Bìoball air-loidhne

Sṳ̂-phiên 79 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

Vi Koet-kâ Khì-tó
Â-sat ke sṳ̂.

¹ Song-ti â, ngoi-chhu̍k-ngìn chhîm-ngi̍p Ngì ke thú-thi. Kì-têu tá-lá-sap Ngì ke sṳn-thien, sṳ́ Yâ-lu-sat-lâng pien-cho fông-liòng.

² Kì-têu nâ Ngì phu̍k-ngìn ke sṳ̂n-sṳ̂ pûn ên-tiâu sṳ̍t; kì-têu chiông Ngì sṳn-mìn ke sṳ̂n-sṳ̂ fit-pûn yâ-chhu.

³ Kì-têu sṳ́ Ngì ke chṳ́-mìn hiet-liù sṳ̀n-hò, hiet chhiong súi án-ngiòng yim-tén Yâ-lu-sat-lâng, mò liù-hâ yit-ke ngìn hó mài-chong sṳ̂-thí.

⁴ Lìn-koet vú-yu̍k ngài-têu; chû-vì ke ngìn seu ngài-têu, sâu-nat ngài-têu.

⁵ Song-chú â, hàn-oi kí-kiú nè? Ngì oi fat-khién to yún-yén mâ? Ngì ke nu-hi oi chhiong fó sêu-to kí-sṳ̀ nè?

⁶ Khiù Ngì chiông nu-hi chón-hiong m̀ kin-vi Ngì ke koet-kâ, piang chhai ke-têu m̀ khiù-ham Ngì miàng ke ngìn-mìn sṳ̂n-song;

⁷ yîn-vi kì-têu thûn-me̍t Ngâ-kok ke heu-thoi, sṳ́ kì-têu ke hiông-thú pien-cho fông-liòng.

⁸ Khiù Ngì mo̍k ki-tén ngài-têu chú-siên ke chhui, m̀-hó tui ngài-têu thó kì-têu ke chhui-chai. Khiù Ngì kiak-kiak sṳ̂-ên lòi lìn-mén ngài-têu, yîn-vi ngài-têu yí-kîn mò pan-si̍t hî-mong.

⁹ Chṳ́n-kiu ngài-têu ke Song-ti â, khiù Ngì vi-tó Ngì yùng-kông ke miàng lòi pông-chhu ngài-têu; khiù Ngì vi-tó Ngì ke miàng théu-piong ngài-têu, sa-miên ngài-têu ke chhui.

¹⁰ Cho-má-ke pûn lie̍t-koet kín-mun: “Ngì-têu ke Song-ti chhai nai-vi nò?” Pûn ngài-têu khon-tó Ngì chit-fa̍t lie̍t-koet, yîn-vi kì-têu liù Ngì phu̍k-ngìn ke hiet.

¹¹ Pûn-ngìn chok-hi koân ke, ngien Ngì chhùi-thâng kì-têu ke chhên-sâng; pûn-ngìn thin sí-chhui ke, ngien Ngì yung thai-nèn théu-piong kì-têu.

¹² Chú â, lìn-koet ngióng-pân siû-yu̍k Ngì, khiù Ngì yung chhit-phi vàn-pûn kì-têu.

¹³ Án-ngiòng, ngài liá-têu cho Ngì ke chṳ́-mìn, Ngì mu̍k-yông ke yòng-khiùn, ngài-têu oi yún-yén kám-chhia Ngì; ngài-têu oi siung-chan Ngì, chhṳ̍t-to sṳ-sṳ thoi-thoi!

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan