Sṳ̂-phiên 73 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

THI-SÂM KIÉN (Sṳ̂-phiên 73–89 Phiên) Song-ti ke Kûng-ngi
Â-sat ke sṳ̂.

¹ Song-ti khok-sṳ̍t ên-thai Yî-set-lie̍t, hó khoán-thai sîm-kôn chhiang-li ke ngìn.

² Chúng-he ngài hiám-hiám tá-thong-thiu, ngài ke kiok hiám-hiám khî m̀-chhai;

³ yîn-vi ngài chhit-tu kiêu-ngau ke ngìn hîn-vong, khon-tó fái-ngìn fu-kui ngài chhin m̀ kâm-ngien.

⁴ Kì-têu mò tù-tó má-ke thung-khú; kì-têu ke sṳ̂n-thí ya chhin yúng-khien.

⁵ Kì-têu m̀-sṳ́ chhiong phe̍t-ngìn án sîn-khú; kì-têu mò chhiong phe̍t-ngìn tù-tó châi-nan.

⁶ Só-yî, kì-têu chhiu chiông kiêu-ngau chún pha̍t-lien tai; kì-têu ya chiông phau-li̍t chún sâm-fu chok.

⁷ Kì-têu ke muk-chû hién-chhut thâm-sîm; kì-têu ke yi-ngiam chhûng-mân kúi-cha.

⁸ Kì-têu sâu-nat phe̍t-ngìn, kóng ngìn ke fái-fa; kì-têu chhṳ-kô chhṳ-thai, thù-mèu ap-chṳ ngìn.

⁹ Kì-têu yung choi siet-thu̍k song-thiên, yung sa̍t-mà kâu-sô sṳ-kiên-ngìn;

¹⁰ chṳ-to lièn Song-ti ke chṳ́-mìn ya thèn kì-têu, yit-sîm yit-yi sin-chhiùng kì-têu só-kóng ke fa.

¹¹ Kì-têu kóng: “Song-ti ngióng voi tî? Chṳ-kô-chá kám-yû chṳ-sṳt mâ?”

¹² Khon â, fái-ngìn chhiu-he án-ngiòng; kì-têu tông hó-chhói, kín-lòi kín-pot.

¹³ Ngài kiên-chhṳ̀ sùn-kiet, m̀-kám fam-chhui; liá sṳ̍t-chhai he long-fi chîn-sṳ̀n ke!

¹⁴ Yîn-vi ngài kûi-ngit tù-tó châi-nan; tak-ngit chêu-sṳ̀n chhiu su-tó chit-fa̍t!

¹⁵ Ngài na-he kóng: “Ngài oi ki-siu̍k án-ngiòng kóng”, ngài chhiu m̀-he Ngì chûng-sṳ̍t ke chṳ́-mìn.

¹⁶ Ngài chhin sióng-oi liáu-kié liá-ke sṳ, chúng-he ngài sông nó-kîn ya mò-yung;

¹⁷ chhṳ̍t-to ngài chin-ngi̍p Song-ti ke sṳn-thien, ngài chang mìn-pha̍k fái-ngìn ke kiet-khiu̍k.

¹⁸ Ngì sṳ̍t-chhai chiông kì-têu piong chhai va̍t thiu-thiu ke só-chhai; Ngì sṳ́ kì-têu vang-lo̍k me̍t-mòng chṳ̂-chûng.

¹⁹ Kì-têu voi chhai ngiap-muk chṳ̂-kiên me̍t-thet; kì-têu voi pûn thai châi-nan so chhiang-chhiang.

²⁰ Chhiong ngìn pot-mung, yit-siáng ko-lòi, mung chhiu mò-thet hi, Chú â, Ngì yit-siáng, kì-têu chhiu mò-chiûng mò-chiak lé.

²¹ Ngài pún-lòi sîm-fài put-phìn, ngài ke sîm-kôn su sông-hoi.

²² Ngài chhiong khìm-chhu án-ngong; ngài tui Ngì mò liáu-kié.

²³ Chúng-he, ngài yit-chhṳ̍t thùng Ngì khiung-ha, yîn-vi Ngì khiên-tén ngài ke yu-sú.

²⁴ Ngì he yung khien-va lòi phú-thô ngài, to-mî Ngì ya voi tai ngài ngi̍p yùng-kông.

²⁵ Chhù-liáu Ngì, chhai thiên-táng ngài hàn yû má-ngìn? Ngài yû Ngì, chhai sṳ-kiên ngài mò-chai yû-hó hiûn-mu ke.

²⁶ Ngài ke ngiuk-thí lâu sîm-sṳ̀n kín-lòi kín fú-phai; chúng-he Song-ti chhiu-he ngài sîm-nui ke li̍t-liong, yu he ngài ke fuk-fun chhṳ̍t-to yún-yún yén-yén.

²⁷ Ke-têu lì-khôi Ngì ke ngìn yit-thin voi me̍t-mòng; só-yû poi-phan Ngì ke ngìn voi pûn Ngì sêu-me̍t.

²⁸ Lun-tó ngài, chhîn-khiun Song-ti chhiu-he ngài ke fuk-hi! Ngài kho Chṳ-kô ke Song-chú cho ngài ke phit-nan-só; ngài oi án-ngiòng lòi siên-yòng Ngì yit-chhiet ke chok-vì.

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan