Bìoball air-loidhne

Yok-pak Ki 26 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

¹ Yok-pak en-kóng:

² Ngì tui ngài liá vù-nèn ke ngìn pông-chhu hàn-tô ô! Ngài liá sú-kut mò-li̍t ke ngìn, ngì hàn-hén chṳ́n-kiu!

³ Chhiong ngài án mò chṳ-fi ke ngìn, ngì hàn pûn ngài án pó-kui ke chṳ́-kau!

⁴ Chúng-he ngì sióng, yû má-ngìn voi thâng ngì ke fa? To-tái má-ngìn kám-thung ngì kóng án-ngiòng ke fa? (Pí-le̍t-tha̍t kóng:)

⁵ Chhai thi tái-hâ ke chhṳ̂m súi-chûng, sí-ngìn ke yîm-fùn pi̍t-pi̍t-chhat.

⁶ Yîm-kiên chhai Song-ti mien-chhièn hién-mìn; thi-ngiu̍k ya mò phan-fap châ tet-he̍t.

⁷ Song-ti phû-sat pet-khi̍t ke thiên-khûng, chiông thi-khiù koa chhai thai-khûng tông-chûng.

⁸ Song-ti tún-súi chhai vû-yùn tông-chûng, yùn mò yîn-vi súi chhûng chhiu lie̍t-thet.

⁹ Kì chiông yùn phû-sat chhai ngie̍t-kông ke mien-táng, yung yùn chiông kûi-chak ngie̍t-kông châ-to me̍t-me̍t.

¹⁰ Kì chhai hói-mien va̍k thi-phìn-sien, sàng-cho kông lâu am ke kie-han.

¹¹ Kì yit chṳ́-chit thiên ke chhû-é, kì-têu chhiu kiâng-to kín-chûn.

¹² Kì yung thai-nèn sṳ́ thai-hói phìn-chhin hâ-lòi, Kì yung chhûng-mìn tá-sui hói-koai Lâ-ha̍p-pak.

¹³ Kì phùn yit-héu hi, yùn chhiu khôi, thiên chhiu chhîn; Kì ke sú chhṳ̀-thet chéu tông-kiak ke hói-sà.

¹⁴ Khon nâ, liá-têu he Song-ti kûng-chok ke yit phu-fun, ngài-têu chṳ́-yû thâng-tó Kì tông-se ke sâng thin-thin. Kì thai-nèn ke lùi-sâng má-ngìn nèn mìn-pha̍k nè?

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan