Bìoball air-loidhne

Yok-pak Ki 24 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

¹ Chhiòn-nèn-chá cho-má-ke m̀ chiông sṳ́m-phan ke ngit-khì thin hâ-lòi? Cho-má-ke m̀-pûn ngin-sṳt Kì ke ngìn khon-tó chṳn-ngi lìm-to?

² Yû-têu ngìn sái thi-kie lòi chhîm-cham thú-thi, yû-têu ngìn chhióng phe̍t-ngìn ke yòng-khiùn lòi-hiuk.

³ Yû-têu ngìn chhióng-chéu kû-yì ke lì-è, khiòng-lâi koá-fu ke ngiù-è cho tí-ap.

⁴ Kì-têu khiòng-pet phìn-khiùng ngìn lì-khôi thai-lu, ke-vi ke khiùng-khú ngìn hak-to chéu-hi khong.

⁵ Khiùng-khú ngìn chhiong yâ-lì án-ngiòng, sî-yeu hi khóng-yâ chhìm sṳ̍t-vu̍t; mò khì-thâ thi-fông hó chhìm sṳ̍t-vu̍t lòi-hiuk kì-têu ke chṳ́-ńg.

⁶ Kì-têu mò-nai-hò chhai phe̍t-ngìn ke thièn-thi sû-kot, chhai sià-ok ngìn ke phù-thò-yèn chak phù-thò lòi sṳ̍t.

⁷ Kì-têu tá-chhak-pok soi, yîn-vi mò sâm hó-chok; hòn-thiên ke am-pû-sṳ̀, ya mò phî-kut hó-koi.

⁸ Kì-têu chhai sân-táng pûn lo̍k thai-súi tuk-to làu-làu, mò má-ke só-chhai hó sám, chhiu chiâm chhai ngàm-sa̍k hâ.

⁹ Fái-ngìn chiông koá-fu nám-tén ke se-chṳ́ chhióng-chéu, oi chiông khiùng-khú ngìn ke chṳ́-ńg chok-hi tù-chai.

¹⁰ Khiùng-ngìn to-chhu liù-long, mò sâm hó-chok; ngo tú-sṳ́, hàn oi lâu ngìn pà kuk-pâu.

¹¹ Kì-têu chhai fái-ngìn ke vì-chhiòng nui cha kám-lám-yù; kín tha̍p phù-thò lòi cho chiú, hàn-he mò-fap chṳ́-hot.

¹² Sàng-tú tông-tô voi sí ke ngìn kín-chhên, yû chhûng-sông ke ngìn hêm kiu-miang, chúng-he Song-ti m̀-tap ke-têu ngìn ke khì-tó.

¹³ Yû-têu ngìn m̀ chiap-su kông; m̀ ngin-sṳt kông-mìn ke tho, ya m̀ hàng kông-mìn ke lu.

¹⁴ Thiên màng-kông chhṳ̀-ngìn ke chhiu hong-chhòng; kì-têu chhut-hi sat-hoi khiùng-khú ngìn, am-pû-thèu yu chhut-hi cho chhe̍t-é.

¹⁵ Yìm-lon ke ngìn tén-to thôn-vû, yu chiông chhṳ-kâ ke mien châ-tén, kóng: “Mo̍k pûn ngìn khon-tó chang hó!”

¹⁶ Am-pû-thèu chhe̍t-é ngi̍p ngìn vuk-hâ, kì-têu ngit-sṳ̀-thèu chhiu khong hí-lòi, yîn-vi kì-têu tông-kiâng khon-tó kông.

¹⁷ Am-pû-sṳ̀ chhiong he kì-têu ke chêu-sṳ̀n, tông koan-se tet-ngìn-kiâng ke am-pû-thèu. (Só-fap khôi-choi kóng:)

¹⁸ Fái-ngìn yit-ha-é chhiu pûn thai-súi tá-chéu. Kì-têu ke thú-thi su-tó Song-ti chu-chú; só-yî mò ngìn chón phù-thò-yèn hi kûng-chok.

¹⁹ Chhiu-chhiong thiên-hôn lâu ngie̍t-thiên voi chiông pên-siet yùng-thet, yîm-kiên ya khiung-yong voi chiông fam-chhui ke ngìn thûn-thet.

²⁰ Lièn kiung kì-têu ke â-mê ya m̀ ki-tet kì-têu; kì-têu voi pûn chhùng-è sṳ̍t-thet, mò-ngìn ki-tet kì-têu; fái-ngìn voi chhiong su-é chám thôn-thet.

²¹ Liá he yîn-vi kì-têu fái khoán-thai koá-fu, tui m̀-voi kiung ke fu-ńg chhiòn mò oi-sîm.

²² Song-ti yung Kì ke thai-nèn sêu-me̍t khiòng-phau ke ngìn; Kì yit hàng-thung, fái-ngìn ke sin-miang chhiu mò thet-hi.

²³ Song-ti chhiam-sṳ̀ pûn kì-têu phìn-ôn, mò sèu-fàn, chúng-he Kì ke muk-chû khon kì-têu ke só-hàng só-cho.

²⁴ Ke-têu fái-ngìn sûi-yèn yit-sṳ̀ tông hîn-vong, chúng-he yit-ha-é chhiu-chhiong chhó-muk châu-thet, yu chhiong vò-é chó-man oi pûn-ngìn kot-thet.

²⁵ Má-ngìn nèn chṳn-mìn liá m̀-he sṳ-sṳ̍t? Má-ngìn kám kóng ngài ke fa mò kîn-kí?

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan