Bìoball air-loidhne

Yî-soi-â Sû 23 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

Yû-koân Fî-nì-kî ke Sin-sit

¹ Hâ-poi he yû-koân Thai-ngì ke sin-sit. Thâ-sṳ̂ ke sòn-è ke-têu sòn-yèn â, oi chhin-kieu ô! Ngì-têu kâ-hiông ke Thai-ngì-kóng yí-kîn fí-me̍t lé, vuk lâu hói-kóng ya tá-fái lé. Ngì-têu ke sòn-è tui Sai-phú-lu-sṳ̂ chón-lòi ke sṳ̀, chhiu voi thâng-tó liá-ke sêu-sit.

² Hói-sùn ke ngìn-mìn, Sî-tun ke sên-lî ngìn â, ngì-têu oi thêu-thêu-é kieu,

³ sûi-yèn ngì-têu ko-hói hi-cho sên-lî, chiông Âi-khi̍p chhut-sán ke ńg-kuk mai-pûn kok-koet.

⁴ Chúng-he Sî-tun-sàng â, ngì voi kám-kok tông kien-seu; yîn-vi chhṳ̂m-hói lâu thai-hói m̀ ngin ngì, kóng: “Ngài mò sîn-khú thu-ko se-ngìn-è, ya mò kiung-ko chṳ́-ńg.”

⁵ Lièn Âi-khi̍p-ngìn thâng-tó Thai-ngì fí-me̍t ke sêu-sit ya voi tông chho̍k-kiâng.

⁶ Fî-nì-kî-ngìn â, ngì-têu oi sông-sîm chhin-kieu, ngì-têu voi sióng-oi thò-to Thâ-sṳ̂ hi!

⁷ Liá he li̍t-sṳ́ tông-kiú, fàn-yùng ke Thai-ngì-sàng mò? He sṳt sung-ngìn to ngoi-koet hi kien-li̍p chhṳ̍t-mìn thi ke sàng mò?

⁸ Thai-ngì he kîn-sàng; kì ke sên-lî ngìn he chhut-miàng ke kui-chhu̍k. He má-ngìn sṳ́ kì pien-to án-sôi nè?

⁹ Liá he Song-chú — Van-kiûn ke Ngièn-soi só kie-va̍k ke; Kì oi fi-thet kì-têu yit-chhiet ke kiêu-ngau, sṳ́ thi-song yû miàng-mong ke ngìn chhiòn-phu pien-cho khiâm-pî.

¹⁰ Chhai Thâ-sṳ̂ chhṳ̍t-mìn thi ke ngìn â, ngì-têu voi chhiong Nì-lò-hò ke súi án-ngiòng to-chhu liù-long, mò-ngìn voi pó-fu ngì-têu lé.

¹¹ Song-chú ke sú yí-kîn chhûn-ko thai-hói, hi tá-kit ke-phién ke koet-kâ. Kì min-lin fí-me̍t Fî-nì-kî ke sông-ngia̍p chûng-sîm.

¹² Sî-tun-sàng â, ngì ke hó ngit-è yí-kîn ko-thet lé! Ngì ke ngìn-mìn voi su khî-ap, chhiu-son kì-têu chéu-to Sai-phú-lu-sṳ̂ hi, ya tet m̀-tó ôn-chhiòn.

¹³ (Ke-khiùn tai-tén yâ-chhu lòi thûn-sṳ̍t Thai-ngì ke, he Pâ-pí-lùn-ngìn, m̀-he Â-sut-ngìn. Pâ-pí-lùn-ngìn chún-phi oi kûng-pho Thai-ngì ke sàng-pó sàng-chhiòng, sṳ́ ke-sàng pien-cho fông-phû.)

¹⁴ Thâ-sṳ̂ ke sòn-è ke-têu sòn-yèn â, oi sông-sîm chhin-kieu! Ngì-têu só yí-kho ke sàng-sṳ yí-kîn fí-me̍t lé.

¹⁵ Thai-ngì-sàng pûn-ngìn m̀ ki-tet ke sṳ̀-chiet voi to lé; kì voi pûn-ngìn m̀ ki-tet chhit-sṳ̍p ngièn, tú-hó he yit-ke koet-vòng ke su-ngièn. Chhit-sṳ̍p ngièn heu, Thai-ngì voi chhiong ke sṳ̂-kô só mèu-siá ke kî-ńg:

¹⁶ Nâ-hí ngì ke su-khìm, to sàng-tú hi tîn; ngì liá khó-lièn, pûn-ngìn m̀ ki-tet ke kî-ńg, thàn ngì ke khìm, chhong ngì ke kô! Mò yit-thin ngì ke-têu chhìn-lòng hàn voi chón-lòi!

¹⁷ Chhit-sṳ̍p ngièn ko-heu, Song-chú oi pûn Thai-ngì fî-fu̍k méu-yi̍t. Thai-ngì voi lâu sṳ-kie chhin-tô koet-kâ cho sên-lî.

¹⁸ Kì voi chiông cho sên-lî chhon ke chhièn fung-hien pûn Song-chú. Kì m̀-voi chai thêu-thêu-é khong chhièn-ngiùn; kì ke chhièn fán-chón voi kâu-pûn kin-pai Song-chú ke ngìn, sṳ́ kì-têu sṳ̍t páu-páu, chok chiâng-chiâng.

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan