-è, ham ngìn to Kì mien-chhièn su sṳ́m-phan.

²⁴ Kì m̀-sṳ́ thiàu-chhà chhiu chhù-thet khiòng-ngìn, Kì sat-li̍p phe̍t-ngìn lòi thoi-lî kì-têu.

²⁵ Kì chó chhiu chu-yi kì-têu ke hàng-vì, yit am-pû chiông kì-têu thûi-fân sêu-me̍t.

²⁶ Kì chhai chung-ngìn mien-chhièn piên-tá kì-têu, he vi-tó kì-têu só cho ke fái-sṳ,

²⁷ yîn-vi kì-têu m̀ sun-chhiùng Kì, méu-sṳ Kì yit-chhiet ke min-lin.

²⁸ Khiùng-khú ngìn pûn kì-têu pet-to hi khiù Song-ti; Song-ti yû thâng-tó kì-têu khiù-ham ke ôi-sâng.

²⁹ Mò-lun he koet-kâ ya-he ngìn-mìn, Song-ti na-he tiâm-tiâm, má-ngìn cho-tet koai-yen Kì nè? Na-he Kì êm-mien m̀-chhap, má-ngìn nèn tet-tó pông-chhu?

³⁰ Kì sṳ́ mò kin-khièn ke ngìn mò fap-thu cho vòng, miên-tet ngìn-mìn su-tó châi-nan.

³¹ Ngióng yû-ngìn tui Song-ti kóng: “Ngài yí-kîn su-tó chit-fa̍t, m̀-voi chai-ko fam-chhui lé.

³² Ngài mò khon-tó ke, Ngì lâu ngài kóng â; chhiu-son ngài yû-chhui, m̀-voi chai fam lé.”

³³ Ngì ki-yèn fán-tui Song-ti ke chok-vì, Kì kám oi cheu ngì ke yêu-khiù sṳ̂-hàng po-yin? Oi cho kiet-thin ke he ngì, m̀-he ngài; chiông ngì ke sióng-fap lâu ngài-têu kóng â!

³⁴ Só-yû mìn-lî ke ngìn voi thùng-yi ngài ke fa; só-yû chṳ-fi ke ngìn thâng-tó yit-thin voi kóng:

³⁵ “Yok-pak kóng-fa mò chṳ-sṳt; kì ke fa chhiòn-mò yi-ngi.”

³⁶ Ngien Yok-pak chha̍t-tái su-tó sṳ-ngiam, yîn-vi kì fì-tap tông-chhiong fái-ngìn.

³⁷ Kì m̀ tân-chhiang fam-chhui, sṳ-heu hàn ki-siu̍k phoi-ngia̍k; kì chhai thai-kâ mien-chhièn kâ kóng-fa vú-yu̍k Song-ti.

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan