Bìoball air-loidhne

Sṳ̂-phiên 92 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

Siung-chan ke Sṳ̂-kô
Ôn-sit-ngit ke sṳ̂-kô.

¹ Song-chú â, tui Ngì hien-song kám-chhia sṳ̍t-chhai chṳ̂n-hó! Chṳ-kô-chá â, kô-siung Ngì ke miàng sṳ̍t-chhai chṳ̂n-hó!

² Ngài tak chêu-sṳ̀n oi chhòn-yòng Ngì put-pien ke chhṳ̀-oi, ngài tak am-pû oi kóng-sot Ngì ke sin-sṳ̍t,

³ oi yung sṳ̍p-hièn-khìm lòi phan-cheu, yung su-khìm mî-meu ke sâng-yîm lòi-fò.

⁴ Song-chú â, Ngì ke chok-vì pûn ngài tet-tó fôn-hí; ngài oi yîn-vi Ngì ke sú só-cho ke lòi fôn-fû.

⁵ Song-chú â, Ngì só-hàng ke chṳ̂n ví-thai! Ngì ke yi-ngiam sṳ̍t-chhai fî-sòng chhṳ̂m!

⁶ Nga-ta ke m̀-voi liáu-kié, ngong-é ya m̀-voi mìn-pha̍k liá-khien sṳ:

⁷ sûi-yèn fái-ngìn chhiong yâ-chhó án voi sâng, hàng-sṳ chit-ok ke hîn-vong yit-sṳ̀, kì-têu chui-heu voi vàn-chhiòn sêu-me̍t;

⁸ chúng-he, Song-chú â, Ngì yún-yén he chṳ-kô vù-song ke!

⁹ Song-chú â, ngài-têu chhîn-chhú tî: Ngì ke-têu sù-thi̍t thin-chho̍k voi me̍t-mòng; hàng-sṳ chit-ok ke chhiòn-phu voi si-san.

¹⁰ Ngì pûn ngài chhiong yâ-ngiù án khiòng-chong; Ngì su-pûn ngài khi̍t-thai ke hen-fuk.

¹¹ Ngài chhîn-muk khon-tó ngài ke sù-thi̍t sṳt-phai; ngài chhîn-ngí thâng-tó kûng-kit ngài ke fái-ngìn kieu-chṳ̂.

¹² Chṳn-chhṳ̍t ke ngìn voi chhiong chûng-su án meu-sṳn, chhiong Lì-pâ-nun ke hiông-pak-su án kô-thai.

¹³ Kì-têu chhiong chung chhai Song-chú sṳn-thien tú ke su-é, chhai ngài-têu Song-ti ke thìn-yen tú kín-lòi kín-vong,

¹⁴ to ló hàn-he voi kiet kó-chṳ́, kî-ya̍p cha̍t-cha̍t, yún-yén chhiâng-chhui.

¹⁵ Liá chṳn-mìn Song-chú he kûng-chṳn ke, ngài ke phàn-sa̍k chhiòn-mò put-ngi.

Lean sinn:

Ceanglaichean taic

Sanasan