Bìoball air-loidhne

Sṳ̂-phiên 7 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

Khì-khiù Chṳn-ngi
Thai-ví yîn-vi Phien-ngâ-mén-ngìn Kú-sṳ̍t kûng-kit kì, tui Song-chú só-ngìm ke liù-lì-kô.

¹ Song-chú — ngài ke Song-ti â, Ngì he ngài phit-nan ke só-chhai; khiù Ngì kiu ngài thot-lì ke-têu tûi ngài ke ngìn, chhióng-kiu ngài.

² Na mò, kì-têu voi chhiong sṳ̂-é án-ngiòng chiông ngài chhá-lie̍t, chiông ngài chhá-to sui-sui, ke-sṳ̀ chhiu mò-ngìn nèn kiu ngài.

³ Song-chú — ngài ke Song-ti â, lun-tó cho-ngìn, ngài na-he put-ngi, sûng-sú ngiam-tó chhui-ok,

⁴ fái khoán-thai tui ngài yû ên-chhìn ke phèn-yû, thùng ngài chok-tui ke, ngài thiâu-thiâu khî-fu kì,

⁵ án-ngiòng, chhiu yù-chhai tui-thi̍t tûi ngài, chok ngài; yù-chhai kì chiông ngài tha̍p-sí chhai thi-song, sṳ́ ngài ke chûn-yùng mài chhai nài-fôi tú.

⁶ Song-chú â, khiù Ngì chhai fat-khién chûng hong-hí-lòi, khî-hí-lòi chú-tóng ke-têu thi̍t-ngìn tui ngài ke thai fat-khién. Hó siáng lé, lòi pông-chhu ngài! Khiù Ngì sṳ̂-hàng chṳn-ngi!

⁷ Ngien van-mìn lûng-chúng vì-tén Ngì; ngien Ngì chhai kô-vi chóng-khièn thúng-chhṳ kì-têu.

⁸ Song-chú sṳ́m-phan van-mìn; Song-chú â, khiù Ngì cheu ngài ke kûng-ngi, lâu ngài sîm-chûng ke sùn-chṳn sṳ́m-phan ngài.

⁹ Kûng-ngi ke Song-ti, chhat-ngiam ngìn-sîm lâu yi-ngiam ke â! Fái-ngìn chok-ok, khiù Ngì chit-sṳ̀ chú-chṳ́; ngi-ngìn hàng-san, khiù Ngì sṳ́ kì-têu khî-vún.

¹⁰ Song-ti he pó-fu ngài ke tún-phài; Kì chṳ́n-kiu sîm-kôn chṳn-chhṳ̍t ke ngìn.

¹¹ Song-ti he kûng-ngi ke sṳ́m-phan-chá; Kì tak-ngit chit-fa̍t chok-ok ke ngìn.

¹² Ngìn na-he m̀-hén fí-kói, Kì chhiu nò-li Kì ke kiam; Kì chhiu lâi-kiûng chún-phi hó-se,

¹³ chún-phi hó chṳ-miang ke vú-hi, tiám-chho̍k Kì só-oi sa ke fó-chien.

¹⁴ Khon â, fái-ngìn ngióng-pân thù-mèu sià-ok, kì sîm-fài ok-thu̍k, hàng-sṳ kiên-cha.

¹⁵ Kì yet ham-chiáng oi hoi phe̍t-ngìn, chhṳ-kâ fán-chón tiet-lo̍k-hi!

¹⁶ Kì ke ok-thu̍k voi chón-thèu hoi-tó kì chhṳ-kâ; kì ke khiòng-phau voi lo̍k chhai chhṳ-kâ ke thèu-táng.

¹⁷ Ngài oi yîn-vi Song-chú ke kûng-ngi kám-chhia Kì; ngài oi kô-siung Song-chú — Chṳ-kô-chá ke miàng!

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan