Bìoball air-loidhne

Sṳ̂-phiên 71 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

Ló-ngìn-kâ ke Khì-tó

¹ Song-chú â, ngài chhìm-khiù Ngì ke pí-yu; khiù Ngì yún-yén mo̍k pûn ngài kien-seu.

² Ngì he kûng-ngi ke, khiù Ngì kiu ngài, théu-piong ngài; khiù Ngì ngí-kûng chet-chet lòi-thâng ngài, chṳ́n-kiu ngài.

³ Khiù Ngì cho ngài phit-nan ke ngàm-sa̍k, ngài sùi-sṳ̀ cho-tet hi ke só-chhai; ya khiù Ngì ha min-lin lòi-kiu ngài, yîn-vi Ngì he ngài ke phàn-sa̍k lâu sàng-pó.

⁴ Ngài ke Song-ti â, kiu ngài thot-lì fái-ngìn ke sú; pûn ngài thot-lì chhàn-phau sià-ok ke ngìn ke sṳ-li̍t.

⁵ Chṳ-kô ke Song-chú â, Ngì he ngài ke hî-mong; ngài chhiùng se to liá-ha chhiu yit-chhṳ̍t sin-kho Ngì.

⁶ Ngài yit-sên só yí-kho ke chhiu-he Ngì; sṳ́ ngài phìn-ôn chhut mû-thôi ke he Ngì. Ngài oi yit-sên-ngìn chan-mî Ngì mò-thìn!

⁷ Chhin-tô ngìn ngin-vì ngài ke yit-sên fî-sòng khì-koai, chúng-he Ngì yit-chhṳ̍t he ngài kiên-ku ke phit-nan-só.

⁸ Ngài yit khôi-choi chhiu chan-mî Ngì, kûi-ngit siên-yòng Ngì ke yùng-kông.

⁹ Khiù Ngì m̀-hó chhai ngài ngièn-ló ke sṳ̀-chiet fit-thet ngài; khiù Ngì m̀-hó chhai ngài mò hi-li̍t ke sṳ̀ piong-thet ngài.

¹⁰ Ngài ke sù-thi̍t ngi-lun ngài, tá-tham ngài; kì-têu pí-chhṳ́ kie-mèu sióng-oi hoi ngài.

¹¹ Kì-têu kóng: “Song-ti yí-kîn chiông kì fit-thet lé; ngài-têu lòi-hi chok kì, mò-ngìn nèn kiu kì lé!”

¹² Song-ti â, khiù Ngì m̀-hó lì-khôi ngài án-yén; ngài ke Song-ti â, khiù Ngì kiak-kiak pông-chhu ngài!

¹³ Ngien ke-têu kûng-kit ngài ke ngìn sṳt-phai sêu-me̍t; ngien sióng-oi hoi ngài ke ngìn kien-seu su vú-yu̍k.

¹⁴ Chúng-he ngài, ngài oi yit-chhṳ̍t phan-mong; ngài oi kien-kâ sat-mâng chan-mî Ngì!

¹⁵ Ngài oi ngit-ya kóng-hí Ngì ke kûng-ngi lâu kiu-ên, sûi-yèn ke-têu yén-yén chhêu-ko ngài só-nèn liáu-kié.

¹⁶ Chṳ-kô ke Song-chú â, ngài oi lòi siung-chan Ngì ke thai-nèn; ngài só-oi siên-yòng ke, he Ngì chhṳ-kâ ke kûng-ngi thin-thin.

¹⁷ Song-ti â, ngài chhiùng se sṳ̀ chhiu tet-tó Ngì ke kau-thô; chhṳ̍t-to liá-ha, ngài hàn chhòn-yòng Ngì khì-meu ke chok-vì.

¹⁸ Liá-ha ngài ngìn ló, thèu-nà-mô pha̍k-pha̍k, Song-ti â, khiù Ngì m̀-hó piong-thet ngài! Ngài oi siên tui ha-thoi chhòn-yòng Ngì ke nèn-li̍t, chiông Ngì ke thai khièn-nèn chṳ́-sṳ heu-thoi ke ngìn.

¹⁹ Song-ti â, Ngì ke kûng-ngi pí thiên kha-kô! Ngì só sàng ke thai-sṳ, mò-ngìn pí et-tet!

²⁰ Ngì sṳ́ ngài kîn-li̍t tô-tô châi-nan thung-khú; chúng-he Ngì voi chai fì-fu̍k ngài ke ngièn-hi; Ngì voi tui yîm-kiên tî-poi kiu ngài sông-lòi.

²¹ Ngì voi pûn ngài pí siên-chhièn kha yû chûn-yùng; Ngì thin-chho̍k voi chai-ko yit-pái ôn-ví ngài.

²² Ngài ke Song-ti â, ngài oi thàn-khìm siung-chan Ngì ke sin-sṳ̍t! Yî-set-lie̍t ke Chṳ-sṳn-chá â, ngài oi thàn-khìm kô-siung Ngì!

²³ Ngài siung-chan Ngì ke sṳ̀, oi thai-sâng fôn-hí; ngài oi chhong-kô, yîn-vi Ngì yû chṳ́n-kiu ngài.

²⁴ Ngài kûi-ngit oi kóng-hí Ngì ke kûng-ngi, yîn-vi sióng-oi hoi ngài ke ngìn yí-kîn sṳt-phai kien-seu.

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan