Bìoball air-loidhne

Yok-nâ Sû 1 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

Yok-nâ Vì-poi Song-chú

¹ Yû yit-ngit, Song-chú hiong Â-mí-thai ke lai-é Yok-nâ kóng:

² “Ngì hi Nì-nì-mì ke-chho thai-sàng, kûng-khôi chit-phi ke-vi ke ngìn, yîn-vi kì-têu ke sià-ok tha̍t-to Ngài ke mien-chhièn!”

³ Chúng-he Yok-nâ hiong siông-fán ke fông-hiong hàng, sióng-oi thò-chéu lì-khôi Song-chú. Kì to Yok-pha-kóng, chhìm-tó yit-thiàu oi sṳ́-hi Thâ-sṳ̂ ke sòn. Kì fu-chhièn sông-sòn, oi lâu sòn-yèn khiung-ha hi Thâ-sṳ̂, lòi-sám Song-chú.

⁴ Chúng-he, Song-chú sṳ́ hói-song hí thai-fûng, khòng-fûng thai-long tá ke-thiàu sòn, sòn khiòng-khiòng chhiong voi tá-fái.

⁵ Sòn-yèn chhiòn-phu fî-sòng chho̍k-kiâng, tak-sà hiong chhṳ-kâ ke sṳ̀n-mìn ôi-khiù. Vi-tó oi kám-khiâng sòn ke chhûng-liong, kì-têu chhiu chiông sòn-táng ke fo-vu̍t fit-lo̍k hói-tú. Yok-nâ chó chhiu hâ-to sòn-tái, vang chhai ke-vi soi-to m̀-tî siáng.

⁶ Sòn-chóng hi-to kì ke-vi tui kì kóng: “Ngì ngióng-pân hàn chhai liá-vi soi nè? Hong-hí-lòi, khiù ngì ke sṳ̀n-mìn! Mò yit-thin kì voi khó-lièn ngài-têu, lòi kiu ngài-têu.”

⁷ Sòn-táng ke ngìn thai-kâ chhâm-siòng: “Ngài-têu lòi chhû-chhiâm, khon he má-ngìn ke chhui-ok hoi ngài-têu tù-tó liá châi-nan.” Kì-têu chhiu chhû-chhiâm, chhû-tó Yok-nâ.

⁸ Kì-têu mun kì: “Lâu ngài-têu kóng, liá châi-nan he m̀-he ngì ngiâ-hí ke? Ngì sṳ̍t má-ke thèu-lu? Tui nai-vi lòi? He nai-koet nai-chhu̍k ke ngìn?”

⁹ Yok-nâ en-kóng: “Ngài he Hî-pak-lòi-ngìn. Ngài kin-vi Song-chú. Kì he thiên-táng ke Song-ti, he thai-hói lâu liu̍k-thi ke chhóng-chho Chú.”

¹⁰ Yok-nâ yu lâu kì-têu kóng, kì liá-ha chhiu-he oi thò-chéu lì-khôi liá-vi Song-chú. Sòn-yèn thâng-tó liá-têu fa, fî-sòng chho̍k-kiâng, chhiu tui kì kóng: “Ngì ngióng-voi án-ngiòng nè!”

¹¹ Yîn-vi fûng-long ye̍t-lòi ye̍t-thai, kì-têu chhiu mun kì: “Ngài-têu oi ngióng-pân chhú-lî ngì, chang nèn sṳ́ fûng-long phìn-chhin hâ-lòi nè?”

¹² Yok-nâ en-kóng: “Chiông ngài kông hí-lòi, te̍p-lo̍k hói-tú, fûng-long chhiu voi phìn-chhin; yîn-vi ngài tî he ngài ke chhui-ko sṳ́ ngì-têu tù-tó liá ke fûng-chhâi.”

¹³ Sòn-yèn fán-chón chhut-li̍t chhang-sòn, oi chiông sòn chhang-to hói-sùn hi. Chúng-he fûng-long ye̍t-lòi ye̍t-khiòng, kì-têu mò-fap chhièn-chin.

¹⁴ Só-yî kì-têu khiù-ham Song-chú, kóng: “Song-chú â, khiù Ngì m̀-hó yîn-vi liá ngìn ke chhui sṳ́ ngài-têu sí-thet, ya m̀-hó yîn-vi liá ngìn ke sí lòi thó ngài-têu ke miang. Song-chú â, liá yit-chhiet chhiòn-phu he cheu Ngì chhṳ-kâ ke yi-sṳ cho ke.”

¹⁵ Fa kóng-so̍t, kì-têu chhiu chiông Yok-nâ kông hí-lòi, te̍p-lo̍k hói-tú; fûng-long ngiàm-sṳ̀ phìn-chhin hâ-lòi.

¹⁶ Sòn-yèn chhiòn-phu yîn-vi liá-khien sṳ thai-thai kin-vi Song-chú, hiong Song-chú hien-chi, yu hí-ngien oi sṳ-fung Kì.

¹⁷ Liá-sṳ̀, Song-chú ôn-phài yit-thiàu thai-ǹg, chiông Yok-nâ thûn lo̍k-hi. Yok-nâ chhai ǹg tú-sṳ́ sâm-ngit sâm-ya.

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan