Bìoball air-loidhne

Sṳ̂-phiên 57 - HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-su

Khiù Pông-chhu ke Khì-tó
Thai-ví sám-phit Só-lò, khong chhai sân-thung heu khat liá-sú sṳ̂ , kâu-pûn Sṳn-kô Chhui-chóng, thiau yung Mo̍k Phai-fai.

¹ Song-ti â, lìn-mén ngài, khiù Ngì lìn-mén ngài, yîn-vi ngài yí-kho Ngì. Ngài oi khong chhai Ngì ke yi̍t-kap hâ khiù Ngì pó-yu, tén-to só-yû ke châi-nan ko-hi.

² Ngài oi thai-sâng khiù-ham Chṳ-kô ke Song-ti, chhiu-he su ngài yit-chhiet sî-yeu ke Song-ti.

³ Kì voi tui thiên-táng chhûn-sú kiu ngài; Kì voi kiuk-chéu ap-pet ngài ke ngìn. Song-ti voi tui ngài hién-chhut Kì put-pien ke chhṳ̀-oi lâu sin-sṳ̍t.

⁴ Ngài pûn sù-thi̍t vì-khun; kì-têu chhiong oi sṳ̍t ngìn ke sṳ̂-é. Kì-têu ke ngà-chhṳ́ chhiong chhiông, chhiong chien; kì-têu ke sa̍t-mà chhiong li-kiam.

⁵ Song-ti â, ngien Ngì ke chûn-yùng chhêu-ko chû-thiên! Ngien Ngì ke yùng-kông chhûng-mân chhiòn-thi!

⁶ Thi̍t-ngìn sat lò-mióng oi chok ngài; ngài pûn châi-nan ap-to poi kû-kû. Kì-têu chhai ngài ke mien-chhièn yet ham-chiáng, chhṳ-kâ fán-chón tiet lo̍k-hi.

⁷ Song-ti â, ngài sîm kiên-thin, ngài sîm kiên-thin; ngài oi ngìm-sṳ̂, ngài oi chhong-kô siung-chan Ngì!

⁸ Ngài ke sîm-sṳ̀n â, hó-siáng lé! Khìm â, sit â, hó-siáng lé! Ngài oi hêm ngit-thèu hong-hí-lòi!

⁹ Chú â, ngài oi chhai lie̍t-koet chûng kám-chhia Ngì! Ngài oi chhai van-mìn chûng chhong-kô siung-chan Ngì!

¹⁰ Ngì put-pien ke chhṳ̀-oi thai-to tù-thiên; Ngì ke sin-sṳ̍t tha̍t-to kiûng-chhông.

¹¹ Song-ti â, ngien Ngì ke chûn-yùng chhêu-ko chû-thiên! Ngien Ngì ke yùng-kông chhûng-mân chhiòn-thi!

« Roimhe

Air adhart »

Bible Society in Taiwan

Lean sinn:

Ceanglaichean taic

Sanasan