Yok-pak Ki 15 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

Thi-ngi Pái Chên-lun
( 15:1–21:34 )

¹ Chiap-tén, Thì-man-ngìn Yî-li-fap en Yok-pak kóng:

² Chhûng-mìn ngìn voi kóng khûng-hî ke fa mò? Kì kám voi kín kóng phong-fûng ke fa mò?

³ Kì chhie̍t-tui m̀-voi chhiong ngì kóng mò li-yit ke fa, m̀-voi kóng mò ka-chhṳ̍t ke fa vi chhṳ-kâ phien-lun.

⁴ Chhiong ngì án-ngiòng, oi ngióng-pân kin-vi Song-ti? Ngìn nai yû khó-nèn chhai Kì mien-chhièn khì-tó?

⁵ Ngì só-kóng ke fa hién-chhut ngì ke sià-ok; ngì sióng yung kúi-cha ke fa pó-fu chhṳ-kâ.

⁶ Ngióng oi-sṳ́ ngài lòi chṳ́-chhut ngì ke m̀-chho̍k? Ngì ke fa yí-kîn thin ngì chhṳ-kâ yû-chhui.

⁷ Ngì láu-tó chhṳ-kâ he sṳ-kiên thi-yit ke chhut-se ke ngìn? Song-ti chhóng-chho kô-sân ke sṳ̀ ngì yí-kîn chhai-chhòng he-mò?

⁸ Kám-kóng ngì thâng-ko Song-ti ke kie-va̍k mâ? Ngìn-lui ke chṳ-fi oi ngì chang yû he-mò?

⁹ Yû má-ke sṳ ngì tî, chúng-he ngài-têu m̀-tî? Yû má-ke sṳ ngì mìn-pha̍k, ngài-têu m̀ mìn-pha̍k?

¹⁰ Ngài-têu he lâu thèu-nà-mô pha̍k ke ló-ngìn-kâ ho̍k ke; kì-têu pí ngiâ-pâ hàn-kha ló nè!

¹¹ Ngì ngióng-pân oi khî-chhie̍t Song-ti ke ôn-ví nè? Ngì khon-khiâng ngài-têu vûn-fò ke khien-va he-mò?

¹² Ngì ke sîm cho-má-ke mò phìn-ôn? Ngì ke muk-chû cho-má-ke fat-fó?

¹³ Ngì án-ngiòng he hiong Song-ti fat-khién nè! Ngì ngióng cho-tet tui Kì kóng ke-chúng fa?

¹⁴ Sṳ-kiên ngìn he má-ke, kám yû-ngìn chṳn-kîn chhiang-li? Fu-ngìn-kâ só kiung ke, kám yû-ngìn khó-nèn mò-chhui?

¹⁵ Song-ti lièn ke-têu thiên-sṳ́ ya m̀ sin-ngim; chhai Kì khon-lòi, thiên me-mò chhiang-li.

¹⁶ Hò-khóng fam-chhui chhiong lîm-súi ke sṳ-kiên ngìn; ngìn ngióng-pân tet-ngìn-nâu, ngióng-pân phai-fái â!

¹⁷ Yok-pak â, ngì oi thâng ngài ke khien-va; ngài oi chiông ngài ke kîn-ngiam lâu ngì kóng.

¹⁸ Liá-têu he chú-siên chhòn hâ-lòi ke chṳ̂n-lî, ke-têu chṳ-fi ngìn chhiòn mò pó-liù kâu ngài.

¹⁹ Kì-têu ke thú-thi mò pûn ngoi-chhu̍k thúng-chhṳ; ya mò ngoi-chhu̍k ngìn lâu kì-têu he̍t khiung-ha.

²⁰ Fái-ngìn yit-sên ke ngit-è su-chhin thung-khú, khiòng-phau ngìn yit-sên ke ngièn-ngit ya khiung-yong.

²¹ Tet-ngìn-kiâng ke sâng sòng-sòng chhai kiâ ngí-kûng tú, kì láu-tó ôn-chhiòn ke sṳ̀, khiòng-tho chhiu lòi-to.

²² Kì m̀ sin cho-tet tui vû-am thò-chéu, yîn-vi yû tô-kiam tén-tén oi chhṳ̀ kì,

²³ ên-tiâu tén-tén oi sṳ̍t kì ke sṳ̂-thí. Kì tî thèu-chhièn chṳ́-yû vû-am ke ngit-è;

²⁴ châi-nan, khun-khú chhiong yit-ke khiòng-thai ke vòng, tén-tén oi lòi hak kì, oi kûng-tá kì.

²⁵ Yîn-vi kì fán-khong Song-ti, kiêu-ngau méu-sṳ Chhiòn-nèn-chá.

²⁶ Kì ngang-kiáng m̀-hén sun-fu̍k, khià tún-phài kûng-kit Song-ti.

²⁷ Kì ke mien-phì yù chi-chi; kì ke yêu-khiên tú yê-yê.

²⁸ Kì chhiong yit-ke ngìn chhióng-tó sàng-sṳ, cham-liâng mò ngìn he̍t ke vuk-è, heu-lòi ke chan-chên hàn-he voi tá-fái liá-têu sàng-sṳ lâu vuk-è.

²⁹ Kì fûng-fu ke chhòi-sán liù m̀-voi kiú, lièn sán-ngia̍p ke yáng-è ya voi mò-thet.

³⁰ Kì mò fap-thu tui vû-am thò-chéu; kì oi chhiong su-kî pûn fó sêu-thet; kì ke fâ pûn fûng chhôi m̀ kien-thet.

³¹ Kì na-he yí-sṳ hî-ká khî-phien chhṳ-kâ, chiông-lòi hî-ká voi sàng-cho kì ke po-yin.

³² Ngit-khì màng to, kì voi siên châu-thet, chhiong su-kî châu-thet, m̀-voi chhiâng-liu̍k.

³³ Kì voi chhiong phù-thò-su, phù-thò màng-siuk chhiu lo̍k-lia̍p, yu chhiong kám-lám-su, yit khôi-fâ ngiàm-sṳ̀ chhiu chhia-thet.

³⁴ Mò kin-vi Song-ti ke ngìn chiông-voi mò chṳ́-sûn; kho vâi-kô lòi hí ke vuk voi pûn-fó sêu-thet.

³⁵ Liá-têu ngìn sat kie-mèu, yu cho fái-sṳ; sîm-kôn-tú só yi-phi ke he kúi-cha.

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan