Bìoball air-loidhne

Sṳ̂-phiên 68 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

Tet-sṳn ke Sṳ̂-kô
Thai-ví ke sṳ̂-kô, kâu-pûn Sṳn-kô Chhui-chóng.

¹ Ngien Song-ti hong-hí-lòi, sṳ́ Kì ke sù-thi̍t si-san; ngien ke-têu yen-hen Kì ke tui Kì mien-chhièn thò-chéu.

² Ngien kì-têu pûn Song-ti kiuk-chéu, chhiu-chhiong yên pûn fûng chhôi-san yit-yong; ngien fái-ngìn chhai Song-ti mien-chhièn sêu-me̍t, chhiong la̍p tù-tó fó chhiu yùng-thet yit-yong.

³ Chúng-he ngi-ngìn oi fôn-hí chhong-kô, chhai Song-ti mien-chhièn fôn-hí khoai-lo̍k.

⁴ Oi tui Song-ti chhong-sṳ̂, siung-chan Kì ke miàng; oi vi-tó ke chhô-yùn ke yi-phi tho-lu. Kì ke miàng he ôn-to Song-chú; ngì-têu oi chhai Kì mien-chhièn fôn-hí khoai-lo̍k!

⁵ Song-ti he̍t chhai Kì ke sṳn-thien tú; Kì cho kû-yì ke Â-pâ, vi koá-fu sṳ̂n-yên.

⁶ Song-ti sṳ́ kû-tân ke ngìn yû vuk-hâ hó-chón, sṳ́ pûn-ngìn koân ke tet-tó chhṳ-yù khoai-lo̍k; chúng-he phoi-ngia̍k ke he̍t chhai châu-hip ke thi.

⁷ Song-ti â, Ngì chhai Ngì chṳ́-mìn ke thèu-chhièn hàng, Ngì tai-liâng kì-têu hàng-ko khóng-yâ ke sṳ̀-chiet,

⁸ thai-thi chṳ́n-thung, thiên ya lo̍k-yí, yîn-vi Sî-nai ke Song-ti chhut-hien, Yî-set-lie̍t ke Song-ti kong-lìm lé.

⁹ Song-ti â, Ngì kong-hâ thai-yí; Ngì sṳ́ châu-châu ke thú-thi tet-tó chṳ̂-yun.

¹⁰ Ngì ke chṳ́-mìn chhiu he̍t chhai ke-vi; Song-ti â, Ngì yung chhṳ̀-pî khoán-thai khiùng-khú-ngìn.

¹¹ Chú yit ha-lin, kûi-khiùn ke fu-ńg chhiu chhòn-kóng:

¹² “Ke-têu vòng lâu kiûn-chhui thò-chéu lé!” Chhai vuk-hâ ke fu-ńg pûn-tó chan-li-phín;

¹³ yû pâu pha̍k-ngiùn ke ngie̍t-kap-è ke tiâu-siong, kì-têu ke yi̍t-kap yû vòng-kîm kín sám-kông. (Chan-chên chûng ngióng yû-ngìn khong chhai yòng-khiên tú?)

¹⁴ Chhiòn-nèn ke Song-ti kiuk-san ke-têu vòng ke sṳ̀, Kì ham thai-siet lo̍k chhai Sat-mùn-sân táng-kô.

¹⁵ Pâ-sân ke sân sṳ̍t-chhai chṳ̂n chông-ngiàm; Pâ-sân-sân yû chhin-tô chho sân-fûng.

¹⁶ Ngì-têu tô-fûng tô-liâng ke sân â, cho-má-ke chhit-tu Song-ti só-sién só-he̍t ke Siak-ôn-sân? Song-chú oi yún-yén he̍t chhai Siak-ôn sân-táng!

¹⁷ Song-ti ke chan-chhâ yû chhiên-chhiên van-van; Chú tai kì-têu tui Sî-nai ngi̍p sṳn-só.

¹⁸ Kì sṳ̂n-sông-hi to kô-kô ke só-chhai, tai-tén chhin-tô chok-lòi ke ngìn; Kì chiap-su ngìn hien ke lî-vu̍t, sṳm-chṳ phoi-ngia̍k-chá ke lî-vu̍t. Chú Song-ti oi he̍t chhai ke só-chhai.

¹⁹ Oi siung-chan Chú, chhiu-he kiu ngài-têu ke Song-ti, yîn-vi Kì tak-ngit pà-tén ngài-têu ke chhûng-tâm.

²⁰ Ngài-têu ke Song-ti he chṳ́n-kiu ke Song-ti; Song-chú he kiu ngài-têu thot-lì sí-mòng ke Chú.

²¹ Song-ti yit-thin oi tá-lan Kì sù-thi̍t ke thèu-nà, ke-têu ngang-ngang oi fam-chhui ke ngìn ke thèu-nà-hok.

²² Chú kóng-ko: “Ngài oi chiông ngì-têu ke sù-thi̍t tui Pâ-sân tai-lòi; Ngài oi tai kì-têu tui chhṳ̂m-hói ke tông-chûng ko-lòi,

²³ hó-pûn ngì-têu tui kì-têu ke hiet-chûng hàng-tén ko, ya hó-pûn ngì-têu ke kiéu lòi sê kì-têu ke hiet.”

²⁴ Song-ti â, thai-kâ lûng-chúng khon-tó Ngì tet-sṳn ke hòng-lie̍t; kì-têu khon-tén ngài ke Song-ti — ngài ke Vòng chin-ngi̍p sṳn-só.

²⁵ Sṳ̂-pân chhai-chhièn, ngo̍k-chhui chhai-heu, tá lìn-kú ke thùng-ńg chhai tûng-ông.

²⁶ Ngì-têu oi chhai thai chhi-fi chûng siung-chan Song-ti; Yî-set-lie̍t ke chṳ́-sûn â, ngì-têu oi siung-chan Song-chú!

²⁷ Chui-se ke kî-chhu̍k Phien-ngâ-mén hàng chui thèu-chhièn, yèn-heu, Yù-thai ke chung liâng-chhiu lâu sùi-chhiùng thèn-tén, chiap-tén he Sî-pu-lùn lâu Nâ-fut-thâ-li ke chung liâng-chhiu.

²⁸ Song-ti â, khiù Ngì hién-chhut Ngì ke thai-nèn, chhiu-he Ngì vi-tó ngài-têu yung-ko ke nèn-li̍t!

²⁹ Yîn-vi Ngì chhai Yâ-lu-sat-lâng ke sṳn-thien, lie̍t-vòng oi tai lî-vu̍t hien-pûn Ngì.

³⁰ Khiù Ngì chit-fa̍t Âi-khi̍p — ke-chak lù-chuk chûng ke khìm-chhu; chit-fa̍t lie̍t-koet — ke-khiùn ngiù-kú lâu kì-têu ke se-ngiù, chhṳ̍t-to kì-têu tâi-thèu hòng-fu̍k, tui Ngì hien-song ngiùn-è. Khiù Ngì chiông ke-têu chhin hau siông-chhṳ̀ ke mìn-chhu̍k tá-san!

³¹ Voi yû thai-sṳ́ tui Âi-khi̍p chhièn-lòi; Kú-sṳ̍t-ngìn voi khià-sú hien lî-vu̍t pûn Song-ti.

³² Thi-song van-koet â, oi kô-siung Song-ti; ngì-têu oi chhong sṳ̂-kô lòi siung-chan Chú!

³³ Oi kô-siung ke chhô chhai van-kú kô-thiên song ke Chú! Thâng â, Kì fat-chhut ke sâng-yîm mân-yû khièn-nèn.

³⁴ Oi chhòn-yòng Song-ti ke thai khièn-nèn; Kì ke vî-ngiàm thai-ko Yî-set-lie̍t; Kì ke thai khièn-nèn chhûng-mân kiûng-chhông.

³⁵ Song-ti â, Ngì chhai Ngì ke sṳn-só chûng he chṳ̂n tet-ngìn kin-vi ke! Yî-set-lie̍t ke Song-ti su li̍t-liong lâu khièn-nèn pûn Kì ke chṳ́-mìn. Ngì-têu oi siung-chan Song-ti!

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan