Bìoball air-loidhne

Yok-ngí Sû 2 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

Chhó-máng ke Châi-hoi he Song-chú Sṳ́m-phan ke Kín-ko

¹ Chhai Siak-ôn phùn yòng-kok â! Chhai Song-ti ke sṳn-sân thai-sâng phùn â! Yù-thai ke ngìn-mìn â, oi pi̍t-pi̍t-chhat! Song-chú ke ngit-è voi to lé.

² Ke he vû-am, tet-ngìn-kiâng ke ngit-è, he vû-thiên am-thi ke ngit-è. Yû yit thai-khiùn ke chhó-máng voi lòi-to, chhiu-chhiong vû-am châ-koi sân-thèu. Yî-chhièn m̀-sṳt án-ngiòng, yî-heu ya m̀-voi chai yû.

³ Chhó-máng chhiong fó-sêu án-ngiòng chiông só-yû ke chhṳ̍t-vu̍t khie-to chhiang-chhiang. Kì-têu màng-to yî-chhièn thú-thi chhiong Yî-thien-yèn, kîn-ko yî-heu chhiu pien-cho fông-fi ke khóng-yâ; kì-têu má-ke me mò piong-ko.

⁴ Kì-têu khon hí-lòi chhiong mâ-é, chéu hí-lòi chhiong chan-mâ.

⁵ Kì-têu chhai sân-táng thiau ke sâng, chhiu-chhiong chan-chhâ ke sâng, yu chhiong châu-chhó chho̍k-fó ke sâng. Kì-têu chhiong kiûn-chhui phài-lie̍t hó-se, chhiong chún-phi siông-chhṳ̀ ke thai-kiûn.

⁶ Kì-têu yit-to, tak-sà kiâng-to voi sí, mien-set la̍k-chhiâng.

⁷ Kì-têu chhiong yúng-sṳ kûng-tá, chhiong chan-sṳ phà-chhiòng. Kì-têu yúng-kám hiong-chhièn, lu-sien m̀-voi phiên-chéu,

⁸ ya m̀-voi chiâm-lòi chiâm-hi. Kì-têu kûi-khiùn thûng-ko fòng-sien, má-ngìn ya mò phan-fap tí-khong.

⁹ Kì-têu kûng-ngi̍p sàng-tú, phàn-ko sàng-chhiòng, phà-sông vuk-táng, chhiong chhe̍t-é tui chhûng-mùn ngi̍p-lòi.

¹⁰ Kì-têu yit-to, thiên-yèu thi-thûng, ngit-ngie̍t mò kông, sên-sṳ̀n vû-am.

¹¹ He Song-chú min-lin Kì ke kiûn-chhui. Kì ke kiûn-li̍t khiòng-thai, seu-si̍p ke kiûn-chhui chhin-tô. Song-chú sṳ́m-phan ke ngit-è ngióng-pân tet-ngìn-kiâng! Má-ngìn khâi tet-hí nè?

Ham Ngìn-mìn Fí-kói

¹² Song-chú kóng: Chhiu-son liá-ha, ngì-têu hàn-he cho-tet kim-sṳ̍t, liù muk-chṳp, chhin-kieu, sṳ̀n-sîm fí-kói, kûi-hiong Ngài.

¹³ Ngì-têu m̀-hó tân-chhiang chhá-lan sâm; oi sṳ̀n-sîm pî-sông fí-kói. Oi kûi-hiong Song-chú — ngì-têu ke Song-ti! Kì yû ên-tién, chhûng-mân lìn-mén; Kì mò sùi-phien fat-khién, yû fûng-sṳn ke chhṳ̀-oi; Kì ngien-yi sa-miên, m̀ kong châi-fo.

¹⁴ Khó-nèn Song-chú — ngì-têu ke Song-ti voi kói-pien chú-yi, fûng-fûng fu-fu su-fuk pûn ngì-têu; ke-sṳ̀ ngì-têu chhiu voi yû-hó hiong Kì hien ńg-kuk, mî-chiú.

¹⁵ Chhai Siak-ôn-sân phùn yòng-kok â! Siên-pu kim-sṳ̍t, kí-hàng sṳ̀n-sṳn ke chhi-fi!

¹⁶ Oi seu-si̍p mìn-chung, chún-phi chhâm-kâ sṳn-fi. Oi tai-tén ló-ló nun-nun, nám-tén ô-nga-é, sîn-fûn fû-fu ya oi hàng-chhut sîn-ngiòng-kiên lòi.

¹⁷ Fu̍k-sṳ Song-chú ke chi-sṳ̂ â, ngì-têu oi chhai chi-thàn lâu sṳn-thien ke lòng-hâ chûng-kiên ôi-khiù, kóng: Song-chú â, khiù Ngì khó-lièn Ngì ke chṳ́-mìn. M̀-hó pûn lie̍t-koet méu-sṳ ngài-têu; m̀-hó pûn kì-têu sâu-nat ngài-têu, kóng: “Ngì-têu ke Song-ti chhai nai-vi?”

Song-chú Chai Su-fuk

¹⁸ Song-chú voi chai yit-pái koân-sîm Kì ke thú-thi, lìn-mén Kì ke chṳ́-mìn.

¹⁹ Song-chú voi en kì-têu kóng: Ngài oi su-pûn ngì-têu ńg-kuk, sîn-chiú, kám-lám-yù; ngì-têu voi tet-tó mân-chiuk; Ngài m̀-voi chai pûn lie̍t-koet méu-sṳ ngì-têu.

²⁰ Ngài oi sṳ́ pet-fông lòi ke yit thai-chhui yén-yén lì-khôi ngì-têu; Ngài oi chiông kì-têu kiuk-to fông-thet ke só-chhai, chhièn-chhui kiuk-ngi̍p Sí-hói, heu-chhui kiuk-ngi̍p Thi-chûng-hói; kì-têu ke sṳ̂-thí chhu-hi chhung-thiên, yîn-vi kì-têu án chit-ok.

²¹ Thú-thi â, m̀-sṳ́ kiâng, oi fôn-hí khoai-lo̍k! Yîn-vi yû Song-chú vi ngì-têu cho thai-sṳ.

²² Chéu-chhu â, m̀-sṳ́ kiâng! Yîn-vi yâ-thi ke chhó chiâng hí-lòi lé, su-é kiet-mân kó-chṳ́, vù-fâ-kó-su, phù-thò-su ya khiung-yong kiet tông-tô kó-chṳ́.

²³ Siak-ôn ke ngìn-mìn â, oi fôn-hí khoai-lo̍k! Vi Song-chú — ngì-têu ke Song-ti lòi fôn-hí. Kì su-pûn ngì-têu khi̍p-sṳ̀ ke yí-súi, Kì lâu yî-chhièn khiung-yong kong-hâ chhûn-yí lâu chhiû-yí.

²⁴ Vò-thàng voi tôi-mân ńg-kuk; chiú-chhò, yù-chhò voi yû nêm-nêm ke sîn-chiú lâu kám-lám-yù.

²⁵ Ngài yû phai thai kiûn-chhui to ngì-têu chûng-kiên, chhiu-he yit thai-khiùn ke chhó-máng; kì-têu án-tô ngièn sṳ̍t-thet ke nùng-chok-vu̍t, Ngài oi pú-vàn ngì-têu.

²⁶ Ngì-têu voi yû chhûng-chiuk ke sṳ̍t-vu̍t, sṳ̍t-to páu-páu; ngì-têu oi chan-mî Ngài — Song-chú, ngì-têu ke Song-ti. Ngài vi ngì-têu cho khì-meu ke sṳ; Ngài ke chṳ́-mìn yún-yén m̀-voi chai pûn-ngìn méu-sṳ.

²⁷ Yî-set-lie̍t â, ke-sṳ̀ ngì-têu chhiu voi tî Ngài chhai ngì-têu tông-chûng; Ngài he Song-chú — ngì-têu ke Song-ti; chhù-liáu Ngài yî-ngoi mò phe̍t ke sṳ̀n. Ngài ke chṳ́-mìn yún-yén m̀-voi chai pûn-ngìn méu-sṳ.

Song-chú ke Ngit-è

²⁸ Ngit-heu, Ngài oi chiông Ngài ke Lìn tó-pûn só-yû ke ngìn: Ngì-têu ke chṳ́-ńg voi siên-ko Ngài ke sin-sit; ngì-têu ke ló-ngìn-kâ voi pot khì-meu ke mung; ngì-têu ke heu-sâng-ngìn voi khon-tó yi-siong.

²⁹ Ke-sṳ̀, Ngài sṳm-chṳ oi chiông Ngài ke Lìn tó-chhut-lòi pûn phu̍k-ngìn lâu sṳ́-ńg.

³⁰ Ngài oi chhai thiên-táng thi-hâ hién sṳ̀n-chiak, yû hiet, yû fó, yû thai mùng-yên.

³¹ Ngit-thèu sa m̀-voi fat-kông; ngie̍t-kông voi chhiong hiet án-fùng. Chhai Song-chú ví-thai tet-ngìn-kiâng ke ngit-è lòi-to yî-chhièn, liá yit-chhiet chhiòn-phu voi fat-sên.

³² Fàm khiù-ham Song-chú sṳn-miàng ke ngìn yit-thin tet-kiu. Chhiu-chhiong Song-chú só-kóng: Chhai Siak-ôn-sân, Yâ-lu-sat-lâng voi yû thò-chéu ke ngìn; chhai só-chhûn ke ngìn tông-chûng voi yû Ngài só kién-sién ke ngìn.

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan