Sṳ̂-phiên 62 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

Sin-kho Song-ti
Thai-ví ke sṳ̂, kâu-pûn Sṳn-kô Chhui-chóng, cheu Yâ-thu-tun ke chhong-fap.

¹ Ngài sîm-sṳ̀n tiâm-tiâm tén-heu Song-ti; ngài ke chṳ́n-kiu he tui Kì lòi ke.

² Vì-yû Kì he ngài ke phàn-sa̍k, ngài ke kiu-chú; Kì he ngài ke sàng-pó, ngài chhiu m̀-voi yèu-thung.

³ Ngì-têu chhiòn-thí kûng-kit yit-ke ngìn, oi-to kí-sṳ̀ nè? Kì chhiong chhià-chéu ke vì-chhiòng, voi vang ke lì-pâ thin-thin.

⁴ Thai-kâ yit-sîm yit-yi sióng-oi chiông kì tui thai-vi lâi hâ-lòi; kì-têu hau-kóng fâ-liâu, mân-choi chuk-fuk, chúng-he sîm chu-ma kì.

⁵ Ngài ke sîm â, tiâm-tiâm tén-heu Song-ti, yîn-vi Kì he ngài vì-yit ke hî-mong.

⁶ Vì-yû Kì he ngài ke phàn-sa̍k, ngài ke kiu-chú; Kì he ngài ke sàng-pó, ngài chhiu m̀-voi yèu-thung.

⁷ Ngài ke chṳ́n-kiu lâu kông-yùng chhiòn-phu he chhai Song-ti; Kì he ngài kiên-ku ke phàn-sa̍k, ngài ke phit-nan-só.

⁸ Chung pak-siang â, oi sṳ̀-sòng sin-kho Song-ti, chiông sîm-yi chhiòn-phu pài chhai Kì ke mien-chhièn, yîn-vi Song-ti he ngài-têu ke phit-nan-só.

⁹ Pî-chhien ke ngìn chhin hî-khûng; fu-kui ke ngìn tông hî-ká. Yung chhṳn-é lòi-chhṳn, chhiòn-mò pan-tiám chhûng; kì-têu lûng-chúng pí khûng-hi hàn-kha khiâng.

¹⁰ Ngì-têu thin-chho̍k m̀-hó yí-kho ok sṳ-li̍t, ya m̀-hó nong-sióng kho chhióng-ngìn lòi fat-chhòi; chhiu-son pot hí-lòi, ngì-têu ke sîm ya m̀-hó yí-kho chhièn-chhòi.

¹¹ Ngài chai-sâm thâng Song-ti kóng-ko, yit-chhiet khièn-nèn he su̍k Kì ke;

¹² Chú â, put-pien ke chhṳ̀-oi ya he su̍k Ngì ke. Ngì yit-thin voi cheu tak-sà só-hàng ke po-yin kì-têu.

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan