Bìoball air-loidhne

Yok-nâ Sû 4 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

Yok-nâ ke Fat-khién lâu Song-ti ke Sa-miên

¹ Tui liá-khien sṳ, Yok-nâ chhin mò fôn-hí, tông-at.

² Só-yî kì khì-tó kóng: “Song-chú â, ngài lì-khôi kâ-hiông yî-chhièn, m̀-he lâu Ngì kóng-ko, Ngì yit-thin voi án-ngiòng cho mâ? Chhiu-he yîn-vi án-ngiòng, ngài chang voi piang-miang thò-to Thâ-sṳ̂ hi! Ngài tî Ngì he yû ên-tién, yû lìn-mén ke Song-ti; Ngì mò sùi-phien fat-khién, yû fûng-sṳn ke chhṳ̀-oi; Ngì ngien-yi fì-sîm chón-yi, m̀ chit-fa̍t ngìn.

³ Só-yî, Song-chú â, pûn ngài sí hó lé! Ngài hàn-he sí kha hó!”

⁴ Song-chú en-kóng: “Ngì án-ngiòng fat-khién kám yû lî?”

⁵ Só-yî Yok-nâ to sàng-ngoi hi, chhai sàng ke tûng-phién chhô hâ-lòi. Kì tap yit-chak liàu-è, chhô chhai kì ke yîm-yáng hâ, oi khon Nì-nì-mì-sàng voi fat-sên má-ke sṳ.

⁶ Heu-lòi, Chú Song-ti ôn-phài yit-thèu pî-mà su, sṳ́ kì sâng-to pí Yok-nâ kha-kô, su-yáng châ-tén kì ke thèu-nà, sṳ́ kì kám-kok liòng-sóng. Yok-nâ fî-sòng fôn-hí liá-thèu su.

⁷ Chúng-he, thi-ngi ngit tá-chó, Song-ti ôn-phài yit-mî chhùng-è lòi ngâu liá-thèu su-é, su-é chhiu châu sí-thet.

⁸ Ngit-thèu chhut-lòi yî-heu, Song-ti yu ôn-phài sêu-fûng tui tûng-fông chhôi ko-lòi. Yîn-vi ngit-thèu tông-lat, chhṳ̍t-chiap sai Yok-nâ ke thèu-nà, kì pûn ngit-thèu sai-to khiòng-khiòng voi fûn-thet, só-yî kì chhiu khiù sí. Kì kóng: “Ngài hàn-he sí kha-hó!”

⁹ Chúng-he Song-ti tui kì kóng: “Ngì vi liá-thèu pî-mà su án fat-khién kám yû lî?” Yok-nâ en-kóng: “Ngài fat-khién to voi sí me yû lî!”

¹⁰ Song-chú tui kì kóng: “Liá-thèu su-é yit am-pû chhiu thai hí-lòi, thi-ngi ngit chhiu châu sí-thet; ngì sûi-yèn mò chung kì, ya mò then-sú sṳ́ kì thai hí-lòi, ngì hàn vi kì kám-kok khó-sit.

¹¹ Án-ngiòng, Ngài m̀-he hàn-kha yin-kôi lìn-mén Nì-nì-mì liá-chho thai-sàng mâ? Chhai liá sàng-tú yû chhêu-ko sṳ̍p-ngi van lièn chó-sú yu-sú tû pûn m̀-chhut ke ngìn, yu hàn-yû tông-tô thèu-sâng!”

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan