Sṳ̂-phiên 65 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

Siung-chan lâu Kám-ên
Thai-ví ke sṳ̂-kô, kâu-pûn Sṳn-kô Chhui-chóng.

¹ Song-ti â, ngài-têu yin-tông chhai Siak-ôn chan-mî Ngì; ngài-têu yin-tông tui Ngì vàn só-hí ke ngien.

² Thâng ngìn khì-tó ke Chú â, ngìn-ngìn yin-tông chhiu-khiun Ngì.

³ Chhui-ok yàng-ko ngài-têu ke sṳ̀, Ngì sa-miên ngài-têu ke ko-fam.

⁴ Ngì só kién-sién, tai-lòi he̍t chhai Ngì sṳn-só ke ngìn, sṳ̍t-chhai yû fuk-hi ô! Ngài-têu voi hióng-su Ngì sṳn-só ke fûng-sṳn to sîm-mân yi-chiuk, chhiu-he Ngì sṳn-thien ke fuk-hi!

⁵ Chṳ́n-kiu ngài-têu ke Song-ti â, Ngì yung khì-meu ke chok-vì lòi en ngài-têu ke khì-tó, pûn ngài-têu sṳn-li. Sṳ-kiên ke van-mìn lâu thiên-ngài hói-kok ke ngìn chhiòn-phu sin-kho Ngì!

⁶ Ngì chông-hién Ngì ke thai-nèn, yung li̍t-liong ôn-thin khiùn-sân.

⁷ Ngì phìn-chhin thai-hói ke ho-sâng, pô-long ke chhàu-nau, lâu van-mìn ke sâu-thung.

⁸ Chhiòn sṳ-kie yîn-vi Ngì só sṳ̀n-chhiu ke thai-sṳ lòi kin-vi Ngì; tui ngit-chhut to ngit-lo̍k chṳ̂ thi ke ngìn yîn-vi Ngì ke chok-vì lòi fôn-fû.

⁹ Ngì khon-ku thú-thi, lo̍k kâm-lìm lòi chṳ̂-yun kì; Ngì sṳ́ thú-thi tet-tó chṳ̂-yông, pûn kì phì hí-lòi. Ngì só-su ke hò-pa, yí-súi mân-mân; Ngì pûn thai-thi ki-siu̍k chhut-sán ńg-kuk.

¹⁰ Ngì sṳ́ kâng-thi yí-súi chhûng-chiuk, yung súi chṳ̂-yun thièn-thi; Ngì lo̍k-yí pûn châu-nài sûng-ngiôn, sṳ́ nùng-chok-vu̍t tet-tó sên-chóng.

¹¹ Ngì ke ên-tién sṳ́ ngài-têu ngièn-ngièn fûng-sû; yû Ngì kiok-chiak ke só-chhai chhiu yû fu-chiuk.

¹² Mu̍k-chhòng chûng ngiù-yòng sṳ̀n-khiùn; sân-liâng kiên fôn-sâng mân-phien.

¹³ Ngiù-yòng mân-sân, ńg-kuk mân-hâng; van-vu̍t yit-thùng fôn-fû kô-chhong!

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan