Bìoball air-loidhne

Sṳ̂-phiên 90 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

THI-SI KIÉN (Sṳ̂-phiên 90–106 Phiên) Song-ti lâu Ngìn
Sṳ̀n-ngìn Mô-sî ke khì-tó.

¹ Chú â, Ngì sṳ-sṳ thoi-thoi he ngài-têu ke kûi-siuk.

² Khiùn-sân màng-yû su chhóng-chho, Ngì hàn-màng sṳ́ thai-thi lâu sṳ-kie sàng-hìn, tui song-kú chhṳ̍t-to yún-yén, Ngì he Song-ti.

³ Ngì sṳ́ ngìn kûi-yì chhṳ̀n-thú, yu kóng: “Ngì-têu sṳ-kiên-ngìn oi chón-hi.”

⁴ Chhai Ngì khon-lòi, chhiên-ngièn yì yit-ngit, chhiu-chhiong yí-kîn ko-hi ke chhô-pû-ngit, yu chhiong am-pû-sṳ̀ ke yit-kâng.

⁵ Ngì sṳ́ ngìn chhiong pûn thai-súi tá-chéu yit-yong; kì-têu ke sâng-miang chhiong pot-mung án-tón. Kì-têu chhiong chêu-sṳ̀n-thèu fat-ngà sâng chhut-lòi ke chhó,

⁶ chêu-sṳ̀n-thèu sên-chóng khôi-fâ, am-pû-sṳ̀ khû-châu sí-thet.

⁷ Ngài-têu pûn Ngì ke fat-khién só sêu-me̍t; ngài-têu yîn-vi Ngì ke thai fat-khién chhiu chho̍k-kiâng.

⁸ Ngì chiông ngài-têu ke chhui-ok pài chhai Ngì mien-chhièn, chiông ngài-têu khong-tén ke chhui-ko hién-mìn chhut-lòi.

⁹ Ngài-têu ke su-miang yîn-vi Ngì ke fat-khién chhiu suk-tón; ngài-têu ke sâng-miang chhiong théu yit-héu thai-hi chhiu ko-thet.

¹⁰ Ngài-têu ke yit-sên chṳ́-yû chhit-sṳ̍p se, na-he yúng-khien khó-nèn to pat-sṳ̍p se; chúng-he só khoâ-khiéu ke put-ko he lò-khú sèu-fàn; chón-ngién sṳ̀n-khûng, chhiu-chhiong yùn-vu pî-chéu.

¹¹ Má-ngìn voi mìn-pha̍k Ngì fat-khién ke li̍t-liong? Má-ngìn voi tî Ngì ke thai fat-khién he ngióng-pân tet-ngìn-kiâng?

¹² Khiù Ngì kâu ngài-têu kie-son chhṳ-kâ ke ngièn-ngit, hó pûn ngài-têu tet-tó chṳ-fi ke sîm.

¹³ Song-chú â, khiù Ngì fì-sîm chón-yi! Ngì oi fat-khién to kí-sṳ̀ nè? Khiù Ngì lìn-mén Ngì ke phu̍k-ngìn.

¹⁴ Tak chêu-sṳ̀n, khiù Ngì yung Ngì put-pien ke chhṳ̀-oi mân-chiuk ngài-têu, pûn ngài-têu yit-sên-ngìn fôn-hí khoai-lo̍k.

¹⁵ Ngì sṳ́ ngài-têu yit-sên tù-tó kí-tô ke khú-nan, khiù Ngì ya pûn ngài-têu hióng-su tó kí-tô khoai-lo̍k.

¹⁶ Ngien Ngì ke phu̍k-ngìn khon-tó Ngì thai-nèn ke chok-vì, pûn ngài-têu ke chṳ́-sûn ya khon-tó Ngì yùng-kông ke khièn-nèn.

¹⁷ Chú — ngài-têu ke Song-ti â, khiù Ngì su-fuk pûn ngài-têu! Khiù Ngì pûn ngài-têu só-yû ke kûng-chok sun-li! Khiù Ngì sṳ́ ngài-têu só-cho ke yit-chhiet sṳ̀n-kûng!

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan