Bìoball air-loidhne

Sṳ̂-phiên 61 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

Khì-khiù Pó-fu
Thai-ví ke sṳ̂, kâu-pûn Sṳn-kô Chhui-chóng, yung sṳ̂-hièn ke ngo̍k-hi.

¹ Song-ti â, khiù Ngì thâng ngài ke khiù-ham; khiù Ngì chet-ngí chhùi-thâng ngài ke khì-tó.

² Ngài chhai yén-lì kâ-mùn ke thi-khi̍t, ngài sîm-kôn vut-chut, ngài khiù-ham Ngì. Khiù Ngì tai ngài to ôn-chhiòn ke phit-nan-só!

³ Sṳ-sṳ̍t-song Ngì chhiu-he ngài ke pó-fu-chá, he ngài tí-khong thi̍t-ngìn kiên-khiòng ke sàng-pó.

⁴ Khiù Ngì pûn ngài yún-yén he̍t chhai Ngì ke chong-phùng tú; pûn ngài chhai Ngì ke yi̍t-kap hâ-poi tet-tó pí-yu.

⁵ Song-ti â, yîn-vi Ngì yû thâng ngài só-hí ke ngien; Ngì su ngài kin-vi Ngì ke ngìn yin-tet ke sán-ngia̍p.

⁶ Khiù Ngì chen-kâ koet-vòng ke su-ngièn, pûn kì chhòng-miang to van-sṳ van-thoi!

⁷ Song-ti â, ngien kì chhai Ngì ke mien-chhièn yún-yén cho vòng; ngien Ngì yung sin-sṳ̍t lâu put-pien ke chhṳ̀-oi pó-fu kì.

⁸ Án-ngiòng, ngài chhiu yún-yén chhong-kô siung-chan Ngì ke miàng; ngài hàn-oi tak-ngit tui Ngì vàn ngài só-hí ke ngien.

Lean sinn:

Ceanglaichean taic

Sanasan