Sṳ̂-phiên 76 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

Tet-sṳn ke Chú Song-ti
Â-sat ke sṳ̂-kô, kâu-pûn Sṳn-kô Chhui-chóng, yung sṳ̂-hièn ke ngo̍k-hi.

¹ Song-ti chhai Yù-thai, tak-ke ngìn ngin-sṳt Kì; chhai Yî-set-lie̍t, ngìn-ngìn chûn-chhung Kì ke miàng.

² Kì chhai Yâ-lu-sat-lâng yû sṳn-chong-phùng; Kì chhai Siak-ôn-sân yû he̍t ke só-chhai.

³ Chhai ke-vi, Kì áu-thôn kiûng-chien, fí-fai tún-phài, tô-kiam lâu vú-hi.

⁴ Song-ti â, Ngì sṳ̍t-chhai chṳ̂n kông-yùng! Ngì tá-yàng thi̍t-ngìn, tui khiùn-sân chón-lòi ke sṳ̀, sṳ̍t-chhai chṳ̂n vî-ngiàm!

⁵ Kì-têu ke yúng-sṳ só chhióng-tó ke, yu pûn-ngìn chhióng-chéu; kì-têu ke chan-sṳ soi-to sí-sí, mò-li̍t hó tí-khong.

⁶ Ngâ-kok ke Song-ti â, Ngì tot yit-sâng, kì-têu ke mâ lâu khì-pîn chhiu thôn-hi.

⁷ Song-ti â, chṳ́-yû Ngì he tet-ngìn kin-vi ke! Ngì yit fat-khién, má-ngìn chhai Ngì mien-chhièn khî tet-he̍t nè?

^8-9 Ngì tui thiên-táng siên-pu phan-kiet; Ngì hong-hí-lòi sṳ̂-hàng sṳ́m-phan, oi chṳ́n-kiu yit-chhiet su ap-pet ke ngìn, ke-sṳ̀ chhiòn-thi kin-vi, m̀-kám chhut-sâng.

¹⁰ Ngìn ke fun-nu voi pien-cho tui Ngì ke siung-chan; Ngì voi phìn-fu̍k chhûn hâ-lòi ke nu-hi.

¹¹ Oi tui Song-chú — ngì-têu ke Song-ti hí-ngien, pin oi vàn-ngien; lìn-koet ya lûng-chúng oi chhièn-lòi chin-kung, kin-pai khó-vi ke Chú.

¹² Kì me̍t ke-têu vòng-chṳ́ ke vî-fûng; Kì sṳ́ thi-song ke kiûn-vòng chho̍k-kiâng.

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan