Bìoball air-loidhne

Yok-pak Ki 30 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

¹ Chúng-he liá-ha, pí ngài kha heu-sâng ke ngìn sa sâu-nat ngài; kì-têu ke â-pâ pún-lòi he ngài chhin khon m̀ sông-ngién ke ngìn, lièn pûn kì-têu lâu kiéu-è khiung-ha hi chóng-yòng, ngài tû mò-oi.

² Kì-têu chhin sôi-ngio̍k, sûng-sú mò-li̍t; kì-têu tui ngài mò má-ke yung.

³ Kì-têu yîn-vi phìn-khiùng kî-ngo, sṳ̂n-thí chheu-ngio̍k, am-pû-thèu chhai phiên-phit ke thi-fông yet chhó-kîn chhûng-kî.

⁴ Kì-têu chhai chhó-teu chûng chhìm hàm-chhó ya̍p, lièn fú-set ke lò-thèn su-kîn ya nâ-lòi cho sṳ̍t-vu̍t.

⁵ Kì-têu pûn-ngìn kón-chhut; ngìn hêm kì-têu chhiong chok chhe̍t-é án-ngiòng.

⁶ Kô-put-chiông, kì-têu chéu-to sân-lak tú, he̍t chhai sa̍k-lùng lâu thi-lùng ke tî-poi.

⁷ Kì-têu chhai fông-phû chhiong yâ-chhu vè-vè sê-sê, chhai net-teu ke hâ-poi chiâm-cho yit-tôi.

⁸ Kì-têu he ha-chhien ke fi-vu̍t, pûn-ngìn piên-tá, kiuk-chhut kin-ngoi.

⁹ Liá-ha, liá-têu ngìn chhong-kô lòi sâu-nat ngài; ngài pien-cho kì-têu ke seu-thàm.

¹⁰ Kì-têu nâu ngài, sám-to yén-yén; khon-tó ngài chhiu phi ngài héu-lân.

¹¹ Song-ti sṳ́ ngài sôi-ngio̍k mò-li̍t, kì-têu chhiu fong-se vú-yu̍k ngài.

¹² Liá-khiùn ha-liù ke ngìn chéu-to yu-phién kûng-kit ngài; kì-têu sṳ́ ngài thò-chéu; kì-têu chún-phi tui ngài cho chui-heu ke kûng-kit.

¹³ Kì-têu chhiet-thôn ngài ke thui-lu, sióng-chhin phan-fap oi sêu-me̍t ngài; mò yit-ke ngìn chú-tóng kì-têu.

¹⁴ Kì-têu kûng-pho ngài ke fòng-phi, chhûng-chhûng chak chhai ngài ke sṳ̂n-song.

¹⁵ Khiúng-pu chhiong sàng-chhiòng khièm-tó ngài, ngài ke yùng-kông sùi fûng pî-chéu, fu-kui chhiong yùn án-ngiòng sêu-san.

¹⁶ Liá-ha ngài chhâ-m̀-tô voi mò miang; thung-khú ke ngit-è chiông ngài chok-he̍t.

¹⁷ Am-pû-thèu ngài chhiòn-sṳ̂n kut-thèu sôn-thung, thai thung-khú ngâu-tén ngài yit-chhṳ̍t mò-thìn.

¹⁸ Song-ti yung thai-li̍t chiông ngài ke sâm liâng-é lâi-to hèn-hèn, yu ngiú-tén ngài ke sâm.

¹⁹ Kì chiông ngài fit chhai nài-chiông tî-poi; ngài chhiong nài-fún lâu fó-fôi yit-yong.

²⁰ Song-ti â, ngài khiù Ngì, Ngì m̀-en; ngài hiong Ngì khì-tó, Ngì m̀-chhap ngài.

²¹ Ngì tui ngài pien-sîm, tui ngài án chhàn-ngiûn; Ngì yung thai-nèn ke sú lòi ap-pet ngài.

²² Ngì yung fûng-chhâi chiông ngài tá-lòi tá-hi, pûn ngài chhai phau-fûng chûng te̍p-lòi te̍p-hi.

²³ Ngài tî Ngì sióng-oi pûn ngài hâ-hi yîm-kiên, thu ngài to ngìn sí-thet oi hi ke só-chhai.

²⁴ Ngì cho-má-ke kûng-kit yit-ke sôi-phai ke ngìn nè? Tù-tó châi-nan, kì chṳ́-yû hiong Ngì khiù lìn-mén.

²⁵ Kám-kóng ngài mò lâu tù-tó châi-nan ke ngìn khiung-ha kieu? Kám-kóng ngài m̀-sṳt vi-tó khiùng-khú ke ngìn yù-sèu ko?

²⁶ Ngài phan-mong mùng-fuk fán-chón su-tó châi-fo; ngài khì-thai kông-mìn fán-chón tù-tó vû-am.

²⁷ Ngài yîn-vi khun-khú sèu-fàn sîm-kôn tông-thung; châi-nan yit-ngit ko yit-ngit m̀-sṳt thìn-ko.

²⁸ Ngài chhai vû-am chûng lòi hàng, khon m̀-tó kông-mìn; ngài khî chhai fi-chung mien-chhièn pet-chhiet khiù pông-chhu.

²⁹ Ngài ke sâng-yîm chhiong yâ-kiéu phoi; ya chhiong thò-niâu kieu ke sâng-yîm.

³⁰ Ngài ke phì-fû pien vû-vû, lut-thet; ngài fat-sêu to kut-thèu chhiong chho̍k-fó.

³¹ Ngài thàn-khìm ya mò hí-lo̍k, phùn sêu-é me chhut kieu-sâng.

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan