Bìoball air-loidhne

Yok-hon Yit-sû 4 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

Chṳ̂n ke Lìn lâu Ká ke Lìn

¹ Chhîn-oi ke phèn-yû â, yit-chhiet ke lìn, ngì-têu m̀-hó chhiòn-phu siông-sin, yit-thin oi chhat-ngiam ke-têu lìn he m̀-he tui Song-ti lòi ke, yîn-vi yí-kîn yû chhin-tô ke ká siên-tî tak só-chhai chhut-hien.

² Ngì-têu oi ngióng-pân ngin-chhut he Song-ti ke Lìn nè? Má-ngìn kûng-khôi sṳ̀n-ngin Yâ-sû Kî-tuk he sàng-cho ngiuk-sṳ̂n lòi ke, má-ngìn chhiu yû tui Song-ti lòi ke Lìn.

³ Má-ngìn m̀ kûng-khôi sṳ̀n-ngin Yâ-sû, kì chhiu mò tui Song-ti lòi ke Lìn; kì só-yû ke he ke-chak thi̍t Kî-tuk ke lìn. Ngì-têu yû thâng-ko liá-ke lìn oi lòi, liá-ha yí-kîn chhai sṳ-kiên lé.

⁴ Chhîn-oi ke chṳ́-ńg â, ngì-têu he su̍k Song-ti ke, ya yí-kîn yàng-ko ká siên-tî lé, yîn-vi chhai ngì-têu tî-poi ke Lìn pí su̍k sṳ-kie ke ngìn tî-poi ke lìn kha yû li̍t-liong.

⁵ Ke-têu ká siên-tî kóng-lun sṳ-kiên ke sṳ, sṳ-kiên-ngìn thâng-chhiùng kì-têu, yîn-vi kì-têu he su̍k sṳ-kie ke.

⁶ Chúng-he, ngài-têu he su̍k Song-ti ke. Ngin-sṳt Song-ti ke ngìn chhiu thâng-chhiùng ngài-têu; m̀ su̍k Song-ti ke ngìn chhiu m̀ thâng-chhiùng ngài-têu. Cheu liá-tiám, ngài-têu tî oi ngióng-pân ngin-chhut chṳ̂n-lî ke Lìn lâu chho-ngu ke lìn.

Song-ti he Oi

⁷ Chhîn-oi ke phèn-yû â, ngài-têu oi pí-chhṳ́ siông-siak, yîn-vi oi-sîm he tui Song-ti lòi ke. Ke yû oi-sîm ke, he Song-ti só kiung ke, ya ngin-sṳt Song-ti.

⁸ Ke mò oi-sîm ke, m̀-sṳt Song-ti, yîn-vi Song-ti chhiu-he oi.

⁹ Song-ti chhâi-phai Kì Thu̍k-yit ke Lai-é to sṳ-kiên lòi, pûn ngài-têu thûng-ko kì tet-tó sâng-miang; Song-ti yung án-ngiòng lòi hién-mìn Kì siak ngài-têu.

¹⁰ Liá chhiu-he oi: M̀-he ngài-têu kin-oi Song-ti, he Song-ti siak ngài-têu, chhâi-phai Kì ke Lai-é, vi-tó ngài-têu hî-sên, su̍k ngài-têu ke chhui.

¹¹ Chhîn-oi ke phèn-yû â, ki-yèn Song-ti án siak ngài-têu, ngài-têu ya yin-kôi pí-chhṳ́ siông-siak.

¹² Mò ngìn kien-ko Song-ti, chúng-he ngài-têu na pí-chhṳ́ siông-siak, Song-ti chhiu chhai ngài-têu ke sâng-miang tî-poi, Kì ke thung-siak chhai ngài-têu ke tông-chûng chhiu vàn-chhiòn sṳ̍t-hien lé.

¹³ Song-ti chiông Kì ke Lìn su-pûn ngài-têu, yîn-vi án-ngiòng, ngài-têu tî ngài-têu chhai Kì ke sâng-miang tî-poi, Kì ya chhai ngài-têu ke sâng-miang tî-poi.

¹⁴ Thiên-táng ke Â-pâ chhâi-phai Kì ke Lai-é lòi cho sṳ-kie ke Kiu-chú; liá he ngài-têu só khon-tó, só kien-chṳn ke.

¹⁵ Má-ngìn kûng-khôi sṳ̀n-ngin Yâ-sû he Song-ti ke Lai-é, Song-ti chhiu chhai kì ke sâng-miang tî-poi, kì ya chhai Song-ti ke sâng-miang tî-poi.

¹⁶ Só-yî, ngài-têu tî, ya siông-sin, Song-ti siak ngài-têu. Song-ti chhiu-he oi; sâng-miang-tú yû oi-sîm ke ngìn chhiu chhai Song-ti ke sâng-miang tî-poi, Song-ti ya chhai kì ke sâng-miang tî-poi.

¹⁷ Án-ngiòng, oi chhiu chhai ngài-têu ke tông-chûng vàn-chhiòn sṳ̍t-hien, sṳ́ ngài-têu chhai sṳ́m-phan ke-ngit hó-tám mò kiâng; yîn-vi ngài-têu chhai sṳ-kiên yû thùng Kî-tuk khiung-yong ke sâng-miang.

¹⁸ Chhai oi tî-poi mò kiâng; vàn-chhiòn ke oi-sîm nèn kiuk-chéu yit-chhiet ke kiâng. Só-yî, voi kiâng ke ngìn chhiu-he mò vàn-chhiòn ke oi-sîm, yîn-vi kiâng lâu hìn-fa̍t he lièn-cho yit-ha ke.

¹⁹ Ngài-têu oi, yîn-vi Song-ti siên siak ngài-têu.

²⁰ Na yû-ngìn kóng “Ngài kin-oi Song-ti”, hàn yen-hen chhṳ-kâ ke hiûng-thi chí-moi, kì chhiu he kóng fâ-liâu ke ngìn; kì ki-yèn m̀ siak ke khon tet-tó ke hiûng-thi chí-moi, chhiu mò fap-thu kin-oi ke khon-m̀-tó ke Song-ti.

²¹ Liá he ngài-têu tui Kî-tuk só liâng-su ke min-lin: Kin-oi Song-ti ke, ya yin-tông siak hiûng-thi chí-moi.

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan