Bìoball air-loidhne

Yok-pak Ki 32 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

Heu-sâng-ngìn Yî-li-fu Kóng ke Fa
( 32:1–37:24 )

¹ Yîn-vi Yok-pak kiên-chhṳ̀ chhṳ-kâ mò-chhui, liá sâm-ke ngìn chhiu mò chai en kì.

² Chúng-he yû yit-ke ngìn chhai sùn-thèu, kì ôn-to Yî-li-fu (Yî-li-fu he Pu-sî heu-thoi Làn-chhu̍k ngìn Pâ-lâ-kâ ke lai-é); yîn-vi Yok-pak ngin-vì chhṳ-kâ mò-chhui yu koai-yen Song-ti, kì ngiûn m̀-he̍t chhiu hiong Yok-pak fat-khién.

³ Kì ya hiong Yok-pak ke sâm-ke phèn-yû fat-khién, ngin-vì kì-têu m̀-tî oi ngióng-pân fì-tap Yok-pak, ngang-kóng Yok-pak m̀-chho̍k.

⁴ Yîn-vi Yî-li-fu pí kì-têu heu-sâng, m̀-kám chhióng-tén lâu Yok-pak kóng-fa;

⁵ khon-tó kì-têu sâm-sà mò fa hó en Yok-pak, chhiu tông-at.

⁶ Só-yî, Yî-li-fu chhiu kóng: Ngài chui heu-sâng, ngì-têu he chóng-pi; pún-lòi ngài m̀-kám kóng ngâ yi-kien.

⁷ Ngài sióng, ngài yin-kôi oi ngiong chóng-pi kóng-fa, pûn ngièn-ló ke chhòn-su kì-têu ke chṳ-fi.

⁸ Khì-sṳ̍t, chṳ́-yû chhiòn-nèn Song-ti ke Lìn chang nèn chiông chṳ-fi su-pûn sṳ-kiên ngìn.

⁹ Ngièn-ki thai mò yit-thin chhiu kha yû chṳ-fi; kha tô-se ya mò yit-thin mìn-pha̍k sṳ-fî.

¹⁰ Só-yî, ngài chhiáng ngì-têu thâng ngài kóng; ngài ya oi kóng ngài ke yi-kien.

¹¹ Ngì-têu ke thàm-lun ngài chhiòn-phu ngin-chṳ̂n thâng, kín tén ngì-têu voi kóng-chhut mìn-chṳ ke fa.

¹² Ngài chu-yi thâng ngì-têu ke fa, fat-hien ngì-têu chhiòn-phu sṳt-phai; lièn yit-sà tû au Yok-pak m̀-yàng.

¹³ Ngì-têu ngióng-pân cho-tet kóng, yí-kîn chhìm-tó chṳ-fi nè? Song-ti chang yû phan-fap sot-fu̍k Yok-pak, ngìn cho m̀-tó.

¹⁴ Yok-pak m̀-he hiong ngài chên-lun; ngài me m̀-voi chhiong ngì-têu án-ngiòng en kì.

¹⁵ Yok-pak â, kì-têu tui ngì mò fa hó-en; kì-têu mò phan-fap pûn ngì má-ke tap-on.

¹⁶ Kì-têu khî chhai ke-vi, yí-kîn mò má-ke fa hó-kóng lé; kì-têu tiâm-tiâm m̀ kóng-fa, ngài hàn-oi tén-tén hâ-hi mâ?

¹⁷ Cho-m̀-tet, ngài liá-ha oi fì-tap ngì; ngài oi chiông ngài ke sióng-fap lâu ngì kóng.

¹⁸ Ngài yû tông-tô fa yit-thin oi kóng, ngài ke sîm pet ngài oi kóng chhut-lòi.

¹⁹ Na-he ngài m̀ chhìm kî-fi chiông fa kóng chhut-lòi, ngài voi chhiong chông-mân sîn-chiú ke phì-thoi pau-thet.

²⁰ Ngài ngiûn m̀-he̍t oi kóng-fa; ngài yit-thin oi piang chhut-lòi.

²¹ Ngài chhai ngì-têu ke phien-lun chûng, m̀-voi phiên-sîm, pâ-kiet má-ngìn.

²² Ngài m̀-tî oi ngióng-pân fung-sṳ̀n ngìn; na-he ngài án-ngiòng cho, Chhóng-chho Chú yit-thin voi ngiàm-sṳ̀ chit-fa̍t ngài.

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan