Sṳ̂-phiên 96 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

Song-ti he Chṳ-kô ke Vòng
( Li̍t-thoi-chṳ Song 16:23-33 )

¹ Oi chhong sîn ke sṳ̂-kô chan-mî Song-chú! Chhiòn sṳ-kie tû oi lòi kô-siung Song-chú!

² Oi tui Song-chú chhong-kô, oi siung-chan Kì ke miàng! Oi tak-ngit chhòn-yòng Kì chṳ́n-kiu ke fuk-yîm!

³ Oi tui van-koet siên-chhòn Kì ke yùng-kông! Oi tui van-mìn kóng-hí Kì ví-thai ke chok-vì!

⁴ Song-chú he chui ví-thai ke, yin-tông su chui-thai ke chan-mî; Kì yin-tông pí só-yû ke sṳ̀n-mìn tet-tó kha-tô ke kin-vi.

⁵ Lie̍t-koet só-yû ke sṳ̀n-mìn put-ko he ngiéu-siong; chúng-he chhóng-chho chû-thiên ke chhiu-he Song-chú.

⁶ Yùng-kông, vî-ngiàm chhai Kì ke mien-chhièn; thai-nèn, yùng-fà chhûng-mân Kì ke sṳn-só.

⁷ Thi-song ke van-chhu̍k â, yin-tông siung-chan Song-chú! Ngì-têu oi siung-chan Kì ke yùng-kông lâu thai-nèn!

⁸ Oi siung-chan Song-chú yùng-kông ke miàng; oi tai chi-vu̍t lòi chin-ngi̍p Kì ke sṳn-thien.

⁹ Oi yung sṳn-kiet ke tá-pan lòi khúi-pai Song-chú; chhiòn-thi oi chhai Kì ke mien-chhièn pi̍t-pi̍t-chhat!

¹⁰ Oi hiong van-koet siên-pu: “Song-chú chóng-khièn! Thai-thi kiên-ku, m̀-voi yèu-thung; Kì oi yung kûng-chṳn lòi sṳ́m-phan van-mìn.”

¹¹ Chû-thiên oi fôn-hí, thai-thi oi khoai-lo̍k! Hói lâu khì-chûng ke sâng-vu̍t â, oi thai-sâng fôn-fû!

¹² Thièn-yèn lâu khì-chûng ke chhut-sán â, oi fôn-hí hí-lòi! Ke-sṳ̀, su-nà chûng ke su-muk oi chhai Song-chú mien-chhièn fôn-hí chhong-kô;

¹³ yîn-vi Song-chú oi lòi, Kì oi lòi chhṳ-lî thiên-ha. Kì oi yung kûng-ngi thúng-chhṳ sṳ-kie; Kì oi yung sin-sṳ̍t tui-thai van-mìn.

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan