Bìoball air-loidhne

Sṳ̂-phiên 99 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

Song-ti he Chṳ-kô ke Vòng

¹ Song-chú chóng-khièn! Van-mìn oi pi̍t-pi̍t-chhat! Kì chhô chhai kî-lu-pak pó-chho song, thai-thi oi yèu-thung!

² Song-chú chhai Siak-ôn thai-yû nèn-li̍t; Kì he chṳ-kô, chhêu-ko thiên-ha van-koet.

³ Van-mìn oi siung-chan Kì ke miàng; Kì ke miàng ví-thai yu vî-ngiàm. Kì he chṳ-sṳn ke!

⁴ Thai-nèn ke Vòng â, Ngì fôn-hí kûng-ngi; Ngì kien-li̍p kûng-phìn; Ngì chhai Yî-set-lie̍t-kâ sṳ̂n-chông kûng-ngi, vì-fu kûng-tho.

⁵ Oi siung-chan Song-chú — ngài-têu ke Song-ti! Oi chhai Kì ke pó-chho chhièn khúi-pai! Kì he chṳ-sṳn ke!

⁶ Chhai Kì ke chi-sṳ̂ chûng yû Mô-sî lâu Â-lùn, chhai khiù-ham Kì miàng ke ngìn chûng yû Sat-mû-ngí; kì-têu khiù Song-chú, Kì chhiu en kì-têu.

⁷ Kì chhai yùn-chhû ke tî-poi tui kì-têu kóng-fa; kì-têu fu̍k-chhiùng Kì pân-pu ke fap-lin lâu kûi-chet.

⁸ Song-chú — ngài-têu ke Song-ti â, Ngì thâng Ngì chṳ́-mìn ke khiù-ham; Ngì he sa-miên kì-têu ke Song-ti, chúng-he Ngì cheu kì-têu ke ko-fam po-yin kì-têu.

⁹ Oi siung-chan Song-chú — ngài-têu ke Song-ti! Oi chhai Kì ke sṳn-sân táng kin-pai Kì! Song-chú — ngài-têu ke Song-ti he chṳ-sṳn ke!

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan