Bìoball air-loidhne

Yok-nâ Sû 2 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

Yok-nâ ke Khì-tó

¹ Yok-nâ chhai ǹg tú-sṳ́ hiong Song-chú — kì ke Song-ti khì-tó:

² Song-chú â, ngài tù-tó châi-nan ke sṳ̀ khiù-ham Ngì, Ngì yû tap-yin ngài. Ngài tui yîm-kiên tú hiong Ngì khién-khiù, Ngì thâng ngài ke khì-khiù.

³ Ngì chiông ngài te̍p-lo̍k chhṳ̂m-hói, to chhṳ̂m-chhṳ̂m ke hói-tái; thai-súi pâu-vì ngài, Ngì ke thai-long khièm-tén ngài.

⁴ Ngài sióng, ngài yí-kîn tui Ngì mien-chhièn pûn Ngì kiuk-chéu, chúng-he ngài hàn oi ngióng-mong Ngì ke sṳn-thien.

⁵ Thai-súi khièm-tén ngài, hoi ngài théu-hi m̀-chhut; ngài ham chhai thai-hói chhin-chhṳ̂m ke só-chhai; hói-chhó chhàn-he̍t ngài ke thèu-nà.

⁶ Ngài hâ-to chung-sân ke kiok-hâ, lòi-to mùn-chhôn yún-yén só-tén ke yîm-kiên. Chúng-he Song-chú — ngài ke Song-ti â, Ngì tui yîm-kiên ke tî-poi chiông ngài sâng-sâng kiu chhut-lòi.

⁷ Ngài kám-kok chhṳ-kâ ke sâng-miang voi mò-thet ke sṳ̀, Song-chú â, ngài chhiu sióng-ngiam Ngì; ngài ke khì-tó ngi̍p-to Ngì ke sṳn-thien, tha̍t-to Ngì ke mien-chhièn.

⁸ Ke-têu kin-pai hî-ká ngiéu-siong ke, kì-têu yí-kîn vok-thet tui Ngì ke sṳ̀n-sîm.

⁹ Chúng-he ngài oi chhong-kô kám-chhia Ngì; ngài oi hiong Ngì hien-chi, vàn yit-chhiet só hí ke ngien. Chṳ́n-kiu he tui Song-chú lòi!

¹⁰ Heu-lòi, Song-chú min-lin ke-thiàu thai-ǹg chiông Yok-nâ phi chhai sâ-thân, thai-ǹg chhiu cheu án-ngiòng cho.

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan