Bìoball air-loidhne

Sṳ̂-phiên 95 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

Siung-chan ke Sṳ̂-kô

¹ Lòi â, ngài-têu lòi siung-chan Song-chú! Lòi hiong chṳ́n-kiu ngài-têu ke pó-fu-chá fôn-fû!

² Ngài-têu oi yung kám-chhia ke sîm lòi-to Kì mien-chhièn; ngài-têu oi hiong Kì chhong fôn-hí siung-chan ke sṳ̂-kô.

³ Yîn-vi Song-chú he thai-nèn ke Song-ti, he chhêu-ko só-yû sṳ̀n-mìn ke thai kiûn-vòng.

⁴ Kì thúng-chhṳ chhiòn-thi, chhiùng thi ke chhṳ̂m-yên to sân ke kô-fûng.

⁵ Kì kón-lî chhṳ-kâ só-chho ke thai-hói; Kì kón-lî chhîn-sú chhóng-chho ke liu̍k-thi.

⁶ Lòi â, ngài-têu lòi phu̍k-tén kin-pai Kì! Lòi khúi-pai chhóng-chho ngài-têu ke Song-chú!

⁷ Kì he ngài-têu ke Song-ti; ngài-têu he Kì khon-ku ke chṳ́-mìn, he Kì mu̍k-yông ke yòng-khiùn. Kîm-pû-ngit, ngì-têu oi thâng Kì ke fa:

⁸ “M̀-hó án ngang-kiáng! Mo̍k chhiong thèu-pái ngì-têu ke chú-siên chhai Mí-li-pâ án-ngiòng, m̀-hó chhiong kì-têu chhai Mâ-sat khóng-yâ ke sṳ̀-chiet án-ngiòng;

⁹ sûi-yèn kì-têu khon-tó Ngài vi kì-têu só-cho ke sṳ, kì-têu hàn-he chhai ke-vi ngiâ Ngài, sṳ-tham Ngài.

¹⁰ Kîn-ko si-sṳ̍p ngièn, Ngài chhin-nâu ke sṳ̀-thoi ke ngìn. Ngài kóng: ‘Kì-têu yit-chhṳ̍t án m̀ chûng-sîm! Kì-têu m̀ fu̍k-chhiùng Ngài ke min-lin!’

¹¹ Só-yî Ngài chhai nu-hi chûng fat-sṳ kóng: ‘Kì-têu chhie̍t-tui cho-m̀-tet ngi̍p-hi ke thi-fông hióng-su Ngài só-su ke ôn-sit!’ ”

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan