Bìoball air-loidhne

Yok-pak Ki 11 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

¹ Chiap-tén, Nâ-mâ-ngìn Só-fap en-kóng:

² Liá yit thai-tôi ke hâm-chhê fa mò-ngìn en he-mò? Tô-choi ke ngìn kám chhiu chṳn-mìn kì yû-lî he-mò?

³ Yok-pak â, ngì lon kóng-fa, mò-ngìn nèn fì-tap ngì he-mò? Ngì sâu-nat Song-ti ke sṳ̀, mò-ngìn kám chit-phi ngì he-mò?

⁴ Ngì láu-tó chhṳ-kâ ke tho-lî chhiòn-phu chho̍k, ngì chhai Song-ti mien-chhièn he chhiang-chhiang li-li.

⁵ Chúng-he, ngien Song-ti en ngì; ngien Kì khôi-choi kûng-kit ngì.

⁶ Kì voi chṳ́-sṳ ngì chṳ-fi ke kok-chúng o-meu; yû-têu sṳ-chhìn thet-chhṳ̂m, ngìn mò fap-thu liáu-kié. Oi tî, Song-ti mò chhiòn-phu son ngì ke chhui-ko!

⁷ Ngì yû phan-fap liáu-kié Song-ti ke o-meu mò? Ngì kám khon tet-theu Chhiòn-nèn-chá ke vù-han mò?

⁸ Kì ke chṳ-fi pí thiên hàn-kha kô, ngì miâ m̀-tó; pí yîm-kiên hàn-kha chhṳ̂m, só-yî ngì m̀-voi liáu-kié;

⁹ pí thi hàn-kha chhòng, pí hói hàn-kha fat.

¹⁰ Na-he Song-ti oi chok ngì hi-koân, sṳ́m-phan ngì, má-ngìn yû phan-fap chú-tóng Kì nè?

¹¹ Kì chhiu tî nai-têu ngìn hî-hî ká-ká; Kì khon chhîn-chhú kì-têu ke fái hàng-vì.

¹² Yâ lì-è kiung chhut-lòi chhiu voi sun-fu̍k mâ? Hâm-chhê ke ngìn ya mò fap-thu pien chhûng-mìn.

¹³ Yok-pak â, ngì oi chhùn-sîm chṳn-chhṳ̍t; ngì oi khià-sú khì-khiù Song-ti.

¹⁴ Oi chha̍t-tái chhù-thet ngì sú-hong ke sià-ok; m̀-hó pûn put-ngi liù chhai ngì ke vuk-hâ.

¹⁵ Án-ngiòng, ngì voi khî-to chhai-chhai, m̀-kiâng má-ke; chhiu cho-tet kông-mìn chṳn-thai lòi mien-tui sṳ-kie.

¹⁶ Ngì voi m̀ ki-tet ngì só-yû ke châi-fo, chhiu-son sióng-hí, ya voi chhiong súi liù-tén chéu.

¹⁷ Ngì ke ngìn-sên voi pí tông-chu ke ngit-thèu kha-kông, chhiu-son yû vû-am, hàn voi chhiong chêu-sṳ̀n-thèu án-kông.

¹⁸ Ngì voi hióng-su ôn-chhiòn, yîn-vi yû phan-mong; Song-ti oi pó-fu ngì, sṳ́ ngì ôn-sîm soi.

¹⁹ Ngì soi hâ-hi, m̀-sṳ́ kiâng yû thi̍t-ngìn; chhin-tô ngìn voi lòi hiong ngì khiù pông-chhu.

²⁰ Chúng-he fái-ngìn muk-chû fâ-fâ, chhìm m̀-tó thò-chéu ke chhut-lu; kì-têu ke hî-mong chhiu-he sí.

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan