Sṳ̂-phiên 66 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

Siung-chan Kám-ên ke Sṳ̂-kô
Yit-phiên sṳ̂-kô, kâu-pûn Sṳn-kô Chhui-chóng.

¹ Chhiòn sṳ-kie oi fôn-hí thai-sâng siung-chan Song-ti!

² Oi chhong-kô siung-chan Kì yùng-kông ke miàng! Oi hien chan-mî ke sṳ̂ lòi yùng-yeu Kì!

³ Oi tui Song-ti kóng: “Ngì só-cho ke sṳ̍t-chhai khì-meu! Ngì ke nèn-li̍t thai-to lièn sù-thi̍t ya hòng-fu̍k Ngì!

⁴ Chhiòn sṳ-kie lûng-chúng oi kin-pai Ngì, tui Ngì chhong-kô, siung-chan Ngì ke miàng.”

⁵ Lòi â, lòi khon Song-ti só-cho ke thai-sṳ; lòi khon Kì chhai ngìn-kiên khì-meu ke chok-vì.

⁶ Kì sṳt chiông hói pien-cho châu-thi, pûn ngài-têu ke chú-siên hàng-tén ko hò-pa; ngài-têu chhai ke-vi yîn-vi Kì khoai-lo̍k.

⁷ Kì phìn chhṳ-kâ ke thai-nèn chóng-khièn to yún-yén; Kì yung Kì ke muk-chû kam-chhat van-pâng van-koet; phoi-ngia̍k ke ngìn â, m̀-hó chhṳ-kô chhṳ-thai ô!

⁸ Van-mìn â, oi siung-chan ngài-têu ke Song-ti, pûn chan-mî Kì ke sâng-yîm chhòn-phien si-fông.

⁹ Kì yû pó-sú ngài-têu ke sâng-miang, pûn ngài-têu ke kiok mò tá-thong-thiu.

¹⁰ Song-ti â, Ngì sṳt kháu-ngiam ngài-têu; Ngì thon-lien ngài-têu, chhiong lien ngiùn-è.

¹¹ Ngì sṳ́ ngài-têu ham-lo̍k lò-mióng tî-poi; Ngì yung chhûng-tâm chak ngài-têu ke poi-nòng.

¹² Ngì chún sù-thi̍t chhô chan-chhâ chan ngài-têu ke thèu-nà; ngài-têu yu kîn-li̍t súi-chhṳ̂m fó-ngie̍t ke sṳ-lien; yèn-heu Ngì tai ngài-têu to fûng-sṳn ke só-chhai.

¹³ Ngài oi tai sêu-fa-chi ngi̍p Ngì ke sṳn-thien, tui Ngì vàn ngài só-hí ke ngien,

¹⁴ chhiu-he fam-nan chûng ngài chhîn-khiéu hí ke ngien.

¹⁵ Ngài oi hien phì-phì ke thèu-sâng cho sêu-fa-chi; ngài oi chiông mièn-yòng-kú, ngiù-kú lâu sân-yòng-kú, cho hiông-hiông ke sêu-fa-chi hien-pûn Ngì.

¹⁶ Kin-vi Song-ti ke ngìn â, ngì-têu lòi thâng! Ngài oi kóng-hí Kì vi ngài só-cho ke khì-sṳ.

¹⁷ Ngài sṳt khôi-choi khiù-ham Kì; ngài ya chhut-sâng siung-chan Kì.

¹⁸ Ngài na-he sîm fài chhui-ok, Chú yit-thin m̀ thâng ngài khiù.

¹⁹ Chúng-he Song-ti sṳ̍t-chhai thâng-tó lé; Kì liù-sîm thâng ngài khì-tó ke sâng.

²⁰ Song-ti he yin-tông tet-tó chhṳ̂n-siung ke, yîn-vi Kì mò khî-chhie̍t ngài ke khì-tó, ya mò sû-chón Kì put-pien ke chhṳ̀-oi.

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan