Bìoball air-loidhne

Sṳ̂-phiên 72 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

Vi Kiûn-vòng Khì-tó
Só-lò-mùn ke sṳ̂.

¹ Song-ti â, khiù Ngì kau-thô koet-vòng, pûn kì cheu Ngì ke kûng-ngi lòi sṳ́m-phan; khiù Ngì chiông Ngì ke kûng-ngi su-pûn vòng-chṳ́.

² Án-ngiòng kì chhiu voi yung chṳn-ngi chhṳ-lî Ngì ke chṳ́-mìn, cheu kûng-tong tui-thai ke-têu su̍k Ngì ke khiùng-khú-ngìn.

³ Ngien thai-sân se-sân yîn-vi kûng-ngi, sṳ́ chhiòn-koet ngìn-mìn hióng-su thai-phìn.

⁴ Ngien vòng cheu kûng-tong pí-yu khiùng-khú-ngìn, yên-chhu yû khiam-khiet mò-ngìn pông-chhu ke, thùng-sṳ̀ tá-kit khî-ap kì-têu ke ngìn.

⁵ Chhiu-son ngit-thèu hàn fat-kông, ngie̍t-kông ya hàn-chhôi, ngien Ngì ke chṳ́-mìn sṳ-sṳ thoi-thoi kin-vi Ngì!

⁶ Ngien vòng chhiong yí-súi lo̍k chhai chhó-phû; ngien vòng chhiong kâm-lìm chṳ̂-yun thai-thi.

⁷ Ngien kì chhai-vi ke ngit-è chṳn-ngi sṳ̂n-chông; ngien koet-thai mìn-ôn chhiu-chhiong ngie̍t-kông chhòng-chhùn.

⁸ Kì ke koet tui liá-chak hói theu-to ke-chak hói, tui Yu-fat-lâ-tí-hò yit-chhṳ̍t theu-to thi-khi̍t.

⁹ He̍t chhai khóng-yâ ke voi hiong kì hàng-lî; kì ke sù-thi̍t voi phu̍k-hâ hòng-fu̍k kì.

¹⁰ Thâ-sṳ̂ lâu lie̍t-tó ke-têu vòng voi tui kì hien-song kung-vu̍t; Sṳ-pâ lâu Sî-pâ ke chung vòng ya tai lî-vu̍t lòi.

¹¹ Lie̍t-vòng voi khúi-pai kì; van-koet voi fu̍k-sṳ kì.

¹² Kì théu-piong tui kì khiù-ham ke khiùng-khú-ngìn, théu-piong su ap-pet lâu mò-ngìn pông-chhu ke ngìn.

¹³ Kì lìn-mén ngiôn-ngio̍k khiùng-khú ke ngìn; kì chṳ́n-kiu khiùng-khú-ngìn ke sin-miang.

¹⁴ Kì kiu kì-têu thot-lì ap-pet lâu khiòng-phau; kì khon kì-têu ke sâng-miang cho chhin pó-kui.

¹⁵ Ngien vòng van-soi! Ngien kì tet-tó Sṳ-pâ ke kîm-é; ngien yû-ngìn sṳ̀-sòng kín thoi kì khì-tó, khiù Song-ti yit-chhṳ̍t su-fuk pûn kì!

¹⁶ Ngien thú-thi ńg-kuk fûng-tên, yû fûng-fu ke sû-sṳ̀n; sân-thèu kó-chṳ́ mân-phien, chhiu-chhiong Lì-pâ-nun yit-yong; ngien sàng-sṳ ke ngìn hîn-vong, chhiong yâ-thi sâng-mân chhiâng-chhó.

¹⁷ Ngien kì ke miàng yún-yén pûn-ngìn ki-ngiam; ngien kì ke miàng-sâng chhiong ngit-thèu chhòng-chhùn. Ngien van-mìn tui kì tet-tó fuk-hi; ngien van-koet chhṳ̂n kì chṳ̂n-yû fuk-hi.

¹⁸ Oi siung-chan Song-chú — Yî-set-lie̍t ke Song-ti! Vì-yû Kì chang hàng tet-chhut khì-meu ke sṳ.

¹⁹ Oi yún-yén siung-chan Kì yùng-yeu ke miàng! Ngien Kì ke yùng-kông chhûng-mân chhiòn sṳ-kie! Â-mén! Â-mén!

²⁰ Yâ-sî ke lai-é Thai-ví ke khì-tó kiet-suk.

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan