Bìoball air-loidhne

Yok-ngí Sû 1 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

Ngìn-mìn vi Nùng-chok-vu̍t ke Sún-fái Pî-sông

¹ Hâ-poi he Song-chú pûn Pí-thú-ngí ke lai-é Yok-ngí ke sin-sit.

² Chóng-ló â, ngì-têu oi thâng, Yù-thai ke ngìn-mìn â, oi chu-yi thâng! Ngì-têu ke sṳ̀-thoi ya-he chú-siên ke sṳ̀-thoi kám yû fat-sên ko liá-chúng sṳ?

³ Lâu ngì-têu ke chṳ́-ńg kóng, hó pûn kì-têu lâu kì-têu ke chṳ́-ńg kóng, sṳ-sṳ thoi-thoi, liù-chhòn hâ-hi.

⁴ Yit-khiùn yit-khiùn ke chhó-máng thìn chhai nùng-chok-vu̍t mien-táng. Thai chhó-máng sṳ̍t-chhûn ke, se chhó-máng lòi sṳ̍t; se chhó-máng sṳ̍t-chhûn ke, yu chhó-máng lòi sṳ̍t; yu chhó-máng sṳ̍t-chhûn ke, vò-hà lòi sṳ̍t.

⁵ Chiú-chui ke ngìn â, hó siáng ko-lòi kieu lé! Hau-chiú ke ngìn â, oi ôi-sông thai-kieu! Yîn-vi kiuk sîn-chiú ke phù-thò mò pan-ti̍t lé.

⁶ Yû yit-chhui chhó-máng chhîm-fam ngài-têu ke thú-thi. Kì-têu tông khiòng-thai, tô-to mò fap-thu son; kì-têu ke ngà-chhṳ́ chhiong sṳ̂-é ke ngà-chhṳ́ án-li.

⁷ Kì-têu fí-fái ngài-têu ke phù-thò-su, chiông vù-fâ-kó-su sṳ̍t-to kông-kông. Kì-têu lièn su-koáng ke phì ya khie-to chhiang-chhiang, sṳ́ su-koáng pien-cho pha̍k-pha̍k.

⁸ Ngì-têu oi chhin-kieu! Chhiong se-moi-é yîn-vi vi-fûn-fû sí-thet chok mà-sâm thai-kieu.

⁹ Sṳn-thien tú m̀-voi chai yû ńg-kuk lâu mî-chiú, chi-sṳ̂ yîn-vi mò chi-vu̍t hó hien-pûn Song-chú lòi pî-sông.

¹⁰ Thièn-yèn fông-thet, thai-thi chhî-liòng; yîn-vi ńg-kuk fí-fái, chhiòn-mò sîn-chiú, kám-lám-yù ya tông-khiam.

¹¹ Kâng-chung-ngìn â, ngì-têu voi tông sṳt-mong! Chóng phù-thò-yèn ke â, ngì-têu voi thai-kieu! Yîn-vi thai-ma̍k, séu-ma̍k, lâu só-yû nùng-chok-vu̍t chhiòn-phu fí-fái chhiang-chhiang.

¹² Phù-thò-su, vù-fâ-kó-su châu-thet; sa̍k-liù-su, chûng-su, phìn-kó-su lâu só-yû ke kó-su chhiòn-phu châu-thet; ngìn ke hí-lo̍k ya chhiòn-phu sêu-sṳt lé.

¹³ Chhai chi-thàn fu̍k-sṳ ke chi-sṳ̂ â, ngì-têu oi chok mà-sâm thai-kieu! Oi ngi̍p sṳn-thien kûi am-pû kieu-chṳ̂! Yîn-vi m̀-voi chai yû ńg-kuk, mî-chiú hó hien-pûn ngì-têu ke Song-ti lé.

¹⁴ Ngì-têu oi siên-pu kim-sṳ̍t, kí-hàng sṳ̀n-sṳn ke chhi-fi! Oi seu-si̍p ke-têu chóng-ló lâu Yù-thai só-yû ke ngìn-mìn, chin-ngi̍p Song-chú — ngì-têu Song-ti ke sṳn-thien, hiong Song-chú ôi-khiù!

¹⁵ Song-chú ke ngit-è voi to lé! Chhiòn-nèn-chá oi kong châi-nan lé! Ke ngit-è he ngióng-pân tet-ngìn-kiâng â!

¹⁶ Nùng-chok-vu̍t chhai ngài-têu ngién-chhièn fí-fái lé; ngài-têu Song-ti ke sṳn-thien mò fôn-hí khoai-lo̍k.

¹⁷ Chúng-chṳ́ chhiòn-phu chhai nài-kak tú mièn-thet lé, mò kuk hó-tún; kuk-chhông chhiòn-phu mò-yung thet-hi lé.

¹⁸ Thèu-sâng chhin-ve chhin-kieu. Ngiù-khiùn chûng-sông chûng-hâ, yîn-vi chhìm mò chhó hó-sṳ̍t; yòng-khiùn ya khiung-yong su-khú.

¹⁹ Song-chú â, ngài hiong Ngì ôi-khiù, yîn-vi fó sêu-thet yâ-thi ke chhó-chhòng, fó-yam sêu-chhiang thièn-yèn ke su-é.

²⁰ Yâ-chhu ya hiong Ngì choi so̍k-so̍k; yîn-vi hò-pa-súi châu-thet, fó chiông chhó-chhòng sêu-thet lé.

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan